📌 搬去同男朋友住，發現
共 51 條紀錄
搬去同男朋友住，發現佢床頭櫃底仲收埋前度寫畀佢嘅情信同一齊整嘅相簿。我問佢點解唔掉，佢話：『呢啲係我青春嘅回憶，唔代表我仲鍾意佢，你做咩要管我嘅過去？』但我每晚瞓喺嗰張床度，諗起下面壓住佢同另一個女人嘅回憶，就覺得好反胃。真係我太執著咩？😥
🤔，佢唔係一脚踏n 船就是 ！俗語有云：新歡雖好，舊愛難忘！人就係人，世上乜人都有，只有自己不知，沒有佢嘅不存在。其他留言對維持一段二人關係講得十分實際 ，如能明白當中道理，利大於害，但好多時要經歴過才明白，而代價已付出，返唔到𨍭頭！有啲嘢真係唔知好過知，知都當唔知（並不一定是懦弱，屈服等等咁解），也勿高估自己接受能力，對方不是偷，搶，騙，姦，殺就易解决 ，man ain’t no saint no god no perfect ! 任何二人關係都要尊重對方權利 ，私穩係其中一樣 權利like it or not ，也許將私穩和其他權利 看成二人關係中一個buffer zone 走盞空間就是，二人關係並不是賣身！相對於家暴，惡意心理打擊，將一段二人關係當成另一權力鬥争埸地，仲隨時禍延他人，甚至下一代，嗰幾張相，，，恕多言😆，㊗️
我十幾歲 二十幾歲個陣會好似你咁諗
希望自己係對方既最愛或者唯一
但係到我以家三十歲
有時要問下自己同對方經歷過什麼？
你為對方付出過什麼？
點解會覺得自己係最特別？
你諗通到哩個課題就會走得番出來
試諗下個相薄應該唔似係男仔會諗會做既事
咁即係當初係佢前女朋友好努力咁為一段關係建立回憶同互動
哩個係別人既付出同努力 我反而覺得需要尊重
你可以表達你男朋友知 你好欣賞佢咁重情 係你有呷醋 你尊重佢 睇下本薄可以放係邊度令大家都接受到
我屋企大廳正中間仲有老公ex親手整俾佢既野，搬過兩次屋我都有幫佢擺出來。
我覺得另一半有情有義，係優點。難度你想你既另一半係個種好憎ex, 想個ex不得好死既人？
留住可能係掛住個ex，也可能其實係思念青春、美好既回憶。
丟左佢，唔代表唔掛住ex。無個件野，都可以每晚都唸起ex。咪咁傻啦。
人其實好簡單：現任越好，就越少想起ex。
我自己就無留ex既野，主要原因係我唔草紀念品。感情都過左去，留件野泥無意義。
但我尊重其他人會草野。
你唔係執著 係呢樣嘢直接影響到你而家嘅感受
佢講係回憶冇錯既 每個人都有過去
但問題係呢啲回憶仲放喺你每日瞓覺嘅空間入面 你唔舒服好合理架 因為你感受到嘅係你同佢嘅現在同佢嘅過去重疊緊
呢個唔係管佢過去 係你想喺呢段關係入面有一個乾淨同安心嘅位置姐
你可以咁同佢講下你感受 睇吓佢會唔會因為你嘅感受而做出調整
如果佢在意你其實會明白尊重過去同時都要尊重現在嘅你
唔好意思，男人係花心但重情，10年20年後，對於愛過嘅人仍然可能有種情義，但其實已經不包含愛，前度等同一位朋友咁上下份量。
女人普遍尊一但薄情，愛一個人就全個世界只一個人，但分手後基本可以當前度仇人，不念舊情。
希望妳明白男女嘅心理分別，可以消化大家嘅建議，再同男朋友傾下，搵到令雙方心理上都可以妥協嘅方法，一切貴乎坦誠。
你應該咁諗，
你比佢地仲要優秀，
而你係力壓群雄情況下而勝出！
而床下就係佢地失敗既奠基石，
而無佢地幫助培育你男友，
佢唔會突出到你現時睇到佢既優點，
所以男人都係經歷過失敗先有所成長。
你現時感受到既係經歷過成長過後既男人，而回憶就算係無實際記錄都銘克係佢腦海到，你掉黎都冇用，因為果樣係成長既證明
兩個小小建議
一：分手
你去搵一個床頭櫃空嘅男仔
佢去搵一個就算將你張合照放喺床頭櫃都唔會介意嘅女仔
你哋兩個都無錯，只係無辦法互相理解
