我都唔知點算好 每次同阿媽嘈完交佢都會send一大堆呢d 結果永遠都唔會改 每次我以為佢情緒終於可以正常返小小 佢就第日重新崩潰 日復一日 我都唔知道要點面對佢 每次都要原諒佢 原諒完先發覺佢原來真係唔愛我

你阿媽肯同你道歉、表達愛意，算係咁，就算佢改唔到，佢都意識到自己做錯，請你好好珍惜⋯

果啲叫樓主好好珍惜，咩阿媽識道歉已經好好，咩阿媽好在乎你好愛你嘅人，麻煩你地shut the fuck up. you are not helping.

樓主成世人可能已經原諒左佢阿媽好多次，都失望左好多次，日復一日。佢有權同傷害佢嘅人保持距離，不論佢係邊個。

唔知大家嘅父母係咪比樓主嘅更差覺得樓主都唔係好慘，定係大家屋企parenting好好，但係一味叫樓主珍惜、原諒簡直係兜巴兜巴車落樓主到。

成班斯德哥爾摩症候群病人想拉埋其他人落水，任何關係都係有界線，當對方一而再再而三踐踏又唔改變，你係冇責任再維持呢段關係

但睇佢既文字覺得佢真係有努力
可能每次發生事情時唔識控制自己
但其實佢知道係唔啱 所以先會低頭示好
明白可能你對住佢咁覺得好辛苦
但睇得出你對佢好重要
希望你可以多啲support 佢醫好情緒病
情緒病人需要時間同愛 請相信一切會好起來
當然要同時注意自己嘅身心健康🫂

我明白你嘅感受。

當一個人不斷咁道歉、承諾改變，但之後又重複同樣嘅傷害行為，呢個本身就係一種情緒虐待嘅循環。

真正嘅道歉係需要有行動上嘅改變，唔係淨係講「對唔住」三個字。

你嘅失望同埋懷疑自己係咪真係被愛，係完全合理嘅反應。當一個人不斷侵犯你嘅界線同私隱，然後用眼淚同道歉嚟要求你原諒，但轉頭又繼續傷害你，呢個唔係愛，呢個係控制。

你唔需要因為佢道歉咗就要原諒佢。

愛你嘅人會尊重你嘅感受，會用行動證明佢哋嘅改變，而唔係要你不斷咁承受傷害之後再不斷咁原諒。

你有權利保護自己，你有權利設立界線，你有權利感到疲倦同失望。

希望你早日搵到生活嘅出口。

屌你真係臭閪黎，比枱階你落仲唔妥？不如掉番轉你去同阿媽道歉啦。不過你呢啲不知感恩既人做唔到架啦。

其實呢一個係好典型嘅家暴循環….一開始關係緊張，你要好小心每一樣自己做嘅嘢驚對方爆炸，之後對方爆發傷害完你就道歉，同你講以後唔再咁，好一排之後又再返返去關係緊張，不停重複發生。

你好愛佢，你亦都希望佢愛你，但再咁落去我都驚你一頂唔順，亦都比阿媽情緒勒索到一個地步覺得係自己嘅責任。佢有情緒病需要專業人士去幫佢，希望你都有啲可以相信嘅人去支援你，比你知道你冇做錯事。

另外，樓主只係po咗阿媽道歉嗰一部份，阿媽發癲嗰部分大家都唔知係點。阿媽有情緒病，但個女都係人都有自己情緒，一家唔知一家事，唔好加多把口去情緒勒索人。

情緒病就係咁
發作既時候會失去理智 不受控
自己果刻未必意識到做緊乜野
但至少你媽媽事後恢復理智之後會覺得內疚
希望你媽媽及早正視問題
早日康復

你持續咁樣落去，你都可能會有情緒病，好多時都有遺傳
我爸媽都好癲，成日都一齊打我，撼我個頭埋牆、一係就長時期言語暴力個啲，日日都話聽日跳樓死因為我，我拖到25歲先離開屋企，差唔多過咗10年我都仲要好易受影響，有PTSD
如果可以見少啲，會嘈少啲，去到出手先走lol，但我覺得照顧好自己最緊要，身心都係，佢係你媽媽，唔代表可以持續傷害你，不過一定有人話不敬個啲

情緒病 佢自己本身都困擾 ，控制唔到 ，依家可能成日都會嘈交，怕有一日嘈都無得同佢嘈，
好好支持佢努力醫病，多陪伴，可能佢成日都捉住你罵， 但骨子裡佢係愛你 先咁多野發洩同長氣 ，情緒病患者 情況差起黎 可以好差，只係情緒生了病

