📌 拍左5年以上嗰啲人可
共 70 條紀錄
拍左5年以上嗰啲人可唔可以講吓你哋點解同自己另一半分手？
我發現原來有啲野過左1-2年都冇改過/夾唔到既野
到最後都係唔會夾到 唔好唔捨得而拖咁長🫠
傾結婚 佢老豆老母乜都攬住哂
日子 酒席 幾時結 邊度結 邊個場擺酒 請幾多圍 全部佢地話事 我一啲都冇得say
要我比8字佢地夾 要我尊重佢地信風水
但完全唔尊重我屋企 話我地如果行有宗教儀式就舉家唔黎（其實我根本冇打算）
重點係另一半完全冇為呢啲事講過一句說話
申利 拍左接近10年
有一日無la la醒覺
原來自己一直忍受緊好多野
或者其實對方都忍受緊好多野
唔想再委屈自己 相信未來都唔想再忍
就講左分手
拍左6年睇住對方冇進步反而退步
睇得出人生冇咩目標方向
反而自己就有上進心想進修下
大家都好似行緊2條路
冇左份愛好似變左家人
但又唔捨得分，怕搵過新嘅人要重新適應一切
到有一刻覺得係時候
就係我意外撞車（輕微受傷）
驚到仆街
當時第一時間打俾佢，雖然佢冇聽
但好快佢就打返黎但聽完好冷靜
定我講得好冷靜😹
亦都冇話想去醫院睇我
我唔想浪費時間係一個唔可以共渡餘生嘅人身上
而且深知我改變唔到一個人
撞車尼d都冇反應唔使旨意妄想佢其他人生大事會有幫助
冇5年 4年半左右
由一開始一齊2個月已經知性格唔夾
一直係鬧交 冷戰 和好 三個階段一直循環
重點係大家都好了解對方 所以一鬧交就有幾難聽講幾難聽 專門對住個心嚟插
其實唔止鬧交 更加似係要鬥贏對方嘅感覺
直到某一日真係覺得攰了 唔想繼續。
真正愛對方唔會明知對方聽完好hurt 都要講出嚟 對住討厭嘅人都未必會咁直接 何必要對伴侶咁樣😮💨
我地大家都係大家第一個，拍左9年，一開始大家仲係學生懵剩剩一齊左，到中間好多野其實唔夾大家又唔講，以為大家生活可以一直咁樣落去都沒問題，直程大家都Long D過2年，直到依加佢話搵到第二個更鐘意既人。就分開左。
其實夾唔到就真係夾唔到 或者我覺得如果有一方努力改緊嘅時候另一方都要退一退 而唔係老奉覺得對方要改晒100% 🫠
收到你，其實雙方都係有嘗試努力同退讓，但結果都不盡人意。其實最後都算係和平分手，都多謝佢比我上左寶貴既一課。
做得太耐逆來順受, 無限包容的伴侶
聽得最多就係: 我女朋友好乖, 好好脾氣, 對我好好。
有一日, 一d好細嘅事, 突然醒覺自己再付出都換唔到咁小嘅尊重同時間
慢慢地「唔開心」多過「開心」太多太多
比多左幾次機會對方, 觀察仲可唔可能繼續, 結果都係失望
對對方嚟講, 係斷崖式分手
對我而言, 我用左好多好多時間, 比自己退場。
I love you but I don't like you anymore.
