我，臺北棧創辦人 Jacky，誠意邀請大家返嚟我哋餐廳試吓「髒髒芋泥鹹蛋黃蛋餅」。今次我哋會以半價招待（每枱限一份，只限堂食，售完即止）。優惠期間為2026年3月27日至3月31日，只限下午5:00後供應。尖沙嘴及銅鑼灣分店都適用。只需要顯示出呢個貼文便可享有優惠。

⚠️本人承諾，誠意保證⚠️
若客人在出餐時發現蛋餅有發霉情況，我會以現金賠償港幣 $8,888‼️

⬇️⬇️⬇️⬇️⬇️⬇️⬇️⬇️⬇️

今次事件其實已經處理完畢，經同樓主詳談並核實後，我哋確認出餐時並無品質問題；樓主係將吃剩嘅蛋餅打包帶返屋企，約三個鐘頭後先發現疑似變壞，感謝樓主幫我哋澄清。

雖然事件告一段落，但貼文已吸引超過40萬人關注，短片同文字內容較簡短，容易造成誤會，令到好多人見到蛋餅外觀就直接認為係我哋餐廳問題，對我哋品牌造成巨大影響。經營超過十年以嚟，我哋一直對食物安全及衛生保持最高要求。希望大家可以繼續支持我哋呢個用心經營嘅本地品牌。

🙏🙏🙏🙏🙏🙏🙏🙏🙏

其實我食開你地餐廳嘅，不過反而係諗緊其實仲可以再了解下，點解會發生打包後生毛事情，去防止問題將來再次出現。問左下AI 3個鐘後生毛毛既必要條件，唔知可唔可信，可以參考下去保護餐廳同客人利益。建議搵專業人士了解

多謝詳細查詢相關資料
其實有一點希望大家去先思考
客人已確認出餐時無品質問題
而當日食完一半之後都無食物中毒或者身體不適
呢一點不是已經證明本身原材料的品質嗎？
如果一早係變質的食材食咗落肚應該會有身體反應
不是嗎？

有孢子但未發出黎變霉菌而食落肚嘅話，其實唔一定當下有問題。因為你係上枱時無事，事後焗出霉。所以我意思係，有咩方法可以減低羅生門事情發生
但anyway唔係想話邊個岩邊個錯
覺得可以研究下去保雙方咋

其實你個ai已經講咗一個重點，前題係要已經預先整好放咗喺度一段時間，咁就要查證一下餐廳，呢款食物。究竟系預先製作好？半成品？（材料已經煮熟待有order嘅時候先組裝）定或是即叫即製？如果預先整好，ai之後所有野都成立。

係呀，宜家就係唔知第一個point嘅情況
佢係原材料睇唔見有毛但已有肉眼睇唔到嘅孢子
定係預先整左少少野搞成咁
定有其他原因

唔係話一定係邊一邊嘅錯
不過真心之後可以向呢啲方面去做下功夫

3月25、26日尖沙咀下午嘅氣溫一度高達30度，相對濕度於70%左右，如果當時人一直喺室外兼冇即時放入雪櫃，就算有極端情況出現都難以證明店家當時出品有問題....,,..

所以我覺得呢啲羅生門，不如諗方法避下或戴頭盔先。今次學到野，去避免下次都好重要。

好似紫薯會變色，有機會打包易生毛嘅話，不如貼多啲標示再加同客人講聲先。又或者佢地試下做同樣情況嘅測試（高溫、食左部分、焗住係袋等），睇下關唔關原材料事，可以知原材料放幾耐，先會睇起黎無事，但其實就有機會催生啲毛出黎。

利申我都係普通人一個，唔太識咁科學嘅野，純粹覺得保障下雙方會好過啲