收皮啦你！「寶可夢」邊忽正統！？

論「正統」當然要睇邊個最先出，
「小精靈」明明係一開始就由日本官方確認嘅譯名，而咁耐以嚟冇人嗌過「寶可夢」！
遲人廿年出世，居然好意思爭「正統」！？你當大家唔識fact check㗎！？

論「正統」亦當然民眾所認可的程度，
「小精靈」深入民心，全香港人都咁嗌（極少數舔任地獄賣粵求榮嘅非人生物例外），
「寶可夢」以普代粵，喺粵語根本嗌唔出口，連強行強名後嘅粵語配音都讀唔出「bou2 ho2 mung6」三字！
一啲認受性都冇，居然好意思爭「正統」！？你當大家腦裝屎㗎！？

「論正統當然要睇邊個最先出」呢句講得唔啱
你可以話個名唔好聽，冇人接受到，唔啱廣東話
但係唔可以話唔正統，因為正統係官方話事，佢大哂

例如你叫陳小明，由細到大全部人都叫你陳小明
突然有一日你話要改叫陳大文
一定係會好多人唔慣
但係個名係你嘅，邊樣最正統係由你話事

至於點解要改個咁多人反對嘅名，就要問番老任
不過作為正式新聞，係應該用番正式名
我見有D網媒會喺下面寫番本來係叫開寵物小精靈
真係好有心，因為有好多人仲係未知咩係寶可夢
不過點解要咁煩，都係要問番老任點解要咁搞法

官方唔等於一切。
當官方根本無視甚至踐踏你嘅本地、本土，
咁你用本地語文時，佢就已經失去「話事」的正當性和合理性。
而特別係，所謂嘅「官方」擺明講大話嘅時候。

當年The pokemon company嘅石原恒和拍片
話咩「精靈寶可夢」專登保留「精靈」二字去留低香港元素，
企圖將自己用大話包裝到已經有考慮香港人感受，
但事實上成個新名嘅決策只係依Mandarin，
呢點已經第一個大話。

轉個頭，連「精靈」呢兩個字都搣走埋，
將佢口中所謂特登留低嘅香港元素del埋！
佢哋唔敢喺香港page公佈，淨係喺微博講，
兼且仲要主動收埋石條片，想毀屍滅跡。
根本就係處心積累咁講大話，一步步清洗香港舊譯！

兩個大話都唔只，仲再疊加第三個，
就係所謂「統一」譯名根本唔統一！繁體版與簡體版係唔同㗎！
而家喺大陸見人哋惡就唔洗統一，
係咁香港直頭連語言都唔同，香港人講廣東話，唔尊重就返鄉下，
憑咩要用Mandarin嚟「說了算」剷走粵譯！？

呢啲一而再再而三大話冚大話嘅「官方」，
香港好多家新聞都唔跟，亦說明大家都唔認同佢有「話事」的正當性和合理性。

你可以唔鍾意「寶可夢」呢個名，係唔好聽、係難聽。但你要記住，版權係官方既，佢改咩名，咩名就係正統。你唔鍾意，叫返佢竉物小精靈又得、Pokémon又得，個人喜好。

但就真係唔需要寫一大篇野，道理講唔過，就打感情牌，好鬼死核突。真實既野，唔係一大群人用喜歡唔喜歡就可以改變，你覺得任天堂賣粵求榮，咁你應該直情叫人抵制未鬼玩。



你夠係正統智障啦
你改咩名，你都係智障

但就真係唔需要寫一大篇野，道理講唔過，就打感情牌，好鬼死核突

人地打一大篇野其實又關你叉事姐？你唔鐘意睇明唔好睇囉，我夠覺得咁你好核突

我講嘅一切全部係客觀事實，任何第三者都可以fact check。
唔係講緊我個人喜唔喜歡，而係講講客觀事實！
何來道理講唔過！？

理性討論就係要講事實。你將我指出的事實全數無視，
用一個所謂「官方」就壓倒一切，大搞特搞霸權，
將「正統」嘅客觀定義（唔係我一個講，人哋字典、百科全都都查到）
扭曲成由所謂「官方」點玩都得，
將一切荒謬謊言強行講到先係合理。
你呢啲邊忽叫講道理！？
你只係講霸權、講獨裁！
係同理性、同道理180度相反嘅霸權、獨裁！
「好鬼死核突」嗰個，係你唔係我。

咁官方改名叫「寶可夢」，就係宜家既「正統」名，亦係客觀事實。你鍾意以前果名，你未叫返lor。「正統」係由官方去定，呢個係佢地版權持有者既絕對權利。

你理得佢咩原因，為錢又好、政治都好，唔到你say no。你本事未集資買L左個版權，到時你未改返「竉物小精靈」，咁就「正統」la。

官方都冇權，咁邊個有？你就真係民粹+霸權la。
冇權既人想攞人地個權，口講就係道理，霸權者通常都係咁。

版權持有人既權利都唔尊重，學人講道理…..未鬼玩la