拍得好差，水準之下，等串流平台上啦唔好浪費錢
1. 由開始到結束全部埸景都剪到好亂節奏控制得好差. 用幾場戲交代一件小事、反而感情戲去到某個位又突然跳咗去第二埸景勁出戲睇到好辛苦
2.Story telling十分差、大部分時間都係用對白交代劇情. 成套戲好多埸戲都係由兩個演員特寫鏡頭講幾句對白就完……
3. 戲劇張力係0….. 唔係演員唔掂啊大佬. 係個導演根本都唔識導戲. 冇張力冇鬆弛感冇氣氛冇高低起伏. 啲埸景全部都係讀對白然後無啦啦爆一句就當係一埸戲.YouTube短劇其實都拍得仲好
4. 資料搜集唔夠. 講真除咗有電腦滑鼠同led燈. 我感覺唔到有咩位真係有電競感覺. 前世界冠軍去教女子隊然做教練然後唯一鏡頭係女仔旁邊耳邊叫佢等陣唔好咁衝. 冠軍俾人禁賽理由又係好離地….. 到戰鬥畫面又係勁冇feel、好似萬聖節去老蘭cosplay咁、打大龍團戰靠旁白講經講5分鐘完全冇個種緊張感、下路支援拍到好似solo rank乜嘢就嚟到…. 總之就係冇feel
5. 眼高手低. 一時又女子隊一時又電競荼廳一時又想拍到電競商會係奸…. 又想借喻香港….. 但冇一樣真係中point
其實到底拍五個女仔定拍電子競技？
英雄聯盟係講營運，ban pick選角, jg 打野路線. 團戰站位 個人對線能力 ，版本嘅理解，無數嘅練習
連最經典五連殺畫面都無
成套戲淨係聽到唔好咁衝，過緊嚟支援，最後嗰幕放低水晶球俾login跟住贏咗真係俾佢吹脹.
到底識唔識電競架大佬。成套戲又唔解釋啲選手有咩咁勁係咩類型嘅選手？羸嘅位係邊度？
冇打幾年打返都可以打贏晒全香港啲選手
已經好離地
用明知會輸都打落去呢，佢精神去比喻套戲已經好奇怪。
電子競技一向都好現實，出得去比賽嘅全部人都係充滿天份，然後付出100%努力先可以贏.
必須過五關斬六仗先可以攞到冠軍，輸咗就係輸咗
你就將成件事搞到香港廟街夜賓紛咁様去比喻電競
開頭講主角同蔓𦯷點解不和都可以轉五六個唔同埸景十幾場戲去交代. 又cyberpunk又拍到返工好似異度空間嘅鬼片咁 跟住又返返去夜晚香港嘅街景 最後同你講原來就係因為啲好少嘅事而不和，我頂你個肺 跳到痴曬線 九唔搭八到一個點
又話咩cg勁，英雄聯盟係咁架咩，冇版權唔該你都拍返三成似呀大佬，你依家係一成似都無呀
之後去到中段條片本身條片16:9啊，無啦啦條片變咗正方形1:1，到底我睇緊啲咩？
你搞電競茶餐廳已經黐撚線㗎好哋哋你去搞比賽你咪去網吧搞。依個都唔係最黐線
茶餐廳搞比賽我都算啦，頂你個肺，仲要整多個電競滾軸溜冰比賽最後又spin到去支持香港運動員
前世界冠軍因為反對比賽唔公平俾遊戲公司永ban. 真係睇到我呆曬，全世界職業選手俾人禁賽都係得個兩個原因，一係你就代打一係你就個人行為有缺失（香港真世界冠軍toyz 坐埋監都冇俾人永ban)
更加冇聽過搞私人線下賽會俾遊戲公司永ban，仲有人肯搞大型比賽竟然又係寫到反派個點係邊度真的唔係get
最後香港選拔賽又係寫到唔知點
Login 俾人禁賽但又可以參加官方授權比賽？
同埋到底參加緊啲乜嘢？？？香港連賽區都冇，邊有門票打世界賽？咁多年講緊唔係大台搞死香港電競。
係冇人敢出嚟投資做大台
定係電競亞運？好多年前已經講緊香港最top嘅選手都要去台灣先有機會打比賽
同啲19餐廳一樣 陣間人地又出黎叫你支持下新人/熱血/本土乜乜 樓主小心🙏
日日用「明知輸都要打」去sell套戲已經好唔合理
講真依幾年真係多咗好多香港人入戲院支持香港電影
一套500萬小製作第一週講緊係35間院上仲想點
你打世界賽bo3輸咗可唔可以叫人哋俾多次機會你？？？
唔係「明知輸都要打」而係你已經輸咗下埸要點打
你下次拍到真係好睇嘅電影咪有人支持😂😂😂
難得你睇完有分析。我諗近年啲片拍得差係因為太少電影拍，新個批無乜實習機會。你講到咁差，似係啲實驗電影，好多導演出身都係做助導，幾個一齊跟，慢慢浸返黎。
吓……咁都有得賴？點解唔直接承認係因為自己廢？唔通拍得多戲，有實習，就等於一定會拍得好？
都係嗰句：
吓我覺得好好睇喎，羨慕樓主人生冇咩經歷所以睇唔明～😿
要夠人生履歷先可以去到好睇嘅電影係咪一套大眾電影呢？咁唔使拎上大銀幕啦
kayan講完一句媽媽其實好愛你咁就點醒左阿莎
果下真心反左下白眼🫠
之前有套「觸電」都係講電競而拍得相當唔錯，而且演員亦幾吸引，好容易會拎嚟比較，呢套卡士弱好多，個人雖然好OK Angela，但姓吳和姓張兩位就...
