揸的士黎講，熟路同識得避塞車真係好重要
對司機同乘客都係win win
當然要同乘客有足夠溝通同配合
用2個例子解釋下

例子1
起點: 東廊或紅隧 // 目的地: 砵典乍街萬宜大廈
正路經皇后大道中再右砵典乍街
眾所鳩知，上紅棉路同匯豐一定塞車
經溝通後，行干諾道中再左轉入域多利皇后街
中環街市落車，行1分鐘都唔使就到

例子2
接call車客
客人身處油麻地東方街YMCA
目的地: 薄扶林
我身處彌敦道北行方向
正路係窩打老道口轉右去接客
但問題要行西隧，錯方向
即時打俾客問可否去斜對面窩打老道8號上車
避免兜個大圈，又多燈位
客人亦樂意配合

當然啦，乘客行得走得我先會問係附近上落得唔得
遇著行動不便既公公婆婆或殘疾人士
我會一定就返佢方便既上落車點

我鍾意呢啲post

一啲啲情況（撞手神），有啲客醒目就行到，
有啲大支野，東方街兩個街口去對面未必肯
有啲路痴，一句「唔識，第一次嚟」

我就係唔熟路嘅DC9🙈

例子2做多咗

點做多左？做多左而慳到時間我覺得抵返哂

又有幾多乘客願意配合？
－句 我 唔識喎，玩完

好多乘客明知塞車一定肯配合喎
其實如何令個乘客行自己心目中條路線都係一門學問
睇你點表達

如果佢唔肯配合既=玩自己
你咪揸返條塞車路線囉
揸得的士都預左架啦

一D D。不過我曾經車過一個女士，西貢翠塘去荃灣紗廠，當時龍翔道塞車，google map 上行西沙馬鞍山路再城隧快過西貢公路龍翔道，個女士話 可以咁行，但費用多左好多，uber taxi來嘅，結果被uber調整左收費，直到我上訴影埋咪錶先俾返錢我
「呢啲情況其實係咪乘客事後投訴？」

咁個乘客當時同意左咪得
而且你都有責任補多句因為避塞車
路程長左，車費有機會貴左，隧道費又多左
佢都同意咪照行，你如果車內cam
佢事後就算投訴都無得輸