我前男友對我幾好
一齊八年
因為炒金 佢破產了
我選擇離開
我冇怪過佢
我希望佢可以幸福快樂
但我以前未想過佢會離開我既生活
婚姻需要雙方用心去經營的，如果有一方冇心了，只剩一個人努力的話，二人都走不到最後的。
宜家年代太多人一遇到少少麻煩就逃避，好容易選擇放棄，根本都唔想去挽救，又唔識珍惜，又唔願意溝通，成日出街見好多拍拖食飯都係坐埋一枱，但各自玩電話，而且抗壓能力又低，被人講中咗、鬧你又承受不到，或者成日覺得好容易有下一個姐，其實緣分都要幾生修來的才會遇見彼此的。
將來嘅社會可能全剩單身老人，要靠政府養了🫣🫣🫣
拍拖7年，前度出過軌
因為好愛所以選擇原諒，但一直喺心入面有一條刺，說服過自己好多次但都冇辦法真正原諒，過咗大半年後決定長痛不如短痛，因為唔想結婚之後對佢都係冇信任，到時大家都辛苦
如果你好肯定你同依個人唔會磨合到，而依點係你好在意嘅，咁真係只可分開
如果只係唔捨得，係行唔到落去。我覺得努力左到最後唔係唔愛，係死心。你會慢慢fade out，同時你另一半都會feel到。如果fade out左佢都無打算做仼何野，其實就好快會自動分開
🫠去到第7年突然有種感覺
第時佢都係咁樣對我唔會改 二來係因為覺得大家都冇同其他人相處過 永遠都會用返同一個相處方式對大家 咁好辛苦 所以最後決絕放棄
我明依種感覺。
我覺得0.5+0.5=1，大家磨合大家唔ok嘅點，唔係得我忍你，你都忍緊我唔好嘅位。不過大家係可以一人退一步，真係忍唔到就唔到嘅對方就要讓步。
我每次都係講曬出嚟，如果一次又一次無視，或者擺明同我講你就係咁，完全係消耗緊你嘅愛，我會fade out。唔係特登fade out而係好自然，發生同類事唔再出聲，慢慢無feel咁。
失望時唔挽留，去到死心先挽留嘅人，唔要都無所謂。
都係嗰句，如果得翻唔捨得，但好清楚同依個人行落去係清耗自己嘅愛，咁就分開
不過我渣啲，我唔係突然唔愛嗰type，係消耗到最後一刻死心先走嗰type
係！有啲人就係逼你去改，但係自己又唔退一步自己 咁就唔係叫大家一齊努力
我都係心淡到最後冇感覺先走🤡
7年 傾左會結婚 俾左一年時間去思考
有一個星期忙公事又忙私事 忙完發現我完全無醒起過有個人 佢亦無搵我 發現其實我根本唔需要佢 亦唔想同佢過下半世
最緊要自己開心 呢個時候你諗吓繼續同佢一齊會開心啲定自己一個開心啲，你就會有答案
無5年都有近4年
覺得永遠單方面表達自己 無溝通
好似對住幅牆講嘢 佢聽完又無改變
所以佢係想點？究竟我有幾on9？
我寧願佢不滿我話返我轉頭
已經好過想表達自己嘅時候對方一句彈埋你話好煩🥺
以為佢講嘅承諾會兌現，但咁多年都無兌現過一樣，甚至對朋友嘅承諾更上心。用平淡嘅語氣同佢講，佢話我指責佢，之後就疏遠我同冷暴力對待我，逼於無奈而決心離開。
我之前嗰個都係care朋友多過care我🥵同d fd過世la
Our relationship ended over immigration issues—nothing else.
冇五年既，有三年既，不過都講下，以為大家性格可以磨合，但磨合既時候其實都好耗能量，失望，冷戰，意識關係唔健康冇營養，不如自己一個人可以獨立返。唔好浪費時間
我哋異地，拖拉8年，最後ー次見面鬧交，我選擇放手無咗搵佢，雖然我仲愛，但覺得強硬再一齊自己唔會幸福，而家偶然仲會去佢住嘅城市旅行，一個人去返以前兩個人去過嘅地方、超市，好懐念，但真係回不去
其實一直都知唔合適 直到有一日想像到如果佢求婚我會毫不猶豫咁say no 我就知拖落去都無意思了
因為同一問題重複發生，而大家都明白到有啲嘢勉強冇幸福，不如分手啦
唔夾 互相忍讓左十年 拖左十年 最終都係分手💔
諗番起其實頭兩三年都仲係夾唔到就應該要分手 唔好俾假希望自己同對方 。青春好寶貴 。
係呀諗返以前會覺得嘥咗好多時間 不過咁講如果唔係佢拖長咗你下一個識嘅人都未必係而家呢個
多謝你 雖然啱啱先分開未有下一個 但我會記住你哩個觀點鼓勵自己💡
男女朋友都睇5起尼下都好pk憑咩😤 最憎d踩低人枱高自己既人
唔夾，唔好話咁耐唔夾一早分左手，一定有其他原因果啲，好多時一齊咁耐通常都係懵吓懵吓咁一齊，一早已有野睇唔順眼而又冇認真好好處理過呢啲問題，久而久之日積月累，去到某個點真係頂唔順，或者想重新開始咁就會8，始終有時拍拖未必會日對夜對，可能好耐先見一次，好間唔時先揾傾心事，有朋友zip下時間好快一年又一年
我意思係拍左兩年就結婚🤣
之前啲關係都未試過拍咁耐
條仆街搞撚到我工都無撚埋 仲要出軌 仆街死啦 死臭貨