📌 搭單講下我覺得馬田係
共 39 條紀錄
搭單講下我覺得馬田係個好值得尊敬嘅人，佢講過佢從來都冇一個突然爆紅嘅moment，就係咁多年一路默默拍片儲食譜，慢慢累積followers，然後又好有計劃諗好曬拍到幾時就唔再恆常出片。
成件事係好優雅，可以睇到呢個人係好成熟好清楚自己想要啲咩，然後一步一步達成目標。
踏實。
我覺得佢就係做返個人，唔係拎住 key opinion 塑造一個叻過人嘅形象。
記得佢有搞過幾集講 cocktail, 當然佢自己唔係特別喺 cocktail 領域。
但佢拍完條片冇以自己好識嘢自居，都係同 follower 一齊試一齊學，唔一定啱晒但會一齊交流下。
咁件事感覺就唔同，正面好多。
佢啲片有講過啲食譜佢會自己試到最好先拍出嚟，真係冇伏
高登年代開始睇佢，啱啱出樣嗰陣講嘢仲甩甩咳咳，點估到做下做下兩個channel 百萬訂
講嘢食真係唯一follow馬田，係真誠 地識得發掘生活趣味嘅， 唔違背自己原則之餘又識得搵錢仲要有幽默感又識拍嘢， 香港少有youtuber到達呢個高度。
佢除咗同父母之外，如果一同人哋有夾份做節目嘅就硬係有啲怪，因為對面嗰邊多數追吾佢到的( 一係扮大佬)， 而且係因為合拍節目，佢會畀面人，就有啲怪，所以佢單拖做節目係最好睇，除咗阿神。
我直頭follow埋佢台灣嗰邊，搵partner都揾得啱，阿神又係同類人。
呢排有翻睇佢嘅3條蛋撻片，介紹3種蛋撻嘅分別，按種類拍，我覺得台灣人應該睇下🤣🤣
同埋佢教整野食啲片，講得好詳細，連理論都有，好鐘意睇
鐘意睇佢教煮嘢，好真實好貼地，比人一種感覺係屋企/新手都可以做到出嚟。
最搞笑瑞士卷個條片，佢攞埋失敗品出嚟比人睇，令觀眾更加清楚步驟唔岩會整成點，應該點樣調整到最後嘅版本。
蘿蔔糕我都係睇住佢條片整，零失敗。
佢教煮餸好多個人經驗係入面，有時反而睇做開廚房教煮餸會碰到釘，因為人地唔會講咁多，淨係教你step1 step2跟住做，整完出嚟同條片唔同就會唔知問題係邊。
其實我都好鍾意馬田，正正係因為佢唔係專業喺煮嘢食嗰一方面，所以佢亦都好明白好多人喺整嘢食嘅過程中會衰喺邊一個Step上面，然之後會喺片段入邊加以提醒。同埋有時拍一啲餐廳嘅食評，如果真係伏伏地嘅話佢通常都唔會踩到間餐廳你去死啦(文苑嗰次除外啦，因為文苑真係太過分啦）佢通常都會留有少少餘地俾嗰間餐廳
可能好多人都係覺得馬田係因為去咗台灣拍YouTube先至紅，但係其實佢有時夜晚深夜live嘅時候係講返其實台灣嘅fans唔係真係好多，馬田真係憑自己嘅努力去到1,000,000嘅YouTube 訂閱。所以其實我真係好欣賞同埋好佩服佢🥹
我老公台灣人，其實我係因為佢睇馬田同阿神既片我先認識馬田，再開始睇佢單拖既片。
所以佢都有啲默默鍾意佢既台灣粉絲嫁！
佢都唔洗不斷出廢片KEEP VIEW 數。記得佢有講D 人不斷LOOP舊既煮野食片VIEW數都夠勁。因為 D片D人會睇好多次跟住嚟煮。
香港youtube界搵成功formula 佢應該算係第一
記得佢前年臨收檔前嗰排，因為有人留言話佢啲片冇人睇，然後連做咗十幾集符合演算法嘅片，條條幾十萬view，真係好正😂
覺得佢 ‘實在’！ 呢様係好多 YouTuber 做唔到。佢介紹嘅野，我會有信心 d.
有次睇咗佢幾個鐘live 就係講佢同銀行傾點投資，覺得佢係好清醒，好知道自己要咩，仲好識講番出來，幾個鐘live ，慢慢聽一d都唔悶。 其實佢選擇做食譜真係好聰明，住野食方法真唔太會outdated.
路過
本身對佢唔差
有埋佢阿媽更上一層樓
佢阿媽講野又好抵死
但阿媽d對答有好平民feel,唔會覺得佢講大話
睇曬咁多comments，老懷安慰🫠。大家喜歡馬田 都要繼續支持。
由佢初初出片開始睇，佢好醒目識點搵錢，亦好知個遊戲玩法，搞火鍋外賣生意都賺好多錢，同呀神搞神馬又吸埋台灣粉，佢係有業配但唔會比人感覺負面
同意 利申睇埋佢旅行同有排同哲學友嗰d片 覺得佢好真誠同有心
佢嘅教煮食片真心用簡易嘅方法講當中理論比大眾聽 聽完真係學到野 會進步嫁
佢除左係煮俾你睇 仲話埋俾你聽點解要咁做(會share失敗例子)
唯一係佢講野真係慢 起碼要開1.5倍速睇
爆紅應該系佢炒蛋個段片，但佢紅左都系一樣咁鳩個下先respect
我都有睇馬田
拍片夠真、似返一個真實嘅人
而唔係一個離地嘅kol
佢可以踏實咁做起 唔等於其他可以copy到
更多人做youtuber 只係吐左啖口水落海一樣 一啲水花都冇
馬田係個生意人多於一個YouTuber，佢每做所有嘢都係計緊點樣搵錢，而且仲要搵得安全，唔使條賓周揸喺外邊啲客度。