📌 我諗每個打工仔，都有
共 44 條紀錄
我諗每個打工仔，都有一個瞬間突然「覺醒」，決定以後準時收工，一蚊都唔會幫公司賺多。🙃
我個 moment 係發生喺半年前。嗰陣我發高燒 39 度，去咗急症室吊鹽水。我影咗張手插住針嘅相，連埋醫生紙 WhatsApp 老細請 Sick Leave。
點知佢秒回：
「Take care呀！好好休息。」
「Btw，你隻手冇事吖嘛？既然你都係攤喺張床度，不如幫手望望個 Excel？個客等緊 🙏🏻」
望住個「🙏🏻」emoji，我心唸….
原來喺老細眼中，我唔係一個有血有肉嘅人，而係一部只要仲有 1% 電，都要繼續 Run 個 Excel 嘅雲端伺服器。
嗰一刻，我好平靜咁覆咗句：「醫生話我對眼發炎，暫時睇唔到 Mon。」然後熄機，瞓覺。
第二日返公司，我將自己個人生 Status 正式轉為「無情嘅打卡機器」。
老細依然係老細，但我已經唔係當日嗰個會為公司賣命嘅傻仔。
認真問：大家係經歷咗啲咩荒謬事，令你對間公司徹底心死，決定原地「裸辭」？講出嚟等大家見識下啲慣老闆可以有幾癲 ？
我公司請我做temp 工，我眼見啲 permanent 懶到仆街，我覺得好唔公平，所以我而家開始hea 做，亦同一個同事講如果公司唔𨍭我做perm , 我完約就bye bye .. 可能好多人覺得有得extend 咪好好，我唔同意喎，情願留係屋企都唔想幫懶人執屎
只要唔係自己嘅business就唔駛太上心
一定身心行先
我朋友痾血入院（罕見病），佢公司搵專人送左個好大嘅果籃比佢，重點係送埋部 laptop 過去比佢做野！
曾經試過連續成個星期反反覆覆發燒唔退，嗰陣仲要係疫情（但又唔係中招），辛苦嘅程度係去過急症同轉過幾個醫生睇，都未搵到病因，然後上司叫我好啲嘅時候就上ig fb出埋公司啲post，本身已經畀呢份工搞到身體同情緒都好差，加埋呢一吓真係令我下定決心「裸辭」保平安
然後裸辭之後成個人即刻無晒事仲好好胃口又肥返啲。。。
腦細太子爺自己中左Covid唔出聲仲返o左公司開會跟住過兩日話病WFH。隔幾日後我都以為感冒係甘咳，咳到似氣管炎去睇醫生話係中左肺炎跟住請左3日病假，HR係甘催拎醫生紙就即刻email比佢仲問肺炎普通感冒催返工，未好返晒第4日就返左工想要求WFH兩日（係要返到公司見左個人問埋HR 先可以WFH兩日），隔左一個星期出糧點知扣左3 日請病假糧，跟住email比腦細太子爺同佢講我有交病假紙通知點解扣我3日糧，腦細太子爺就話你問返HR啦，佢話唔到事⋯⋯最後HR話3日病假係no sick pay如果我知請過4日先有sick pay 我實放多1日，個HR由我第1日請病假都催我交病假紙又催我返公司做野。自從知道扣左3 日糧，嬲到下個連bonus 都唔拎，裸辭，連3日糧都扣埋，個bonus 都唔會多得去邊，嬲到最後連bonus都豪比佢寧願唔做，請病假甘難點做落去。
其實1 個月應該有2日sick leave,佢扣你1日錢都好,仲要扣3日,勁pk,呢d 公司真係唔駛恨
呢間公司係英國，唔係香港勞工法，所以唔同，仲未講個bonus 係合約一早寫左唔「保證」有😒，扣得3日人工，問腦細太子爺話扣糧呢單野都唔關佢事，果一刻好似乞求佢比返3日糧我甘，簡直好似乞丐兜裡拿飯食甘。糧都扣得，Bonus 係仲有一個月就出，但唔好唸bonus 佢都可以唔派比我。
有份工試過要趕project，果時日日o到3-5點，仲要無補水
但係果陣啱啱入行一年到當拎下經驗，個project完左就諗住即刻走佬
點知同老細反左面，成team比人炒左
都知細公司個老細做開土皇帝，但係估唔到佢真係面都唔比
炒完我地果下仲覺得佢自己贏撚左咁
所以以後番嘅每份工都按章工作算，唔洗幫人諗d野點做，你話點就點
真係唔滿意嘅話大不了咪比人炒，反正間公司又唔係我嘅，我又無股份分
唔好比d無謂嘅情緒帶到比放工嘅自己，搞到自己唔開心
成L日將無人肯做嘅野塞落我度 開頭我傻仔以為幫一次半次 幫得就幫 到後來因為我自己都越黎越多野做 真係幫唔到人地執屎 佢就話點解唔OT做 點解我要OT做人地嘅野 果樣仲要係恆常ge 唔通我要長期OT做人地嘅野？
最近 另一位上司offer話不如放假日返公司一日幫幫手 之後補返日假比你啦 點知星期六返去打足卡 想補假果時 上上司又突然話返黎做果d野唔係urgent唔批 問點解唔平時OT做..
