📌 搬去同男朋友住，發現
共 46 條紀錄
搬去同男朋友住，發現佢床頭櫃底仲收埋前度寫畀佢嘅情信同一齊整嘅相簿。我問佢點解唔掉，佢話：『呢啲係我青春嘅回憶，唔代表我仲鍾意佢，你做咩要管我嘅過去？』但我每晚瞓喺嗰張床度，諗起下面壓住佢同另一個女人嘅回憶，就覺得好反胃。真係我太執著咩？😥
1 床頭又真係有啲近既
2 丟唔丟就唔輪到其他人決定/提議
一係商量下搵個安全地方幫佢安置咗去
硬道理而家講你知你未必明，但隨年月過去，呢啲事你會覺得好芝麻綠豆，到時你就會明白😉
唔好意思，男人係花心但重情，10年20年後，對於愛過嘅人仍然可能有種情義，但其實已經不包含愛，前度等同一位朋友咁上下份量。
女人普遍尊一但薄情，愛一個人就全個世界只一個人，但分手後基本可以當前度仇人，不念舊情。
希望妳明白男女嘅心理分別，可以消化大家嘅建議，再同男朋友傾下，搵到令雙方心理上都可以妥協嘅方法，一切貴乎坦誠。
我戀愛經驗唔多，所以用國際關係嚟解釋：
即係咁，南斯拉夫解體後，即使比較親西方嘅克羅地亞同斯洛文尼亞仍然會肯定鐡托嘅功績，承認曾經美好過。但佢哋會唔會希望南斯拉夫重現？好顯然係唔會嘅，因為現在或將來都有另一種美好等緊佢哋。
啲留言咩事？我想講有現任就唔該扔撚晒佢啦 你唔扔都收埋佢啦 個女朋友仲要過嚟住喎 你哋黐撚線啦 都係尊重啫
我同老母執老豆遺物個陣
執到一袋佢同前妻同以前D舊菜既相
我老母仲逐張相 逐個女人同我介紹
審閱我老豆過去既戰績
你冇錯。
佢留住前度嘅嘢唔係最大問題。
最大問題係你唔舒服，佢唔理。
佢可以留回憶，
但你唔需要硬瞓喺人哋嘅回憶上面。
如果佢在乎你，會收埋第二度，
唔係要你晚晚頂住嗰種反胃感覺。
你唔係執著，你係覺得自己唔被尊重。
我男朋友都有留住佢當年嘅女朋友整比佢嘅回憶錄，同埋另外一個女朋友嘅相簿，但我一啲都唔介意，反而我覺得好自豪，因為佢宜家嘅女朋友同佢同住嗰個係我
個個都同你講呢啲係小事，你揾個A0咪無問題，真係？
其實佢試探緊你底線，咁多位置唔放，專放係你易見到嘅地方，同佢講仲要話返你唔夠大度，係你問題，最後你要委屈地接受其實係好小事。
我屋企大廳正中間仲有老公ex親手整俾佢既野，搬過兩次屋我都有幫佢擺出來。
我覺得另一半有情有義，係優點。難度你想你既另一半係個種好憎ex, 想個ex不得好死既人？
留住可能係掛住個ex，也可能其實係思念青春、美好既回憶。
丟左佢，唔代表唔掛住ex。無個件野，都可以每晚都唸起ex。咪咁傻啦。
人其實好簡單：現任越好，就越少想起ex。
我自己就無留ex既野，主要原因係我唔草紀念品。感情都過左去，留件野泥無意義。
但我尊重其他人會草野。
咁你躝囉！
BY連登會員： 591178感恩我是中國人
搵個A123456789嘅你又接受唔到佢有過去，到你搵個A0你又會搵人問佢前世老婆係咩樣
我老公都裝佢同佢ex拍拖時期嘅一啲嘢keep咗係一個盒到
收係床下底
講真有咩所謂姐🤨
真係愛嘅話 抌晒都會記得
唔愛嘅話擺喺面前都冇感覺
而且依啲嘢係回憶嚟 係佢人生嘅一部份
冇必要逼人哋去揼咗啲記憶
而且衰啲講句嗰度佢屋企
你去住其實寄人籬下

妳學識尊重人啦，妹妹🧍♀️
唔鍾意收埋喺床頭櫃底，咁一係擺喺廚房鋅盤櫃下面或者迷你倉？ ——允許佢留返少少回憶ok
純個人諗法。我覺得每段關係或者感情都係獨立，係某段時間或者當刻發生嘅野。我自己唔會比較或者取代，即係宜家一齊嘅你，唔會等於或者改變我以前同另一人嘅野。將來若果有其他人，亦好可能取代唔到我曾經同你一齊嘅經歷同感情。