有時離開亦都係一種愛。
唔係話以後老死不相往來，而係多年來嘅既定關係，已經令你哋之間出現無法修補嘅裂縫，甚至可能有PTSD 。 有時旁人嘅介入反而會比較幫到手，尤其是專業人士意見。盡咗自己子女嘅責任，但有時就係無能為力，先好好去愛自己，至有餘力愛其他人🙂‍↕️

有毒嘅關係建議遠離，遠離唔到就要搵可以好好解壓嘅方法，相信自己係冇問題同比信心自己，同自己信得過嘅人分享，儲定錢，有辦法就要搬出嚟住，cm 啲人講咩肯道歉已經好好，完全係bullshit 完全唔使理，佢地完全係未經他人苦，莫勸他人善。樓主珍重。

睇得出其實媽咪都想嘗試努力，有講話去睇醫生，但係可能未夠動力。或者作為囡囡嘅你，可以試下陪媽咪去睇醫生，同佢一齊去，俾佢知道你都愛佢 支持佢，可能咁樣對佢嘅心理支援會更有力。希望你同媽媽盡快好返，加油❤️

道歉之後改就ok 道歉之後唔改淨係強調愛嗰啲叫做gaslighting

樓主，我都有有情緒病嘅家人，你已經做得好好🫂我唔知點解啲comments會叫你忍lol 呢啲人係唔會改，有情緒病嘅嗰一面先係佢哋最真實嘅一面，而道歉都只係佢引你入局嘅一個手段，之後就會舊態復現。 如果有能力都係及早遠離

如果角色調返轉呢？😮‍💨😮‍💨

媽媽可能無耳性同壞習慣多咗啲
但我地敢話我地一啲壞習慣都無咩⋯
我覺得用呢樣去決定媽媽愛唔愛你，可能片面左啲
我媽媽走左好耐了，當年我先16歲，我以前真心覺得佢有時好煩
但佢走左之後，我地就會發現世上無第二個人比佢更愛你
世上唔係個個父母都愛仔女
但睇落你媽媽語氣，唔似唔愛你嘅🫂
年紀好細時，會覺得媽媽從來唔了解自己，會覺得佢成日將自己個套套落自己度
但代溝係咁⋯如果要佢一定要理解我地，何嘗又唔係強人所難，無論同家人、朋友定愛人，相處都係學問嚟
華人社會好多父母都令人窒息，如果你已經好攰，努力活好自己人生，同原生家庭保持距離

唔建議信嗰啲咩阿媽肯道歉已經好好⋯⋯
因為我媽長年都係咁
到而家搬出去、做咗幾年嘢
佢一個電話一個訊息都可以搞到我情緒崩潰
過咗咁多年依然係得把口淨係識道歉
成個牛皮燈籠咁完全冇改過💀
朋友有同我講過呢啲係類似躁鬱症
佢喺抑鬱階段就會瘋狂崩潰鬧晒全世界
搞到我中學至大學階段長期情緒不穩
基本隔一至三個月就會崩潰大喊炒鑊金
但佢次次都會都會好真心咁樣要我原諒
但又會重新發生💀💀
真心勸你唔好再糾結喺呢個無底深潭
同佢保持距離、佢開始emo就唔好理佢
隔一段時間佢自然就會變返正常
你喺佢emo嘅時間再同佢講道理
只會影響你自己心情、亂諗嘢🙏🏻🙏🏻
尤其係見到佢嗰啲道歉訊息
只會令你更加懷疑自己係咪對阿媽唔好
然後下一次佢再同你嘈嘅時候
你發現佢真係唔愛自己、只會對佢更加失望
搞到自己嘅情緒更加差
所以真係勸你 佢一開始嚟料
你就同佢保持距離
好多時冇人理佢嘅時候佢嘅情緒反而更加穩定💀

Agree

要佢道歉就現實講，試下唔好每次佢send message都口頭原諒，直接已讀不回，拖耐啲冷戰，見佢表現好先行為上親近返，唔好就儲錢搬啦

經歷過同po主類似嘅事
每次我阿媽崩潰道歉完
我都以為有轉機
然後下一次又嚟過🥲
__
見到下面comment好多cm叫樓主珍惜
我明大家出發點係好
但都想提提：道歉唔等於傷害消失
如果強行原諒淡化創傷係唔會令成件事變好🫡
anyway都想同樓主講！
道歉後傷口仍然會痛係正常的
你嘅痛係真實嘅
所以唔需要因為對方有道歉就逼自己原諒🫂
（呢句都係同自己講）

