政府搞親d新野都係坑人多，但香港太多有錢人投錢落坑，數碼港、科學園、美食車、郵輪碼頭…..

政府推行的士車隊嘅目的係「改善叫車服務質素」，從而改善的士司機質素？🤣

方丈個人諗化，政府想有集團以有規模管理嘅方式去做的士呢行生意，溝淡以前「的士佬」嘅味道，逼舊派老土的士佬改善服務，整頓行業。

本來政府預計5支車隊總共可發牌3500架車，但上月先得1500架，點解？投資者見唔對路咪唔出咁多車住囉。

政府話「車隊車輛質素及服務水平雖比普通的士有顯著提升」但係客量實在不足，唔夠單、搵唔到錢又點請司機加盟？

我係黨鐵fans, 間中Call uber。原來要搭車隊的士，要Download 5支車隊自家嘅app🤣🤣
，加上平台系統局限，叫車困難問題依然未解決。睇下滴滴救唔救到佢地，我就唔睇好🤭

老老實實，而家的士服務真係好過uber, 我用開飛的

的士同uber 我都試過玩到上差館🤣
我寧願答地鐵

唔同服務，如果要求點對點寧願的士好過uber

其實有冇一個可能本身呢樣嘢係冇得賺？ 政府要求最少要200部車 ；你700,000一部車；你單單投資計埋後面人手；你最少喺個server call Centre；基本上投資平均唔會少過200,000,000；之後你仲要計月薪出糧；200部車兩皮嘢請個司機；你後面仲要有夥計接線員 文職；你一月出糧都幾百萬；仲要車租人工保養；你以前的士行嗰啲其實呢就係個車主做嘅；做完之後仲有管理費；之後仲有得過水濕腳；但問題係如果你車行自己做嘅話，所有開支都係自己比；車錢又唔見你賺多咗；大開支幾何及上升；呢壇生意都唔知邊個諗出嚟

有人投黎做個下先奇😅

因為你請人揸車職業司機嗰啲你最少都要16-18k；你錢俾得少人哋揸貨Van或者去巴士公司小巴公司做；但最大問題你開支係固定嘅 人工燈油火蠟維修保養都係固定嘅；最大問題唔見得一般的士一日搵嘅錢有幾多；傾吓計返條數打返勻可能小巴仲賺得多

的士應該衰極都有2-3萬嘅

你打工嘅唔會有；你唔使計油/電費；其實佢哋用電嘅的士係好九唔搭八一日起碼用兩個鐘頭充電；跟住喺街嗰啲充電停車場其實係要俾錢嘅；你就咁呢個成本已經貴過你用石油氣一倍多；你嗰部車又貴過豐田；你之後維修保養都唔見得會平；重點個壽命好懷疑用唔用到去回本個位？ 你豐田嗰啲的士好多都行到120萬公里；但係你電車80萬要換電；同你買個部新車有咩分別？ 其實點樣計條數都係有問題

走去做關口做折頭/泥鯭的，都係車隊車

未搞都知無得做 Uber呢種上撚晒軌道先嚟話搞車隊

5 apps合一，等重陽！？

兩難
同uber/滴滴合作，一定無乜錢賺
平台、司機、車隊，三方都要分錢

用自家app 又無人會裝
當你宣傳到香港人會裝
又做唔到遊客生意
正常遊客都只會用uber

其實車隊自家apps真係好撚垃圾 強力唔建議乘客使用
政府修例限兩部電話 坊間大大話話都有十個call車apps 仲要未計車隊自家apps
每個app司機都要交會費 每張單又要扣錢
點解唔整合一個網約的士平台出嚟 登記曬司機個人資料 有任何兜路情況下可以即時舉報 咁樣的士司機扣分制先有用 有埋信用卡支付 個客一到目的地落車走人 自動扣數 快靚正

官方仲入做單一平台，係咪即係冇晒85折😏

果5個QRCODE 真係得淡笑