我21歲結婚，而家都快40。
個老婆生仔嘅時候走咗，而我終於成功養到個仔13歲。
我最近同我公司女同事行理一齊，都係啱啱開始一個星期多啲，但係我唔知道點同個仔講？
雖然佢哋都見過幾次，不過真係唔知阿仔點諗佢。
我應該直接大家一齊坐低講清楚定係我先同阿仔單獨傾左先？
我明白阿仔可能唔鍾意，佢成世都冇一個阿媽俾佢母愛，而家佢13歲我先突然搵左個後媽，係我都未必接受到。
我而家又怕委屈個仔，又怕委屈女朋友，真係唔知點同阿仔講。

爸爸 爸爸 爸爸

同你一齊唔等於要做後母
唔可以迫人 氹人 呃人落搭
你諗清楚 你係需要另一半
定係需要一個後母比阿仔

阿仔都13
一直都冇媽媽咁去成長
只要你同佢嘅思路溝通好
講真 慣咗
就真係未必需要有媽媽呢個角色存在

但你啱啱先同同事開始咗一個星期
仲有好多嘢要溝通 例如
同事用咩身份去同阿仔相處？
同事係咪對於可能將來要成為後母冇顧慮？
佢兩個係咪夾到？
後母嘅角色要去到幾深？
幾耐可以比阿仔叫同事做媽媽？

一旦同事覺得自己唔合適 要退返後
咁阿仔嘅期待 落空 你要顧及
到時你同同事嘅關係
都可能因為咁而有改變
你要預期呢樣嘢
到時係調節 定可以退後
保持原狀 定係需要放棄

其實關於阿仔點諗
唔應該係你同同事開始咗
先嚟擔心 先嚟find out
喺你同阿仔一路成長呢10年8年
就應該set定好一個你想成為點樣嘅爸爸嘅人設
獨立 定有愛 定期盼
要定期同阿仔分享你嘅現況
要比阿仔有一個安隱未來嘅想像

你同同事段關係都已經開展咗
先嚟想知阿仔點諗 要唔要後母
會唔會接受
好似都迫到埋嚟 只係想阿仔開綠燈畀你
如果我係你仔 其實我會好傷心
跟咗你13年 你突然一下就話會多個人
Sorry咁真係唔太理想

處理唔好阿仔呢邊
亦只會拖累埋你呢段新嘅感情

想知阿仔點諗 你應該直接同佢溝通
呢到冇人會比到答案你
平日同佢做好心理建設
就唔需要呢刻先嚟擔心

為阿仔著想
唔好比啲假希望佢
加油🫂

第一，你識女朋友拍拖係一件事，唔係幫個仔搵新媽咪，唔好覺得個仔一定要認佢做呀媽/step mom
第二，你係你女朋友既男朋友，佢無需要負責成為一個13歲青年既媽咪，佢愛你就足夠，佢唔需要提供母愛比你個仔

