📌 搭地鐵比人非禮 我
共 86 條紀錄
搭地鐵比人非禮 我唔會啞忍！
有次搭地鐵返工，我著住西裝褸加長裙，等緊落車。前面有個男士，白恤衫、深藍色西褲、黑色背囊。
落車嗰陣，我過咗佢。突然覺得臂部俾人摸咗一下。我冇落車。企返喺度，車門閂埋。我大聲話：「你做咩非禮我？」
成車人望住我。我指住佢：「白衫藍褲黑背囊，我講緊你，做 乜 非 禮 我？」
靜晒。
我：「你唔好走呀，跟我落車！」
落咗車，我大聲話：「非禮我 你都唔知定？你知唔知我老竇係邊個？灣仔區高級警司（我嚇佢）。你都沙膽喇，非禮係刑事，你洗定8月15啦！
我：「道歉，講呀！」
佢頭耷耷：「對唔住小姐，可唔可以俾次機會？」佢一路跟住我，一路道歉。我一路行，一路鬧。
到出閘，我：「你走運，本小姐今日趕時間。你唔好再比我喺呢個地鐵站見到你。躝！」
佢嚇到鼻哥窿冇肉。如果我唔係約咗重要客開會，我實慢慢同佢玩！
女人遇到呢啲事，千祈唔好啞忍。你驚，佢就得逞。你企出嚟，佢就知驚。我唔會姑息鹹豬手。如果俾人博懵，我會大聲喝住佢，甚至追住佢，試過踢佢上5 寸、下5 寸，鬧到佢上天花板。就算唔報警，都要佢知驚。
條友估唔到原來我唔好蝦，做女人千祈唔好唔出聲。
女仔若覺得有男仔
對自己作出非禮行為，
最妥善、最合情合法的做法，
始終係盡快報警，
交由警方依法處理。
萬一遇到類似情況，
切勿仿效上述女子，
以「踢人上五寸、下五寸」
之類粗暴手段「教訓」對方，
如此舉動既屬暴力行為，
隨時可能觸犯法律，得不償失。
此外，亦不應效法她，
假借「父親是警務人員」
等言論嚇唬他人，
誇大背景、冒用職權，
同樣有機會構成
虛假陳述或誤導之嫌，
於法律上亦可能存在風險。
好多人見到
「女子大聲鬧非禮男」
覺得好 justice，
但係有啲內容
其實係好危險。
有女仔喺網上公然話：
「我會大聲喝住佢，
甚至追住佢，
試過踢佢上 5 寸、下 5 寸，
鬧到佢上天花板」
呢句唔係「講笑」，
而係在教導其他人
用暴力去教訓懷疑犯錯嘅人。
香港法律其實好清楚：
任何人 協助、教唆、慫使或促致 他人干犯罪行，同樣可以被視為共犯（《刑事訴訟程序條例》第 221 章）。
好多人仲話 “支持佢”
話佢 “好勇敢”
完全唔知自己
係犯緊法？！
我可以用平衡和理性的角度回應：
每宗指控都需以證據和事實判斷，
不能只靠情緒或假設
去武斷一個人有罪。
如果遇到家人被強姦非禮，
當然會心痛，
但社會公義同樣要保障無辜。
疑犯一日未判罪
一日都係清白
你唔可以喺網上
咁樣宣傳 。
如果個女仔只係
因為「懷疑非禮」
就煽動公審，
咁樣係對個男子不公道。
有嫌疑不等於
可以網上公審。
這個女子「講大話」本身，
（話佢老豆係灣仔區高級警司）
不必然構成刑事責任，
因為佢只係對嗰個男人講 ，
但一旦牽涉到報警、
提供虛假資料或誤導警方，
就很有機會觸犯刑事罪。
呢種「扮警」或
「用權力嚇人」嘅對話，
其實唔係真正解決衝突嘅方法，
而且仲有機會激化矛盾。
我呼籲嗰個男子
自己去報警！！
話有人“冒警” ！！！
做得好！！見過地鐵男人hi 女士臂部，但女事主沒有反應。。。如果女事主出聲，本人會出聲聲援做證（這個情況如果本人先出聲，而女事主話佢唔知，咪瘀到爆，希望女事主們明白，妳受辱唔出聲，旁人無法幫妳的）！！
請問你係feel 到佢用手掌摸定點？
因為我都好驚有朝一日有人誤會我非禮佢，車廂擺動難免會掂到，垂低手又會掂到pat pat，擺心口又有機會掂到胸，唔通全程車舉高手咩
唔係想同佢辯護，只係想知點先可以避免誤會
Unluckily, you have been facing a lot of poor experiences. 🙏Please be careful of yourself ! In reality, the social value system and atmosphere are very bad nowadays. However, we should not put all of the blames on men only because of some minor bad meticulous temptations.
