拆解開支互動圖表 https://tinyurl.com/5c6tytfu
全港 452 隊關愛隊兩年使咗4.44 億元，我哋整合咗452份文字報告，拆解下啲錢點用、用咗去邊。18區入面，元朗區開支最多，39 隊關愛隊用咗4360 萬。
仔細睇元朗區使費，有1287 萬係「其他開支」，而節慶活動就佔總開支近兩成；其中，屏山中關愛隊用咗 31.3 萬但報告搞咗一次「福袋迎端陽」節慶活動，話有 300 人受惠，即係人均花費高達 $ 1,041.93，以人均計係全港最貴嘅節慶活動。
個活動係咩嚟㗎呢？我哋去返屏山中關愛隊 Facebook，見到活動舊年 5 月底喺屏山鄧氏宗祠外面舉行，睇相見到現場擺放咗壽桃牌「蛋炒麵＋炒麵頭抽」紙箱、仲有啲小吊飾畀街坊穿紅繩。睇落簡單嘅活動點解要使31 萬？我哋打電話畀屏山中關愛隊，對方話「我地唔接受訪問」，我哋再話想問工作報告，對方就話「我唔會答問題㗎拜拜」收線。
全港 452 隊關愛隊兩年使咗4.44 億元，我哋整合咗452份文字報告，拆解下啲錢點用、用咗去邊。18區入面，元朗區開支最多，39 隊關愛隊用咗4360 萬。
仔細睇元朗區使費，有1287 萬係「其他開支」，而節慶活動就佔總開支近兩成；其中，屏山中關愛隊用咗 31.3 萬但報告搞咗一次「福袋迎端陽」節慶活動，話有 300 人受惠，即係人均花費高達 $ 1,041.93，以人均計係全港最貴嘅節慶活動。
個活動係咩嚟㗎呢？我哋去返屏山中關愛隊 Facebook，見到活動舊年 5 月底喺屏山鄧氏宗祠外面舉行，睇相見到現場擺放咗壽桃牌「蛋炒麵＋炒麵頭抽」紙箱、仲有啲小吊飾畀街坊穿紅繩。睇落簡單嘅活動點解要使31 萬？我哋打電話畀屏山中關愛隊，對方話「我地唔接受訪問」，我哋再話想問工作報告，對方就話「我唔會答問題㗎拜拜」收線。