on99 唔批唔好批 機票我買一早買左唔會改 我亦都無將果日用AL入假 佢鍾意到時當我擴工warn我都無所謂 最好炒埋我 正一食屎狗
如果想放工就係放工，要睇工作性質(或者行業)，政府工/公營機構，有啲人 17:15 已經乜都唔理入廁所洗手準備放工。
私人公司就算管理層，除咗 OT，夜晚仲有應酬、集團活動、行業活動、公益事業活動、行業 chartered 進修班。有行家仲去讀第二個碩士學位，都係為咗工作或者升職加薪。
你以為老細會好啲？坐長途火車一樣開電腦睇報告、Long-D 開會。有老細自己在荔枝角收押所，同事探佢一樣傾公事。我做完手術，左手插斗，右手就睇 iPad 回覆 email。責任問題，唔想麻煩同事。
以上所有，唔係為咗公司，係為咗自己，有朋友60歲仍然做經理，有朋友 35 歲做跨國公司香港 DGM，大家一樣碩士，工作投入就係分別。
當然，我都有羨慕過五點就可以放工嘅人嘅。
做左十幾年出名做野盡責又頂得
不過依家轉晒管理層
連我係宏福苑災民都準備裁我
等自由身再上黎講
香港老牌子(不過依家同中資冇分別 :)
遲到亂罰錢係犯法。佢只能按照你薪金精準地按遲到分鐘扣。扣多一分鐘你都可以告佢。
收到，謝謝你🙏想請問公司主管罰錢付現金，這個合法嗎？
唔係罰錢既支付方式問題，係因遲到名義而「胡亂」罰錢呢件事本身已經係犯法。
我明白了罰錢超過法定是犯法，謝謝！另外，因為聽聞主管收現金後自己袋落袋，所以想了解清楚而已，非常感謝您🙏
其實唔關自己事，我又冇辭職，不過對之後任何一間公司唔會太上心，準時返工放工，做好自己野就算。
話說當時公司有對情侶，打算結婚，佢地兩個都好賣命既，仲要因為就公司開區域會議而更改婚期，婚後佢哋去咗度蜜月三星期。之後佢哋返黎第一日公司就炒左個男嘅，女既仲係度，嗰日之後就從未見過女嘅會OT，佢變得準時收工，再之後男既好快就搵到新工，好似話返左一個月都做得幾開心，女既就立即裸辭唔做。聽講佢同老爺奶奶住，佢話第日就算未搵到野做都要扮出門口返工，唔可以俾佢地知道喎。
就係因為咁佢要立即離開個傷心地。
當年covid 一開始果陣
人人都AB team / WFH
我老細唔肯仲話有咩好驚
因為當時我有同佢講過因為covid我另一半有返工無放工好忙好辛苦
然後佢就話如果我唔想返公司可以唔做
反正你另一半咁多工返搵多咗錢
我果晚即刻打咗辭職信
諗住第二日返工見到佢就俾佢
然後佢第二日返到嚟同我道歉
我當下真係仲嬲緊
但我知道果陣如果辭咗職應該好難咁快搵到工
果陣太初期大家都對隻病毒唔了解
但我就由果陣變咗個無情嘅工作機器
我職責嘅嘢我會做
佢叫我做既其他嘢唔影響我原本工作進度嘅先接
其他嘢都會推或者同佢講我唔可以係你要嘅deadline 俾你得唔得
唔會再幫佢趕嘢💪🏻
我老闆還可以，因為佢係橡皮章。反之我上司就超PK. 首先，靚女可以善待，豬頭骨其他人做（包括我），因為公司係國際公司，所以會有時差。例如中國假期，香港放假，外國冇放，原定的報告也是要如期交。我上司便會把這些全部交俾我，即係假期也要我去做，仲有，係WFH,唔可以返公司做。都唔緊要，做完仲要彈三彈四，當眾呀。靚女們唔識做嘢唔緊要，最緊要唔好發脾氣。唔洗擔心架，呀邊個邊個會做。每件事都幾重標準，靚女做錯，唔緊要，慢慢來。我地呢啲做得唔好，或者唔明，狗血淋頭咁鬧。最緊要係，你執好曬D屎，等靚女踩住你上。
