救命，已經空窗期成年又冇任何工作經驗，依年都淨係搵工，但完全搵唔到啱自己做嘅工，有啲就工時長又要返6日，人工又低。想做返嘅office工好多都要有最少一年工作經驗，我該如何是好，慢慢個人都冇乜動力apply工作，又驚面試會俾人問空窗期，唉。
睇完咁多位comment之後，我真正諗通了。都好多謝各位嘅留言。
之前我仲好焦慮搵唔到工之後點算，又好介意如果空窗期太耐，啲hr或者僱主會點睇我印象會唔會差。
但我諗通就算佢哋點諗呢啲嘢我哋都係控制唔到，佢因為你空窗期就懷疑你嘅能力係佢哋嘅問題，咁諗就開始有返啲自信了。而且佢問起空窗期，都可以參考下以下師兄們嘅建議話自己返過下part time或者啲炒散。
最後想講，搵唔到工嘅大家要加油，穩定自己嘅情緒好重要，最重要係要有返自己嘅自信心，相信自己嘅能力，就算真係搵唔到full time，仲可以搵啲part time或者炒散維持生計，各位搵緊工嘅frd子加油！！
珍，空窗期耐個人又冇晒自信心，有面試都懷疑咗自己能力得唔得先去，諗諗下又覺得自己可能應付唔嚟就直接唔去，變相個空窗期又越嚟越耐
去吹水姐，我之前有間覺得冇可能，間野做隔熱塗層，請環境工程的，我ME，準備左1-2個小時，hea in完，下個禮拜second in，比少少信心自己，佢請你，你又接受到工時就ok，我個陣白紙入從做維修，連十字螺絲批🪛都不會用，照入行做儀器維修，有咩唔得，當學野
好多謝你，你嘅一番說話好有正能量，重拾返我搵工嘅信心同動力了，會試下膽粗粗咁apply下啲工。祝你second in 順利同成功，加油
聽你咁講，說明你有interview，亦說明空窗同冇工作經驗不是問題，如果有問題，點解要in你？空窗，你話自己一直有part time幫人體輔就好了，你該做的是不斷apply新job，有啲完全同你冇關，你都可以apply，由奇啲奇怪offer，我自己讀ME，apply天星小輪admin和物業管理，都打比我去in，所以你怕咩，我空窗半年了
睇完你啲搵工要求我笑咗出嚟，想同你講啲實際但唔好聽嘅嘢，其實你搞清楚你需要份工？還是人哋公司需要你多啲？你真係清楚而家個就業環境有幾惡劣未？你真係清楚目前狀況只係人揀你，你未具備任何條件揀工做？
我6日工作每日10個鐘
休息日一定全日補眠先頂得順
除左返工就係訓覺