打算做一間寵物酒店， 你認為點樣嘅配套先至係最安心，舒服❤️
地點：元朗，已經搵緊地，大約2000呎至30000呎
24冷氣房獨立房，有得跑草/放電，有CCTV俾主人睇，有寵物美容房住完有得沖個涼先走
最好可提供寵物溝通服務，等主人知道毛孩嘅諗法。 有需要可聯絡我 !
搵寵物溝通不如搵個有fear free或者行為方面仲實際😂
Wowow, 一大堆野要申請🤣地政搞土地用途，漁記搞寄宿牌，消防搞安全，渠務搞疏水......等等等等
貓狗分開就最好
自薦一下先，請人嗎？鏟屎官經驗20+年😂
貓狗一定分開，就係怕貓應激💕請人方面要再firm哂先💋
可以室內放狗好啲
1. 草地勁多蟲，從來都唔相信除蟲😂
2. 室外放狗會中暑，因為酒店放狗一定係Office hour which is 夏天日間，狗狗係室外會中暑
3. 大狗房/可容納兩隻狗嘅房，有啲狗真係唔可以分開，市面好多酒店都提供唔到
室內我地都應該會有，吾好話夏天，落雨都要放狗，一陣落湯雞咁又易病……呢個我地有諗既💕
大狗房個size就係可以想放到2隻狗狗，因為都知道好多屋企吾只一隻，拆散又好似吾係咁好😢
我之前做咗差唔多20年寄養
可以同你講，主人最重視嘅唔係佢哋玩得開唔開心
而係佢哋係咪安全返屋企
所以員工培訓好重要，員工危機意識同埋急救知識一定要有
人才永遠係最難既一部份
絕對同意，員工知識同質素最重要，可以令到成件事成敗，多謝前輩😉
你好，裝修設計上可以搵我哋傾下
免費報價，同埋準備平面圖
CCTV +影相 + 拍片
Keep住update主人💪
最好就可以全程有個apps監視到可以喺手機睇到狗狗即時嘅狀態！呢啲就係主人最安心
我地自己都係養動物，一定會係主人角度諗，cam就會有既💕
需唔需要網頁🥹有個現成嘅寵物酒店網頁 未開始用 可以平轉比你～
一定要有cctv 俾家長可以隨時想睇就睇到！做好防止佢哋走甩嘅措施。乾淨。大狗狗同小狗分開時段放風！！！
貓房做啲隔音，狗放風叫得激烈，貓都冇急驚，準備間房畀貓去放風
諗緊隔音用咩物料好🤔，放風可能會有個細細地露台俾佢地八卦下
除咗cam，最好24小時有人定時巡房，確保所有入住嘅動物安全同衛生
24小時定時巡有啲難度，因為凌晨個個瞓哂，如果出面一有人行過就全場哄動，到時就會收到投訴🙈不過我地都會諗方法解決夜晚呢個安全問題💕