「觸電」開頭都收得唔好，但就係靠口碑一路打返上嚟，呢套睇怕唔樂觀！
「電競女孩」個主題真係選得太差
個決定一開始就係錯
正正經經拍一套鍾意打機嘅女性角度電影就冇事
五個女角個性其實好鮮明，角色可以再立體啲
但係又想拍到女性電競專業玩家咁一時又想女性主導電影
充滿矛盾同兩頭唔到岸
同埋塞太多想法入去又處理得差
拍果個演果個可能都唔明你講嘅solo rank係點解
打比賽啲鏡頭全部拍錯晒，好懷疑佢條team有冇睇過英雄聯盟比賽直播
其實好好拍
1.搵兩個做賽評放個機位俾佢得閒俾啲鏡頭佢
2. 五個選手每個人一個cam嘅大頭做反應
3. Login 企起度做教練banpick 仲要帶住帽唔出樣
最大問題係佢團戰全部靠對白講
完全唔識點去交代遊戲𥚃面進行緊啲咩
其實 我真係唔戒意入場睇Faker 既歷年經典。。。如果有人肯上映我一定入場睇。
簡簡單單拍返個打機場面我覺得好過搞CG。。。LOL 又好，AOE 都好啦。。。
我睇囡囡都OK架。
講真啲囡又唔係差... 唔使搞咁多花臣...
公道，唔係港產片就要一腦熱血去支持，本體拍得好唔好先係最重要！
只能夠講，拍電競題材要拍出氛圍感或大賽感其實好燒資源，團隊由一開始已經錯判左選錯題，遺憾
近來很多支持文，我覺得各有喜好，本土電影都要支持。不過個人也不太喜歡，以下是我的分享：
https://patrickmakblog.blogspot.com/2026/03/blog-post_18.html?m=1
未睇。但不意外。
其實睇條Trailer 就已經Feel到 佢唔湯唔水。
明顯拍既人對於電子競技本身無真係有幾熟。亦都唔Care。
電子競技既基本訓練（體能，手速，計數，協作）完全無提過。
條Trailer 淨係睇到 熱血 同埋 女性議題。
而且啲特效。。。唉。
唔係話唔得。但其實睇開電子競技既人，唔係想睇呢啲野囉。
我睇 Faker 係要睇神操作，唔係睇佢畫功有幾靚。
講真樓主好激動，但我同意佢大部份說法，隻game玩到好老尷，點解唔跟返LOL個玩法去打塔咪仲易拍，而家咁太無緊張感，再講要辭職去打電競比賽太離地，佢平時點生活
睇多次再見ufo好得多
垃圾片其實拍都浪費社會資源
電競加女孩好濃既sweet baby味 拍得好唔簡單 未睇過 佢上到串流平台會睇下 唔評論 🫠
如果搞少啲所謂嘅C G 、唔好用電競去hardsell . 放多啲資源去劇本. 成件事會好好多
自從睇左大陸套全職高手真人版 用個mouse兜2圈出招笑到我失禁後睇到呢啲題材我就諗諗先 依家啲戲around一場個半鐘起 一個星期睇一到2套都未排到佢 😂
依啲先正😂好似功夫藍球，十幾年後仲可以攞返出嚟笑. 某程度都係一種經典
@_bassetto 幫你tag返個柒頭導演出嚟叫佢睇清楚自己拍咗啲咩垃圾出嚟