你可以同呀仔單獨講解，你識左女朋友拍拖，但唔代表你女朋友會搶走你，你都一直需要對個仔負起作為爸爸既責任

亦都應該同女朋友有共識，點分配拍拖同自己家庭既時間

順其自然，佢地相處夾到咪好事，夾唔到都無需要迫三人行，你個仔過多兩三年，自己都拍拖啦，到時都唔得閒理你，而家呢幾年你好好分配同平衡兩方時間同情緒咪ok

申利：我係單親媽咪，有一個13歲女，有男朋友，佢地互相知道對方既存在，但唔一齊活動，因為13歲既女孩子覺得尷尬,男朋友亦唔慣同小朋友互動。

你有冇諗過，呢個女人係你嘅伴侶
而唔需要要求你自己、你個仔，甚至你女朋友認佢係媽媽2號呢？

你個仔個媽媽係得一個，就係生佢出嚟嗰個
佢可以叫你呢個女朋友做auntie，叫一世都得
你分得清楚，你個仔就唔會抗拒，佢只會覺得爸爸有拖拍，係咁多

同埋13歲喇，有啲細路已經拍咗拖㗎喇
你唔好當你個仔乜都唔知
只係等你講清楚，你同個女人係乜關係，你唔會逼佢認人哋做阿媽

至於你女友，除非佢有心理準備
否則唔好逼佢輸出母愛
唔係個個女人都有呢個技能，請留意
但可鼓勵同你個仔建立友好關係

呢個好 。條女想做你條女你逼人做老母

講真，個男仔都10幾歲成晒型

拍拖睇人品，個女人人品好自然唔會對你屋企人即係你個仔太差，至於做唔做到厚底啦咁嘅角色呢啲係講緣份 。

啱啱開始個幾星期，俾啲時間大家認識一下，唔使咁快講到咁長遠。女朋友接受有個咁大的繼子嗎？可以同仔講，我想識個女朋友，第日你大個有女朋友陪，我唔想跟著你做電燈胆，有時寂寞都想搵個女朋友，試試反應先。再以退為進，你而家係徵求佢嘅同意，因為佢係你喺世界上最重視同埋最愛嘅人，你愛佢多過愛自己。佢唔同意你就以後都一個人孤獨終老，以後唔再諗。過一啲時間，通常佢哋都會心軟。
唔好心急，慢慢嚟。
13歲正係反叛的年紀。要小心處理。
個仔大咗，要追求自己嘅幸福，係應該嘅。

其實你拍拖，點解一定要拖個仔落水？
唔可以分開嘅咩？一定要逼人哋接受你條女？我覺得你可以同佢講你有條女，不過唔好帶佢返屋企。最基本係等你個仔覺得屋企都係屬於佢唔會俾人分薄。

講到尾你個仔都係原本屋企嘅一份子。你條女係後來先加入。如果你個仔唔鍾意佢嚟住，我覺得就唔應該就唔可以夾硬嚟囉，雖然喺你眼中佢只係一個13歲嘅小朋友，但係佢覺得自己係一個完完整整嘅家庭成員應該係被尊重。而唔係無啦啦空降一個後母出嚟，就要硬食。

如果你認真想發展兩邊都要溝通，而家嘅社會仲後咩母，你搞清楚呢個係你嘅伴侶唔係你個仔嘅阿媽。亦都要同你嘅女朋友講清楚，你唔係一個普通嘅男士唔可以全副心機擺喺佢度你仲有個仔要理。三個都要有好嘅心態接受呢樣嘢先至行得遠。而你自己都唔好搞錯咗，要個仔當佢後母咁尊重佢，要個女朋友當佢仔咁看待。個仔係你責任喺你度唔關佢事，如果你嘅心態都分得唔開嘅話，你三個都會好辛苦。做唔做到後母呢啲嘢到你真係再結婚先講啦。

2樣嘢：
個女仔同你只係1星期，就算事前已知你有個仔，都唔等於要做後媽又或者視你個仔為己出，佢同你拍拖同做唔做後媽係無衝突，佢同仔仔相處互相尊重就得，有時青少年未必想你下下當佢係小朋友

你都係男人1個，有正常需要，太太都已離開咁耐，仔仔都大了，你都只係想有個伴，好好解釋佢知，「從1而終」可能係得你諗，你個仔可能好open mind呢
你咪陰d陰d探下亞仔口風，覺得時候到了，就好好坐低傾，佢反而覺得你尊重佢肯坐低認真傾

雖然你個仔未見過佢媽媽，但唔知媽媽係個佢心里面佔得幾重
如果係好重的話，當你身邊出現另一半，佢會覺得你背叛咗你佢媽媽，啫係你老婆，佢會連你都嬲埋
如果佢對媽媽無太大感覺，佢會比較容易接受你身邊多一個女人
你回想下，之前見過幾次時，你仔仔有冇意識到佢係你另一半，如果已知係另一半嘅話，你仔仔嘅反應係點？見完之後有冇情緒低落/無啦啦發脾氣/無啦唔唔同你講野，抑或是反應平淡/同平時一樣？

早2年媽咪過左身我先第一次見老豆 感恩～托賴我哋都相處到 溝通得好好 見面果刻我先了解到佢已經有自己家庭 有2個仔仔 我完全吾知自己已經係2個細佬既家姐 😆 到依家我都係稱呼佢太太做啊姨的 佢都好錫我 甚至乎我同佢嘅關係比起同媽媽在生前更好 但係始終心入面自己會有角色區分 留言區已好多道出左重點既留言 你拍拖同仔仔是否需要一位「媽咪」冇直接關係 你只需要尊重佢 同佢單聲就好

