收到HA Go alert, 醫管局跟進病人資料洩漏事件。我嘅個人資料都有機會外洩。
有冇人知道發生咩事？
呢排多左詐騙同銀行電話打比我，應該資料已經去左kk園區
我都收到，咁啱上星期真係第一次收到詐騙電話係up 得出我身份證號碼…
唔係，扮航空公司up得出我 email同身份證號碼，話我喺外地訂咗機票又取消額保險，嚇到我真係同佢吹咗10分鐘…最後屌走咗，但都幾得人驚。未試過啲詐騙會知道呢啲私人資料。
你點樣屌走佢？你點樣發現佢係詐騙？
你有冇問佢點樣得到呢啲個人資料？
故事有啲長，總之佢好有準備咁講咗我嘅電郵同身份證號碼，又講埋我訂咗啲咩航班等等。然後又話如果我不停繼續用我嘅身份證訂票又取消會呃保險會影響第日訂機票同登機。佢建議我去報警，但由於見到我張機票係由武漢訂所以叫我要去武漢當地報警🤣我話我報唔到，佢即刻話幫我轉接去當地公安，嗰刻我就覺得係詐騙。我即刻屌佢收咗佢線，佢仲可以轉頭用國泰內地嘅客戶服務熱線打俾我(我後面上網查返真係國泰內地hotline )，仲一直澄清自己唔係詐騙。嗰刻我都仲真係半信半疑，但係收咗線之後即刻上網搵到有好多類似騙案，仲要遍布世界各地。佢哋唔係想呃你信用卡資料，而係想同你講更加多自己啲私人資料..
我同屋企人冇收到alert
但好似有5萬幾人資料漏咗出去