當你搬入去同佢住，代表你想同佢建立一個共同嘅「家」，但呢疊相簿同信，對你嚟講就好似係一段未清理乾淨嘅過去，正正壓喺你哋每日最親密嘅床位下面。如果佢見到你咁難受，依然覺得「回憶重要過你嘅情緒」，咁你們要傾下佢係咪真係準備好同你「共同生活」。
搬去同女朋友住，發現佢閪窿仲收埋前度射入去既精液。我問佢點解唔洗，佢話：『呢啲係我青春嘅回憶，唔代表我仲鍾意佢，你做咩要管我嘅過去？』但我每晚中出佢，諗起下面收埋同另一個男人既回憶，就覺得好反胃。真係我太執著咩？😥
我十幾歲 二十幾歲個陣會好似你咁諗
希望自己係對方既最愛或者唯一
但係到我以家三十歲
有時要問下自己同對方經歷過什麼？
你為對方付出過什麼？
點解會覺得自己係最特別？
你諗通到哩個課題就會走得番出來
試諗下個相薄應該唔似係男仔會諗會做既事
咁即係當初係佢前女朋友好努力咁為一段關係建立回憶同互動
哩個係別人既付出同努力 我反而覺得需要尊重
你可以表達你男朋友知 你好欣賞佢咁重情 係你有呷醋 你尊重佢 睇下本薄可以放係邊度令大家都接受到
情信小事啦 我ex keep ex扑野片 好精彩嫁
寄人籬下就合埋把口，每個人都有過去，佢而家對你好就得啦。
要尊重人地既過去，呢啲係你男友既青春回憶。
唔好妒忌過去，應該珍惜現在與將來。
兩個小小建議
一：分手
你去搵一個床頭櫃空嘅男仔
佢去搵一個就算將你張合照放喺床頭櫃都唔會介意嘅女仔
你哋兩個都無錯，只係無辦法互相理解
二：賭
人一定會隨時間變，你可以選擇等
去賭佢有一日會諒解
去賭你有一日會妥協
尼個世界邊有咁多天生一對，磨合，就係俾機會大家去成為各自嘅唯一
option 1:
咁搬走。同佢講：我唔會share 你嘅愛情回憶。
option 2:
問佢有幾多個前度，叫佢攞晒所有前度嘅相睇。睇吓佢一唔一致
🤔，佢唔係一脚踏n 船就是 ！俗語有云：新歡雖好，舊愛難忘！人就係人，世上乜人都有，只有自己不知，沒有佢嘅不存在。其他留言對維持一段二人關係講得十分實際 ，如能明白當中道理，利大於害，但好多時要經歴過才明白，而代價已付出，返唔到𨍭頭！有啲嘢真係唔知好過知，知都當唔知（並不一定是懦弱，屈服等等咁解），也勿高估自己接受能力，對方不是偷，搶，騙，姦，殺就易解决 ，man ain’t no saint no god no perfect ! 任何二人關係都要尊重對方權利 ，私穩係其中一樣 權利like it or not ，也許將私穩和其他權利 看成二人關係中一個buffer zone 走盞空間就是，二人關係並不是賣身！相對於家暴，惡意心理打擊，將一段二人關係當成另一權力鬥争埸地，仲隨時禍延他人，甚至下一代，嗰幾張相，，，恕多言😆，㊗️
每個人都有過去，又唔需要介懷咁多，我個 ex 都會keep晒所有前度嘅野，試過佢屋企唔夠位，我自己一條友幫佢成個篋再加一個大袋搭地鐵搬去我度，入面仲有好多佢哋錫錫嘅相 😅😅
不過你個情況可以試吓同佢講你嘅感受，要識得溫和地表達點解你會唔開心，睇吓有咩方案大家都可以接受～
我有成盒前度嘅相+禮物，有諗過丟咗佢但其實都係構成我人生嘅一部分，所以最後都keep住，放喺床下底。不過佢放床頭又真係奇怪嘅……
你個心見到唔舒服 甘就叫佢掉。
諗住同你過下半世，舊人既野又有咩好留戀？
如果你男人既心，覺得你逼佢，甘小事佢接受唔到既，磨合唔到，基本上將來都係無將來。
你個心唔舒服，又點會行得遠？
你既情緒重要過舊人，愛自己先 考慮自己先。你讓步 就會有無數次讓步。
我都有留初戀相片
不過我收得好密。
每個人都有歷史，
是不能改亦不容易忘記！
😢
咁你想佢收埋係邊先唔覺得「壓住」？床下底都已經係最鋪塵嘅地方Lu喎～
你男朋友屋企幾千尺好多地方收埋啲嘢咩？！
呢啲係佢嘅人生，點解你會想抹去人哋曾經經歷過嘅人生？