一定要好好同個仔傾，攤開哂嚟講，13唔細
直接啲講，你咁耐都想有返個伴，問佢想用幾漸進嘅階段慢慢帶你女友融入？之類

我老豆呢方面成世人都處理得好差，平時收埋但又會突然硬塞我見啲女友或者為咗啲女放我飛機，搞到我有段時間直頭唔相信人類唔相信愛情
而家佢都仲誤會緊我係對人（啲女）唔係對事（愛人同家人嘅平衡做得好差），每次想要好好講佢都逃避
希望你唔好做到佢咁渣

佢對你個仔個觀感同行為好唔好先？
系好就唔難搞既，俾啲時間慢慢熟絡就無咩大問題但同樣你都要尊重返佢親生媽媽系佢心中個形象囉..俾個空間佢唔好俾個仔覺得有人要代替佔領佢阿媽個位置就得...

你應該坦白啲同個仔傾下先等嗰個仔先聽下個仔個諗法同埋大家個意見達成到一致在慢慢畀你而家女朋友同佢熟絡就會應該冇問題㗎喇。

唔好當後母，唔好咁老套，你仔都算大，你女朋友介意唔介意其實都唔喺母子嘅關係角色，除非，真喺除非，你個仔好想你女朋友做佢繼母，而你女朋友又好想名義同照顧上都做得到。

你同你女朋友其實喺一段新感情，你自己都照顧到個仔13歲，其實唔需要將父子嘅關係同女朋友嘅關係融合，就算你結婚，都喺兩段感情關係。

先單獨同阿仔講喇… 佢咁嘅年齡，好怕尷尬，你帶埋女朋友一齊同佢講，佢唔知點樣俾反應你。

講嘅時候，講完你想講嘅嘢（點解你想同佢一齊，你覺得佢點），就先唔好講自己對阿仔有乜嘢期望，你覺得佢可以點樣同女朋友相處，鼓勵佢自己將心裡面嘅諗法講俾你知。

咁樣你個女朋友都會自在啲…

祝福你！

我好認同樓下的師兄講既，同小朋友打聲招呼先。有時候小朋友未必心底有反對，只係需要你真正視佢為屋企既一員，去詢問佢既意見。

同埋你係成人，有的利害關係既野不妨明說，例如：就算爸爸有新既伴侶都會依然支持你關心你，呢的說話雖然老土，但係青春期既小朋友需要你真誠地講出黎先安心。

首先我覺得阿仔有權知
其次係其實細路對你嘅轉變好敏感
建議你試吓口風先
再試吓揾日出去食飯 再話你有朋友嚟
睇吓阿仔咩反應 唔好急住介紹佢係女朋友
反去再問吓阿仔覺得個女仔點樣
樣樣嘢都慢慢嚟 畀佢有時間空間慢慢消化
切記一時心急講埋咩你唔想老竇幸福嗰啲😬

其實你個女朋友就算同你結婚都未必需要做人媽媽，相反你個仔都未必需要認你個女朋友做媽媽。
但因為呢個女朋友好可能有機會進入你同仔仔嘅家庭裡面，大家就要識得互相尊重，互相扶持，互相體諒，用愛去融化對方。
而唔係爸爸你因為自己想要個老婆就塞個媽媽俾個仔囉！

我覺得直接同仔仔講：
仔，爸爸最近拍緊拖。
我尊重你所以直接同你講。
想你知道，不論將來我會唔會再結婚，
你都只會有一個親生媽媽，
而將來會同我結婚嘅人，
叫佢做阿姨或者叫英文名我都接受嘅。
你永遠都係我個仔，貓愛你。

講嘅時候最緊要慢，溫柔 Tone.

😲

其實你個Case應該相對容易解決，因為你個仔從未同媽媽相處過，其實佢比較唔到。

如果你係同太太離婚，而個仔又同太太相處過幾年，就話有感受過母愛，有得做比較啫。

而呢件事你又無錯，因為你唔係出去搞外遇而令佢無咗媽媽，個仔係會容易啲接受同理解。

我當年就係嗰個小朋友～
我建議你認真坐低同佢講，13歲絕對有能力好好溝通～但小朋友都要d 時間接受同適應，始終尼個女同事對佢黎講只係陌生人（可能真係要一兩年時間）
同埋女同事唔好當自己係長輩咁，兩個做到朋友已經好勁了～
加油🫶🏻