我試過一路打佢，一路鬧佢，重搵警察，拉咗差館，佢摸我三次，我初時第一下，以為佢唔小心，第二下我嬲，佢重摸第三下，後來警察話佢可以告返我襲擊罪，我當時雙眼有火，無諗咁多
覺得臂部？？？🤔 臂部可以係擦身而過！
係打錯字定係？如果係PatPat，就肯定非禮！
但樓主寫，（覺得臂部），就令人費解！
女人和男人都要好好保護自己😱
我朋友細細個係地鐵已成日被非禮但唔識反應。大個真係有陰影好驚異性唔識同異性交流。我會比呢個故事佢睇，做人一定要堅強唔好啞忍色魔
呢個係我個post嘅目的。坦白講，好多女性唔止一次被非禮。有時有d 情況報唔到警，咁都要大聲鬧，我直情錫，等佢唔好咁得戚。
但係我朋友係男仔。其實男仔都會被非禮，只係無人理。間唔中新聞會報的，亦都有拉過人。
Of course not. 自己睇下新聞女人非禮男人時有發生
啱👍一定要即刻出聲！千祈唔好覺得‘好瘀’或者‘好醜’！因為你要知道你哋先係受害者！不過，亦都顧住自己是否安全為首要！
條友似宅男，我叫佢道歉佢真係道歉。我叫佢跟住我行，佢真係跟。因為我好大聲，唔怕比人知。佢好瘀
「你咁做，我支持」！👍
→原因係對這些壞分子，不能「姑息養奸」，定必「殺雞儆猴」！🫡
→ →「以正視聽，以絕歪風」！👏
不過你定必要緊記：「你一定要在自身安全啲情況之下，才去行動吧！」 🙏☝️
在惡D 用手機直接拍底佢個樣 同影片
現在我去警局備案先 諗下揾唔搵警察直按拉你 或者放你個樣上網 等全世界都認得你
你唔使話屋企人乜乜啊，齋大聲講嘢話報警腳都軟撚埋啦！
但係切記攞手機影住佢表情！
絕對可以分辨到佢有冇做過！
我見佢成個𡃁仔咁，應該係好驚，所以我講「我老豆係警司🤣」等佢再驚多啲
有冇總警司既女睇到依個留言？佢地其實識唔識搭地鐵？因為識D朋友爸爸警司都基本佢地搭唔係的士就係uber😂
最重妻係果條友比我鬧到驚。真係警司嘅女有冇搭地鐵，我諗個宅男當時都驚到諗唔到。
呢個post 嘅重點係叫女士遇到呢個情況唔好啞忍
收到風佢比你鬧完之後，痛改前非，
除咗再去讀書之後，仲不斷做義工幫人，好似仲有人話佢攞咗好市民獎添
妳做得岩，這樣的人一個也不能容忍，但也得留意個人安全，若他老羞成怒、發爛，後果是難以預計的。
因為我睇到佢個樣係怕怕事事，似宅男款，所以就放膽鬧
由於我寫嘅係真實經歷，當時我嘅反應係冇鋪排過。之前我亦講過，真實嘅嘢有人嘅弱點。
我係睇當時情況去做。多謝你嘅留言
如果係真 點解要放生？
鬧佢有咩用？少忽肉？佢只會僥倖心態 繼續有下一個受害人
唔好亂作博流量啦
我都試過，條街咁大唔迫，無啦啦衝埋嚟撞我個胸，即刻秤起佢件衫領大叫掉佢老母鹹濕佬😆
坦白講，被撞胸已經唔係一次。衣著正常冇暴露，快到根本喝唔住。啲食花生人行過又話「唔去報警」。就係好似你咁講，衝埋嚟根本反應唔切。
呢啲事嘅回應要睇當時人同當時情況決定，做咗個唔後悔的決定就好
希望妳唔會再有同類經歷
坦白講，我相信不少女生可能好似我咁唔止一次被非禮。睇吓被非禮嘅程度去到邊。 寫岀嚟，係要話比所有女士聽，千祈唔好啞忍
好似我哋被收陀地，話我哋呢檔x警司有份嘅，做反黑組，渠係我堂兄弟。。。之後就冇再嚟了
我以前返中環，地鐵人多，前後有女人，一定高舉雙手揸環，㩒地游水一一稳稳陣陣。😂
好似鄺神立法會屌嗰隻企鵝嗰種級數，勁！👍
不過你鬧佢就算喇，唔好郁埋腳。
早啲知道香港人唔會幫你係好事嘅 總好過仲沉浸喺吹奏撚口中嘅美好世界
勁呀👍🏻👍🏻欣賞你
分分鐘佢俾你咁樣嚇一嚇以後都唔敢再非禮人😌
我真係鬧得好誇張。門未開佢局聽我閙。全部人望住我地。我怕咩，係佢瘀同無地自容
女勇士講出嚟會比人鬧。但我仍然寫岀嚟係因為我知好多女士都唔出聲
發覺你每一篇文都好有ai味
到底係揾ai幫你執文
定係你直接揾ai幫你寫？
佢求情完全 copy 電影對白：阿sir, 俾次機會呢？😅
咸豬手不能辜息
俾咩機會！做得咸豬手，預左俾人拉！佢當港鐵女客「任摸吾嬲」！
如果你驚返工遲到咁你可以同老細講聲....絕對唔可以姑息呢啲垃圾
樓主 點都拍片、影相，出post. 影響力大過報警（當然唔爭在報警）
冒稱警司個女 妳擔心下妳自己先啦 妳真係咁撚想紅我實幫你🤡
正常香港人係唔會拎水炮車個女呢個身份仲好自豪咁講出黎🫢
這篇文的目的係鼓勵女性遇到呢個情況要企出嚟唔好噁忍。閣下錯重點，但感謝你嘅留言。
即刻捉住佢，先通知地鐵職員位置，之後報東張，再報警。
訛稱屋企人係警員有否觸犯法律？
Btw, 已截圖及報警處理
識得保護自己女人加多100分
啲色魔見一個捉一個 😎
重點係呢件事究竟係咪真，都有唔少人話係AI 文
佢走唔到。未開門，局比我鬧，開左門，我即刻搵工作人員。
阿媽以前成日話我「沙膽」偷花生糖食。宜家年青人冇聽過唔出奇。多謝你嘅留言
佢有做過 心虛 一定唔會咁講。就算係，我會話「咁你罪加一等」