講到尾，D人會話：為錢打工，硬食。但我會話：你有錢都冇命洗呀⋯⋯
Day 1 已經知道盡力準時放工
唔好投放太多感情，又唔係自己生意
我從來工作從來係為自己所得著，一直都唔會幫公司手壓榨任何人。
不過有次覺得蝕咗係，明明公司逼針逼到去睇精神科兼resign，都仲夠膽WhatsApp cfm我last day。因為佢要我指定某日response，咁所以我用精神科假紙sick leave都照deadline resign唔打搞同事，無乜餘愉嘅情況下就日曆都無睇就擲封resign letter，無留意嗰日係星期日，反正都係想逼我走所以個大中華區HRM望都無望就話accept。到香港office之後發現膠咗就WhatsApp問我，因為真係無心力所以好L串咁應個direct M話我1號遞信就梗係31號last day架啦，覆原隔幾日先為意嗰日係星期日🤣
依家諗返都真係應該繼續睇一排醫生請一排sick leave先再算好過🤣
：你從來冇當公司嘅野係你自己嘅野去做
：係呀 因為公司賺嘅錢真係唔係我嘅錢🤷♀️
你發燒仲叫你睇Excel? 我覺得單手要求睇Excel可接受，但發緊高燒睇出錯機會大。
明明一定無可能做得完，同佢講工作量問題佢話You have to finish it
要我做嘢得吖 計我wfh lo
計我long sick又扣錢又要做你老味
1）垃圾腦細叫左條垃圾vendor仔番黎升職羞辱我 條友無料又廢扮大枝 背後個個都笑佢廢而不自知
2）垃圾腦細縱容同我同級同事日日唔做野 請個唔識做野既人番黎又掗掗揸揸既人番黎做我同級侮辱我
番番下工對眼爆血管眼白變左血紅色，同上司講早走睇醫生，佢話今日好忙你搵日再睇，好癲我立即走人睇醫生，夜晚佢係大group度屌我話咁忙都走左去唔負責任
有日腸胃炎sick leave。
第二日老細問，冇事吖嘛？
我當佢隨口問，我亦隨口答冇事。
佢就用責備嘅語氣話，冇事就返工啦，好多嘢等住你做㗎。
唔構成裸辭。當時又後生，個市又好，揾到先走。
而呢位老細，係employee of the year。即係全公司都係咁嘅culture。
年尾朝8晚11成個月冇額外OT，老細仲嫌你唔夠勤力，晚晚的士返屋企，最後辭職，最尾個月仲惨過做咗5年，擺明唔係我出錯，有證據，老細都係話你錯，好CLS
大公司正路files 上曬部門可以access嘅server，點解要放假同事睇？呢啲垃圾公司早走早著～
自己做完手術當日仲要被叫上班🙄🙄🙄冇返工之後就冷藏處理🤣🤣🤣之後返到自己都冇哂心機就辭職了
不是發生在我身上，工作狂是朋友上司，一路化療一路打俾下屬傾公事。
家父過身，我請假，個日本老闆問我係咪可以帶電腦返去WFH，彷彿呢個安排已經係對我莫大施惠
永遠唔好覺得同事同老細會係朋友或正常人，收幾錢做幾錢野，要抱住同事同老細係隨時出賣你嘅敵人