如果你心態同個女仔拍拖係為咗俾小朋友有母愛 錯🙅🏻‍♀️撚哂
反而你正常啲 話爸爸👨🏻都想有個伴 將來你有你生活 我都要有個伴互相照顧
唔使你咁偉大話幫個仔搵後母其實小朋友好反感
慣咗冇阿媽 而且佢媽咪係因為生佢而走咗 真係唔需要一個後媽

早啲講好，等佢自己發現就會失去信任
同埋更重要係，唔好迫佢認人做阿媽，就算佢一出世果陣就冇左阿媽都唔代表佢一定要認一個陌生人做後母
阿媽呢個title要靠你女朋友自己earn返黎，要落啲功夫做磨合但唔好過度干預，唔好迫你個仔做啲佢唔想做既野

直接同阿仔講: 你未必需要第二個媽媽，但係我需要一個伴侶。畀啲時間去觀察下我女朋友嘅為人，如果佢對你或者對我唔好嘅話，我地再坐低慢慢傾，好唔好？

==========

當年我老豆冇講過呢啲說話
所以我對呢啲姨姨好反感
一嘢就帶個女人返嚟住
jm9🌚

個觀念要擺返正
佢係你女朋友，唔係你個仔的繼母
你個仔當唔當佢係繼母係由佢決定唔係你
尤其你仲想同個仔維持到關係就最好唔好提繼母之類字眼
那怕你再結婚，都唔好要你個仔認新媽咪
你需要另一半同你個仔要唔要認同多一個媽媽係兩件事嚟

未必需要交代咁多，間中帶埋女朋友同個仔一齊食飯，你個仔習慣咗佢存在，都13歲，佢會明；仲有，你好錫個仔，所以個諗法就以個仔行先，稱呼咗女朋友做後媽，嗰個係你女朋友，永遠都代替唔到佢老母，兩個做到朋友已經好勁，唔好期望太多。

千祈千祈唔好同你個女朋友一齊去見你個仔，咁樣會好blindside你個仔！你哋拍咗一個禮拜拖使唔使睇定啲先？但係就可能俾啲心理準備俾個仔話Daddy需要一個伴侶。等到你同埋你女朋友拍拖穩定咗，有個共識跟住先慢慢介紹俾你個仔都唔遲！

嗯⋯⋯⋯⋯樓主係咪同仔仔好好關係？係嘅可以坦誠溝通，但前提要講明：佢係我女朋友。感覺會好好多，而亦都想問，同女朋友會想有小朋友嗎？有嘅話到時要再好好同仔仔講，當你真係想再組織家庭嘅時候，仔仔就真係要好好照顧佢情緒

我媽同爸係我高中果時離婚，之後我媽搵到對象，我係好支持佢地一齊。不如唔好預設左佢會抗拒先，都唔好諗到後媽咁遠…. 如果身為屋企人，見到你拍拖開心左，都一定會支持。有咩攤開講，好好地溝通，好過你自己係度亂諗野。

同個仔講左自己既感情狀況先，她是我的伴侶、我的女朋友，將來會不會結婚未確定，但你媽媽永遠是你媽媽，無人可以取代，等個仔接受左先安排大家見面。

女友後生就直接叫姐姐，不要叫姨姨，同埋你肯定女友想做人後媽嗎？

唔一定要做你仔後媽，亦唔好迫佢叫你將來老婆做媽，可以叫名。同你仔講清楚，解釋下，但唔好迫佢接受，大家得閒約出去食個飯，到熟左先係屋企食飯。熟左就大家出去玩下，佢地兩個可以做朋友。兩邊都要私下溝通好先見面

你同你同事都係啱啱開始，唔使俾咁大壓力自己及身邊人，你可以先同阿仔講你拍拖，媽媽只得一個，亦都唔係代替品，我女友唔代表係你媽媽，俾面嘅叫auntie law 。
同一番說話你都應該同女友講清楚，冇謂俾太大壓力對方

你搵第二個係你既事
你個仔個老母從，來只有一個
雖然遺憾地佢老母冇陪佢長大
但你而家既另一半，唔一定要成為阿仔既後母。（當然日後佢地有感情可另作別論）
另一角度，你女友都係同你拍拖，唔係做你個仔後母。