你係咪仲讀緊書，仲係細個。
我諗你媽媽有好多野係對自己不滿，委屈，忿怒。所以佢對你發脾氣嘅野係佢一直係咁對自己講，可惜一開口就發咗喺你身上，你受晒。
你仲成長緊，都係要跟住呀媽，唯有當係靈魂學習，你好勇敢選擇咗呢個學習。要Detach from 佢講嘅野，佢發脾氣講嘅野其實唔係同你講嘅，佢係release 緊自己，但奈何你變咗個對象比佢自言自語。係好難detach 架，因為係呀媽，你要靠自己係咁提自己，好好變得更強，更相信自己。信自己嘅內心，u r full of love, 唔需要委屈。

求同款阿媽

好過我阿媽永遠都唔覺得自己有問題

建議你好好認識「情緒病」，你會明白她已好努力

明樓主講乜
肯主動道歉認錯係好事appreciate👍🏽但次次都犯同一樣問題，不停重複，幾誠心嘅道歉都冇意思

Ps情緒病真係要主動尋找幫助

好明白，原生家庭阿媽一樣係有情緒病精神病。一路都有睇醫生，不過個情況一路都冇好轉（佢都有責任嘅，不過唔喺度講咁多）
所以好明白你個情況

肯認錯既大人已經好難得
肯同仔女認錯既大人完全係絕種
請珍惜你的父母

肯道歉既阿媽 估計最起碼80後先做到
Respect 媽媽

你阿媽都係第一次做呀媽，佢肯同你道歉已經好好

表面上係媽媽情緒有問題
但歸根究底根本係大家價值觀同生活習慣有分歧
先會激發起矛盾同佢情緒失控
如果可以 當然最好係分開住減少衝突
如果冇能力搬出去 唯有令自己忙啲 減少啲接觸
所以最好都係將時間花多啲去研究點搵多啲錢
到時可能你都懶得同佢嘈

有時情緒真係唔易控制…我反而覺得佢係好愛你，因為至少睇文字覺得佢有自責同想努力去做，做有時唔係想改就改到，或者可以深究一下點解每次都做唔到嘅原因

至少肯講對唔住，大把老豆老母連對唔住都唔肯講

小CASE, 我媽更癲
打比方說我自然懷孕不了他會說你是不是沒積口德才生不了孩子
打比方說我不想他到處跟別人講我幹麻幹麻
結果他還是到處跟別人說
我跟他說為什麼你要到處講可以尊重我一下嗎
他倒過來罵我不尊重他是長輩我不孝

太多太多, 都慣著自己可能有點情緒問題就無限情勒
家人真的累

抱抱樓主🫂好明白你
好想講父母道歉唔係大哂 可能好多其他父母連歉都唔會道 所以佢地覺得肯道歉已經好好
但係其實你阿媽道歉淨係想情緒勒索返你 將自己擺到位置好低想令到人地忘記件事佢有錯 縱使件事只有你兩個知但佢就係想做悲劇主角 將返個波拋俾你 佢永遠做受害者角色

你媽會肯講出口愛你真係好
香港大部分老母開口埋口都係屌屌屌
樓主請好好珍惜

到你媽媽人不在既時候，你就會後悔自己呢刻講既說話，珍惜媽媽仲健康同你講野 仔

可能你唔知咩叫病，病就係佢知道係錯，但佢既情緒問題會令佢先著火先，要身體既分泌完左先佢先有能力去思考返，佢肯求醫道歉已經係叻過好多人，家人俾到既只有支持同陪伴其實，其實如果唔愛連呢啲訊息反省都唔會做，佢好大機會只係唔知點樣愛，比起得到佢既愛，我諗宜家比較需要你去愛佢幫助佢多啲，btw我唔知你既情況，但係如果佢有情緒病，其實佢康復同改變係需要時間

走啦，保持距離，唔好比東亞文化勒索自己一定要盡孝之類。如果你心理健康一直比呢啲野影響，之後後續嘅醫藥費，影響工作表現，家庭摩擦只能夠自己獨力承擔，所以搬出去住先係最好！你絕對可以選擇一個自己開心嘅人生，照顧好自己先再搞其他野🤌🏻有餘力先再照顧其他人。何況其實佢都唔洗你照顧，佢有醫生take care 緊，如果專業人士都幫唔到佢，你更加唔會幫到佢，所以留係度都只係搞著你自己🤣快啲搬走🙌🏻重拾開心嘅人生！！！！

真係
同屋企人嘅關係好矛盾
因為佢哋有時令到我好痛苦
但係其實我係愛佢哋
又唔可以離開呢段關係

好明白 越大越發現其實呀媽根本唔愛自己

開明的一批