二：賭
人一定會隨時間變，你可以選擇等
去賭佢有一日會諒解
去賭你有一日會妥協
尼個世界邊有咁多天生一對，磨合，就係俾機會大家去成為各自嘅唯一
每個人都有過去，又唔需要介懷咁多，我個 ex 都會keep晒所有前度嘅野，試過佢屋企唔夠位，我自己一條友幫佢成個篋再加一個大袋搭地鐵搬去我度，入面仲有好多佢哋錫錫嘅相 😅😅
不過你個情況可以試吓同佢講你嘅感受，要識得溫和地表達點解你會唔開心，睇吓有咩方案大家都可以接受～
你個心見到唔舒服 甘就叫佢掉。
諗住同你過下半世，舊人既野又有咩好留戀？
如果你男人既心，覺得你逼佢，甘小事佢接受唔到既，磨合唔到，基本上將來都係無將來。
你個心唔舒服，又點會行得遠？
你既情緒重要過舊人，愛自己先 考慮自己先。你讓步 就會有無數次讓步。
當你搬入去同佢住，代表你想同佢建立一個共同嘅「家」，但呢疊相簿同信，對你嚟講就好似係一段未清理乾淨嘅過去，正正壓喺你哋每日最親密嘅床位下面。如果佢見到你咁難受，依然覺得「回憶重要過你嘅情緒」，咁你們要傾下佢係咪真係準備好同你「共同生活」。
我老公都裝佢同佢ex拍拖時期嘅一啲嘢keep咗係一個盒到
收係床下底
講真有咩所謂姐🤨
真係愛嘅話 抌晒都會記得
唔愛嘅話擺喺面前都冇感覺
而且依啲嘢係回憶嚟 係佢人生嘅一部份
冇必要逼人哋去揼咗啲記憶
而且衰啲講句嗰度佢屋企
你去住其實寄人籬下

我戀愛經驗唔多，所以用國際關係嚟解釋：
即係咁，南斯拉夫解體後，即使比較親西方嘅克羅地亞同斯洛文尼亞仍然會肯定鐡托嘅功績，承認曾經美好過。但佢哋會唔會希望南斯拉夫重現？好顯然係唔會嘅，因為現在或將來都有另一種美好等緊佢哋。
搬去同女朋友住，發現佢閪窿仲收埋前度射入去既精液。我問佢點解唔洗，佢話：『呢啲係我青春嘅回憶，唔代表我仲鍾意佢，你做咩要管我嘅過去？』但我每晚中出佢，諗起下面收埋同另一個男人既回憶，就覺得好反胃。真係我太執著咩？😥
純個人諗法。我覺得每段關係或者感情都係獨立，係某段時間或者當刻發生嘅野。我自己唔會比較或者取代，即係宜家一齊嘅你，唔會等於或者改變我以前同另一人嘅野。將來若果有其他人，亦好可能取代唔到我曾經同你一齊嘅經歷同感情。
你冇錯。
佢留住前度嘅嘢唔係最大問題。
最大問題係你唔舒服，佢唔理。
佢可以留回憶，
但你唔需要硬瞓喺人哋嘅回憶上面。
如果佢在乎你，會收埋第二度，
唔係要你晚晚頂住嗰種反胃感覺。
你唔係執著，你係覺得自己唔被尊重。
比我.. 我都會介意
或者咁講、我會觀察吓呢個人係唔係「真係會好好保存回憶類型嘅人」，如果係、我會接受。如果佢只係選擇保留呢啲部份記憶、而我又真係好介意，同佢講佢又屌鳩我話。我會叫佢加埋我入佢嘅青春度第二日即走。
我是女性，我會同他講，
我都keep咗啲舊男朋友嘅相。（如果冇嘅唔該扮有）仲跟他一樣，放一兩張喺床下底，睇吓佢咩反應，
然之後同佢講這就是將心彼己。
他接受到，你也應該接受！
否則，一齊掉！
無吹水 講真 我真係唔介意 我老公直情仲留緊佢初戀啲相 但contact係佢自己主動刪左 我無要求過嘅 但其他女我會要求刪 我同佢講 你地係真正愛過對方 唔係玩玩下 我點解要叫你強行抹左佢 ？抹左就代表唔記得？
個個都同你講呢啲係小事，你揾個A0咪無問題，真係？
其實佢試探緊你底線，咁多位置唔放，專放係你易見到嘅地方，同佢講仲要話返你唔夠大度，係你問題，最後你要委屈地接受其實係好小事。
床頭櫃底喎，你唔特登去搵都唔會見到啦！你搞左人地嘅底線就話人試你底線
相簿唔係重點，係個男人之後個態度，佢無尊重過個女朋友嘅感受。當發生問題時，個男人都唔顧你感受，就係個女仔一手一腳退自己底線造成
