我覺得依家嘅網絡風氣之所以咁toxic ，某方面係因為學校缺乏思維訓練，社會充斥金錢至上而貶抑文科嘅價值觀，部分人缺乏對他者嘅同理心，盲目仇男、仇女，唔會質疑社會灌輸嘅觀念，唔會理解他人嘅困難，對女性被偷拍、跨性別被歧視、男性困境等問題視而不見。

不過坦言，其實都希望少啲「男性困境都係男性造成」，呢類將矛盾只定義為男女之間或單一性別嘅錯，而忽略父權女都會強化壓迫嘅簡化論述，而其實係性別、階級意識、經濟條件交織而成嘅壓迫，底層同頂層、有冇擁護父權而獲得紅利嘅男女嘅處境有好大唔同，不可一概而論為男性、女性嘅整體，我批評嘅係一啲以偏概全嘅指控，例如「女人都係easy mode」、「男性都係犯罪預備軍」等，帶有刻板印象與歧視色彩嘅論述。

我支持女性主義嘅原因係我會由平權角度出發，同基於惻隱之心，不忍見到作為每一個人嘅個體嘅權利被剝削，所以喺人權框架內去爭取佢哋嘅權利而已。而我亦都希望大眾可以試吓去理解他人嘅困難，去幫助佢哋，而唔係「我唔知」、「我咩都睇唔到」。

我覺得網絡風氣toxic未必絕對關教育事。全世界嘅網絡世界hate speech都係一個問題。或者係因為大家對自己人生或者生活有諸多不滿，但現實生活冇得宣洩，唯有喺網上放負。有多少為嗌交而嗌交，有咁盡講咁盡，反正又唔駛負責任。

再加上網上留得言嘅都係d對嗰個話題有強烈主觀感覺嘅人，講嘢自然偏激一d，易惹嚟反駁。

正如好多人連女權，父權嘅definition都未必真正瞭解就不停噴人。留個言鬧人，自己開心咗，拍拍囉柚走，冇任何責任要負。

好多理論都係精英設計出嚟畀下層人無病呻吟、排除異己，精英最高興見到你班基層泥漿摔角、狗咬狗，再一野割晒全部韭菜

想認真誠實討論問題前，卸除所有人文理論先

我覺得係美女係easy Mode啫，唔係全部女人係。
至於「男人係所有犯罪嘅來源」，呢個說法擺喺現代社會裏面，當然算係一種性別畸見。但係基於天性，男人本身的確係有啲犯罪因子潛藏喺骨子裏，我自己係男人本身唔否認呢種說法。因為我發夢有時會發啲好暴力嘅夢，我唔知係咪全部男人都有呢啲夢，因為基本上我都冇同任何朋友分享過呢啲嘢。
但呢種潛意識的確係潛藏咗喺我思想裏，尤其是少年時期，嗰陣真係打交多過食生菜。🤦

你無邏輯思維又點賺錢呢？喺表達上如果邏輯亂七八糟，而且又容易發火既人，基本上喺社會都唔會太成功。

當然更加成功既人先唔得閒同人鬧交。

人文理論無咗人文關懷就只係政治工具.
比起 宣揚人文理論, 更應該宣揚人文關懷.