新鴻基其實係咪唔掂？
連接屯門時代廣場同Vcity之間由新鴻基管理嘅天橋（密封嗰段），以前已經出名唔開冷氣熱到黐線，而家仲衰到由通風嘅天橋一入密封天橋就一陣臭汗味，天花嘅燈就壞咗唔換，夜晚去到電梯位直頭係黑過黑房，一望上頂啲燈大部份都無著到，仲有盞燈閃閃下，哩啲問題應該有咗成年，真係有人因為唔夠光線喺電梯跌襯就大鑊！
元朗 YOHO Plus 加點 (交通廣場)
連廁所都鎖埋唔比街外人用，清潔工都要慳
嗰條天橋係附加條款，屬於公共用處嘅通道，對新鴻基離港只有支出沒有益處，眼燈壞咗又唔係用唔到，臭又唔關佢事嘅，就係咁
我明，只係覺得佢連個goodwill都唔要啫，同埋條橋點都會帶到啲人流俾佢嘅
無care好耐
調返轉咁講，條橋係咪都咁多人行
佢更加無誘因去做一個無錢返嘅upgrade
荃灣海之戀Donki嗰條地獄通道
長實到今日都只係加通風唔加冷氣🙂↕️
就係因為係24小時通道
地產商就係計到一分一毫
新鴻基系唔點呀 靠九巴輸血養住佢先唔死 依家做地產根本死硬 風水輪流轉 做交通仲可能好過地產
新紅A呢十年越嚟越差
以前叫做用心經營
而家更連得過且過都冇
成個集團服務每況愈下
好多年前新鴻基已經係咁，只不過係區議員都理唔到。（管理公司好識玩，整好少少之後又重複再出現問題） 例如旺角新世紀廣場去亞皆老街/連接旺角行人天橋；以及沙田新城市廣場去沙田中心。本身天橋冷氣系統一早都壞晒，就係專登唔開。當中後者係夾硬加入部移動式冷氣就當做咗嘢，但冷氣都冇乜料到。通常只有潮濕嘅日子先至夠冷氣，天氣熱反而係唔會點開。
我其實都想知新鴻基係唔係唔惦，V Walk夜晚8點搵唔到一個保安，有個細路女在桃花樹前踩咗半個鐘roller都無保安理佢
仲有尿味
之前我有 email投訴！！！
冇回覆！！
其實真實嘅SHK唔係想像中咁好
但佢地marketing team 好勁 又吹個口號 以心建家
新紅雞呢廿年都唔掂啊，D新樓外表好靚、內部間隔差到不得了，房間只可以夠打麻雀仲要斜角擺嘅，好多公共空間業權屬於它的但係唔想出錢圍修。停車場外判比「彎神」就不停加價
點止?商場去洗衣街嗰條輪椅升降台
最近壞了無人整
輪椅無法出入!!
密封天橋又無乜好逗留嘅，個個都係一路行㗎喇，慳錢係正常嘅，但基本維修都要有呱
Yes,搞商戶廁所。之後廁所有時候都好污糟。因為廁所阿姐減人手，有段時間見到有時候見唔到，佢哋的員工一個人做二、三個人嘅份量。有時候都會減鐘。所以廁所有時真係睇情況。聽聞新鴻基呢幾年都蝕錢
照計商場唔會蝕丫，keep住都有人租㗎，最多回本期長啲，好景就追得返啦，真係諗唔明