你諗下What If 佢冇同前度分手，甚至前度冇喺佢生命出現過，佢仲會唔會同你一齊？都幾肯定唔會。冇前塵鋪墊，係唔會應承到鍾意你嗰個佢的，一步一腳印呀。你多謝佢個ex 都未嚟得切啦。
我男朋友都有留住佢當年嘅女朋友整比佢嘅回憶錄，同埋另外一個女朋友嘅相簿，但我一啲都唔介意，反而我覺得好自豪，因為佢宜家嘅女朋友同佢同住嗰個係我
唔抌晒以前ex嘅嘢係好正常，不過佢應該唔可以俾你見到又或者收得密啲，男人同女人唔同男人比較喜歡念舊，尤其是以前嘅女朋友女人比較決絕。
要睇係幾耐之前。如果係好耐，加上大家都知翻撻是冇可能，佢未必係鍾意嗰個人，而係鍾意／懷念嗰陣時既佢自己。人人都有過去，唔駛咁介意。
我拍拖嗰陣，前女友嘅嘢都有留住，但一結婚就自己自動自覺咁一樣不留。其實你哋現時只係拍拖階段，無比必要要求對方做多嘢，男女都係
叫佢換個位囉，每個人之後佢嘅過去㗎啦，你可能冇留低但佢想留低呀嘛，同佢傾下先囉，所有人送畀我嘅嘢都唔會揼，有回憶有心意㗎嘛
我有成盒前度嘅相+禮物，有諗過丟咗佢但其實都係構成我人生嘅一部分，所以最後都keep住，放喺床下底。不過佢放床頭又真係奇怪嘅……
反胃係正常，始終甘樣你永遠好難知自己係佢心目中排第幾，而你唔係佢惟一。 老實講🥱 調返轉你同你自己ex 既野擺屋企佢得唔得先？
都已經過去式啦
而家佢愛你 你兩個好地地咪得
如果你自己A0 無過去拍拖經歷
咁可以理解 但人往前望
佢選擇得你 證明而家最重要係你
無聊，人人都有過去，你嘅安全感真係咁缺咩？ 所有ex嘅嘢都要掉晒咩，都係人哋嘅回憶，想保存都好正常。 你都係搵個A0算吧啦
option 1:
咁搬走。同佢講：我唔會share 你嘅愛情回憶。
option 2:
問佢有幾多個前度，叫佢攞晒所有前度嘅相睇。睇吓佢一唔一致
妳學識尊重人啦，妹妹🧍♀️
唔鍾意收埋喺床頭櫃底，咁一係擺喺廚房鋅盤櫃下面或者迷你倉？ ——允許佢留返少少回憶ok
往事有一半係佢自己嘅，佢要經歷過以前先變成而家嘅佢，包括你欣賞佢嘅地方，同你有咩值得佢鍾意。留返D空間俾人啦。
明 就算人人都有過去 但唔代表要keep住關於前度嘅物品唔dum
留嚟想回憶啲咩？ 一望到又會諗返當時嘅回憶
對現任都好唔尊重
雖然真係要尊重佢嘅過去同回憶，但係同時都要尊重現任感受
佢唔願意掉唔緊要，試吓同佢傾放喺另一個唔好咁近你嘅地方
咁你想佢收埋係邊先唔覺得「壓住」？床下底都已經係最鋪塵嘅地方Lu喎～
你男朋友屋企幾千尺好多地方收埋啲嘢咩？！
我同老母執老豆遺物個陣
執到一袋佢同前妻同以前D舊菜既相
我老母仲逐張相 逐個女人同我介紹
審閱我老豆過去既戰績
啲留言咩事？我想講有現任就唔該扔撚晒佢啦 你唔扔都收埋佢啦 個女朋友仲要過嚟住喎 你哋黐撚線啦 都係尊重啫
每個人都有過去 過去咗既野我唔會多問🙆🏻♀️
但我都係一個會keep前度野既人
我覺得美好嘅回憶 值得留低
我覺得樓主嬲得合理，咁都可以有人幫個男友
唔係錯在收埋，係錯在唔應該俾你揾到，仲要大條道理鬧你管佢
你又搵你啲青春回憶擺返喺佢面前囉🙂↕️就算唔掉都唔應該擺喺現任面前 好唔尊重 當你死嘅咁
我所有ex嘅野都係個櫃到
試過掉 但掉掉下又覺得掉唔落手
不過我諗 如果我遇到最後一任結婚，我都會掉
咁我講得露骨D，你同佢打車輪，佢都同ex 打過。你同佢做愛，佢都同ex 做過，咁係唔係都接受唔到 ？
呢題我識，你男朋友係有需要放係床頭鎮壓住佢，掉咗佢嘅話就會好似啲冤親債主咁返嚟搵佢🤗
1 床頭又真係有啲近既
2 丟唔丟就唔輪到其他人決定/提議
一係商量下搵個安全地方幫佢安置咗去