📌 收到 Threads
共 53 條紀錄
收到 Threads 友建議，今日和未婚妻 briefing: 這個親家旅行團是用來孝順父母的，有什麼不滿我 honeymoon 補給你
她：你確定我們還會有 honeymoon 嗎？
要brief未婚妻，即係呢個咁嘅idea係你提出？咁戇𨳊？
結咗婚都唔好做啲咁嘅嘢啦，仲要未結婚？同自己另一半/屋企人去旅行都易有拗撬啦，仲要連埋對方長輩？你都話你自己父母唔好相予啦
學另一位網友話齋，其實唔想結婚咪出聲囉，唔駛搞咁大場大龍鳳嘅
😪
我都差唔多
原本請一家大細+4大長老跟團唔駛煩
點知剩2星期先話唔成團(原本都講話好大機會)
即刻臨時臨急 DIY 轉左去台灣
不過其實都有開心嘅
當放吓假輕鬆吓
冇期望冇失望
不過真係要諗清楚先 (4大長老未必一定想一齊旅行)
貼錢買難受就唔好啦
冰島又凍、啲嘢又未必啱長老食、語言文字完全不通（如果佢哋英文唔好的話）
難度係比台灣幾何級上升🫣
你嘅意思即係我會係旅程顧住我父母而要委屈你…… 亞州人永遠唔明老婆先係最重要，照顧你阿媽既係你阿爸既責任，上一代做唔到，下一代自動補位，害死自己新家庭，惡性循環。
四大長老素未謀面你都夠膽搞呢個trip
全世界都同你講有問題你都一意孤行
你又唔理未婚妻感受
成件事就係，根本你想點就點，又唔聽人講
你呢種人其實唔適宜結婚，放過個女仔啦
雖然我也試過辦親家團，還要是三個親家 （ 我媽、我奶奶、我姐奶奶 ），但前提是我跟老公當時結婚超過10年，也問過老公他沒問題才決定的
這些事盡量不要自己決定比較好
結婚最煩既喺雙方家長都想參與做搞手
你死梗啦，以後結完等散啦
你老婆會覺得你喺個冇主見既媽寶男抹唔甩呢個形象
下次等擺完酒moon完先帶親家去玩
聽聞我有個表哥又係整個親家旅遊團，旅遊完翻黎就散左，主要原因女方父母覺得我表哥個老豆，姐係我舅父太霸道所以強烈反對。
TLDR懶人包：樓主未結婚就提出要帶齊曬四大長老+未婚妻total 6個人一齊旅行
識人結婚十年up都未夠膽咁做 樓主有料👍🏻
男人諗嘢真係零舍唔同，個未來丈夫建議四大長老同遊，已經夠地獄，四大長老又同意，痴痴呆呆坐埋一枱等宇宙大爆炸
四大長老見都未見過就敢一齊去旅行，去旅行係最考驗感情嘅嘢，唔少情侶同朋友去完旅行就分手絕交，你點解會夠膽？
樓主到時可唔可以每日匯報下發生咩事？
咁刺激嘅嘢我呢世人都唔會做，但都好想知真係咁嗰陣會點。我有同款父母。
師兄又係你呀？
上次送滿滿祝福俾你 話你第一步行錯咗救唔番
依家你連同你同一陣線嘅未婚妻都得罪埋
師兄呀........
其實四大長老係咪一定鍾意大家一齊去旅行先？
如果大家最後搞得唔開心，咁成件事仲孝唔孝順呢？
結婚本來就是兩個家庭的事，一齊孝順父母糸好事，不過最好報團較公平，因為去境點各人有不同意見。
相信會吵架收場，婚前同居已會暴露缺點，加上兩對父母，就更多磨擦，建議樓主分開兩團為合。
欣賞未婚妻的態度👍🏻未結婚真係要表達清楚有咩不滿
結咗婚再有咩意見，通常都冇人理
我估樓主決定帶自家父母去之前係冇同未婚妻商量過
只係問咗父母去唔去然後通知未婚妻
一齊去玩，為什麼要說到是孝順父母？
一聽就知道是父母考驗(簡稱：刁難)未婚妻之旅！
相信你未婚妻未出發已經儲左30%怒氣值😂再睇埋你形容你父母性格 覺得會分手收場😂
bro 你再繼續搞落去婚都唔洗結
你想孝順父母就自己同父母去
唔係揾親家&未婚妻夾團
生命無價，請勿自殺
老一輩試過類似情況
結果兩家火星撞地球永不相見，自己諗啦
如果男方想分手我寧願佢直接講，無謂浪費大家時間
真心呢種情況一定係分兩轉一家一次
同一個旅行團好易出事
如果佢地plan自由行更加會宇宙大爆炸
想知本身邊個提出呢個trip？想孝順下父母姐，各自做咪得。洗唔洗玩到咁大🤡
It’s me 🤡 本身我同佢地屋企去，咁我諗住如果我唔帶埋自己父母，可能佢地一世都去唔到，所以申請加埋佢地
你其實係咪唔想結婚先諗d 咁嘅野出黎？
想同自己父母去旅行就分開去啦......
你好快變孤家寡人，我講真，不過你應該已經上飛機，祝你好運。
自己父母自己孝順咪算
仲要拖埋個未婚妻落水
返嚟散咗唔好喊
呢招分手方法真係最絕！唔使自己出手，係由雙方父母出手。
結左婚都唔使同四老去旅行，因為大家都明各自去會更自在。
都就快兩公婆，居然用briefing 依個字？佢唔係你同事喎😰😰
希望未婚妻下次帶眼識人，揀個有腦嘅老公🙂↕️🙏🏻
唔想結婚咪一早老實講囉
仲要拖埋四大長老落水 死硬
想知邊個咁玩你建議你通知就算
但更大問題係你真係做
想博分手？
唔係諗住你個未婚妻會幫手湊埋你父母掛？
點解唔叫埋未婚妻家人 兩家人去仲好啦 公平d互相孝順
依家佢咪就係親家旅行團，四大長老去曬囉，聽落都知道死硬
Briefing not discussion?
你單方面決定架？咁你一個結婚啦
其實 分開外父外母一個trip 自己父母一個trip咪幾好
Ching，如果你堅持，唯有祝你good luck