最近先行埋一齊，唔使咁快諗「後母」啦（驚你嚇親對方）
同個仔傾吓偈，同佢講爸爸即將會有一段新嘅關係發展，將來會有機會見面，問吓佢覺得點
我相信而家13歲嘅小朋友係可以明白同理解（前題你哋本身關係都好）

我爸爸媽媽係我10歲既時候離婚 11歲左右老豆已經有帶啲姐姐番屋企 當時我爸爸既處理方法係問左我同唔同意呢個姐姐住係度 因為爸爸愛佢 咁我當然no problem 姐姐仲對我好好😗所以13歲仔仔都會明白 亦相信會鄧你開心

13歲嘅細路應該會咁諗：老豆你出去拍拖啦，唔好阻住我打機啦！

認真：
同佢傾吓，好似朋友咁傾吓偈，唔好噸起個老豆款喎！

另外對住嗰位女同事都要坦白，傾清楚，如果兩邊都OK嘅試吓俾佢哋見個面相處吓

13 歲係有能力明白。情感上接唔接受另一件事。
你可以有另一個伴侶，但佢可能永遠唔係你個仔嘅阿媽，真係唔好迫你你個仔認你伴侶做阿媽，而你個仔亦大到無咁需要阿媽呢個角式。能夠和平相處已經好好

同咗小朋友溝通下先。個女同事一開波就要get used to 埋你個仔都唔易。你要同咗個仔溝通等佢有心理準備，否則大家辛苦。

相處就人夾人，女同事夾到你唔代表即時夾到阿仔。阿仔唔抗拒就等兩邊相處下。

唔好住，你哋都係開始左一星期，等感情穩定左再算，而且你哋而家應該係甜蜜期，有時太過甜蜜，俾阿囝睇到，會覺得未必開心，要搞清楚囝囝心意再決定。

而且最重要你女朋友都未必肯見你果囝

唔好一嚟就話後媽，同呀仔傾下你都想要一個伴侶陪自己，但唔會因為有個伴侶就分走咗呀仔而家擁有嘅嘢。唔好用咩後媽身份，佢只係爸爸嘅伴侶，就係咁嘅身份，可以問下呀仔想唔想認識下auntie

女朋友唔一定要做後母，做阿仔朋友都可以，先同阿仔打定底，再出嚟食個飯相處下，睇情況再諗啦
不過如果真係會行到結婚嗰步就要諗多啲，因為有咗自己親生仔又有可能有啲唔同嘅野出現🫣

分身家點分？ 如果間屋俾後媽吞左，點計數先？會影响個仔的利益？你仔仔重讀緊書過幾年要考DSE唔好影响佢前途學業呀？一陣條女又生多幾件出黎你養唔養得掂？無啦啦！多撻啦！

唔好將另一半直接當做自己個仔既後媽。。仔仔13歲有自己諗法啦。。
我反而覺得你要調整一下自己諗法先。。。就算你同你而家另一半真係結婚。。但真係需要佢做你個仔既後媽？

因為阿仔已經進入咗反叛期我覺得你先同佢傾一傾睇下佢咩反應先！睇下佢有乜想法…
唔好一黎就咁快見面，相處好當然冇問題…相處唔好大家就會好尷尬！你夾喺中間亦難做人

你唔好一嘢就帶女人返屋企，亦唔好俾佢知道你拍緊拖先
你同個仔講，你都開始大，老竇都想遲啲搵返個女朋友，再睇睇佢咩反應
其實如果係仔應該問題不大嘅，大家都係男人

照直講啦，13歲係小朋友，但係多少都懂事架喇，那怕呢個唔work，你都會搵下一位，始終都要比個小朋友明白爸爸都需要一個伴

不過你要比小朋友知道，始終你都係以佢為先

你咁快用後母呢個角度介紹俾你個仔係咪唔係咁好？
叫仔仔當女同事係朋友相處啦
而且你地只係一個禮拜，萬一都真係萬一你地唔啱，而你個仔投放咗感情，對佢都唔好啦

你而家拍拖先一個星期，不如你拍耐啲先再諗啦
最緊要係唔好俾佢覺得有咗呢個人你就將佢放第二位
你要所有嘢都將阿仔放第一位，因為由細到大佢同你相處最多最親

有個仔，再婚就唔係你一個人既事，你如果錫仔多啲，一定顧及佢感受，等佢兩個多啲相處，再觀察下。搵機會搵個親人分別探聽下佢兩個對 對方既感覺，再行下一步