📌 早上聽商台志雲大師,
共 61 條紀錄
早上聽商台志雲大師,訪問大埔火災災民上樓單位摞返物件,
女災民說... 上回聽義工去我住的單位看過同我講,我住的單位, 火燒不嚴重, 義工說單位內的手機, 財物..證件..家俬等等..都完好..若4 個人上3 小時根本拿唔晒想摞的嘢..因為我要重新再安家.几十歲退休人士唔想樣樣都買過....
主持人問:咁你想返去摞乜嘢..
女災民啞口無言...久良才講一句令人心酸的話:
全屋是我兩公婆40 年的積蓄建成的家..我都唔知自己摞乜嘢..
要經批準人入自己的屋企好荒謬
仲要限3 小時執嘢落樓,仲ON 9
住3 樓上落 2 次都仲好,
住30 樓上落都趕唔切.
若有個仔幫手就快手啲,
2 個都60-70 歲長者,
又點3 小時趕得切落樓
婆仔用咗 5 小時才落到10 樓
你唔俾婆仔落地下呀?
其實到底係咩原因，令到政府咁唔想比居民返去？係咪上到去會比人睇到原來好多單位都比人偷左野呢？？
仲有一點我再憎陰謀論都不得不諗咁樣諗，舊年由年頭開始話金屬棚會慢慢取代竹棚開始，就無啦啦一連串同竹棚有關嘅火警「意外」，直到宏福苑之後就忽然間無曬同類「意外」。時間上係咪真係可以咁巧合呢？
嗱利申，我好撚憎陰謀論，兼愛國愛港架~
其實政府冇設身處地為災民，災民大部分老人家好多6O歲以上，住高層上落樓梯都去咗1小時，三小時夠嗎？佢哋唔系跟團上酒店執行李呀？
系住咗幾十年嗰D珍貴家品呀！
要求三嗰鐘啲人太過分，冇同理心，同情心。
咁香港市民限你三個鐘重新再處理災民方案，三個鐘變三日如何
上面d人真係好無同埋心！ 自己住左咁耐既屋企搞到咁，而家可以上番去，唔通只係拎完野速去速回咩？ 唔可以俾人係自己屋企喊下發洩下沉澱下咩？ 諗得出三個鐘果個真係好冷血，呢d情況就算係三日都未必夠，特別係有家人過世果d
仲有係,
災民上去仲有一樣係同自己建立的家園告永別呀..
呢個係災民最最心痛的.點可能話看一眼就走?
你地唔洗再講啦，當初自己投下民建聯一票，既然自己對建制派咁有信心，唔該就跟著政府步伐走，唔好俾意見，其他人唔好多口
仲記得未發生事之前，佢地話相信民建聯可以為佢哋社區帶來改變，咁我哋其他人出咩聲？
認真 — 有人想disassociate 災民同佢地既財產同捐款，令到佢地對失去習以為常，對佢地既災後支持由責任變成nice to have，然後當權者淡出視線由得災民「自食其力」，捐款就後不透明咁袋袋平安
典型既強國災後處理
間屋我由幼稚園K1住到2025年大火當日，佢比3個鍾行樓梯上樓落樓，真係乜都拎唔到，純道別影相留個念…📸😭我屋企試過裝修，由宏盛閣搬去盛昌閣，事前入好晒箱，用板車自己搭電梯搬過隔離座都唔止3個鍾啦。
講真好多災民都係老弱
無左電加上環境惡劣 行樓梯上落都唔易
咪先比居民首次想去攞重要嘢
然後可搵搬屋公司協助咪好
政府出埋錢搵搬屋公司攪成件事咪又有效率又好睇囉
宜家安排咁匆忙，唔太好睇啊
Ridiculous，得三個鐘咁苛刻！有啲災民仲想祭拜緬懷一下都唔夠時間，何況仲要執埋嘢，係米怕人地執執下搵到啲其他野？
同點解只可以進出一次？身有屎？怕惹麻煩？
乜都一刀切，一言堂。心酸😔⋯⋯
真係好心酸，賣樓都唔包入面財物，俾居民拎返哂好合理。
特別係唔嚴重座數，得一個單位燒咗，就全座樓要咁樣埋單，真係好唔合理，日後係唔係係成座有一個單位火燭，按此先例咁樣收樓？
訂呢個政策的高官跟本就覺得大部份都燒曬架啦！無野好執...純比大家上去懷緬下...幾個鐘咩都夠啦！
但實情係大部份奇實無波及到...只有少部份燒到通曬頂......3個鐘要人斷捨離完全離曬地
其實義工同仵工上去找屍體時就逐個單位睇過晒架,
因此知道每個單位的災后情況,
正如打電話上電台個女災民講,
係義工話佢知佢個單位入面的狀況,
並詳細講得出證件, 財物都完好架...
唉..希望災民多啲時間,
可以上樓取回自己40年積下的財物,
好涼薄。我最近返香港娘家清一個書櫃，3/4 拎去捐，每次攞一大袋我都行咗七八轉，剩低的分咗一半要攞出去掉，另一半攞去郵局寄返澳洲，都搞咗我三日。有冇可能只俾居民三個鐘執嘢？
但有啲情況好唔同,
好似葉生咁,兩夫妻共同生活在單位,
葉太不幸在火災中遇難,剩返葉生,
佢點知太太生前的東西放開邊度?
咁未要時間慢慢睇睇,
睇啲野放邊度囉..
得3 小時又點夠?
唉...
幢幢樓損毀情況都唔同, 根本一刀切嘅安排就有病~~
比個長遠少少嘅方案, 講清楚之後會點先, 3個月後定半年後再上樓??
等居民有預算先啦!!!
而且之後夏天酷熱天氣更加難上樓執嘢.........
點止呀.
你住2 樓同住.20 樓用的時間一樣嗎?
你有個仔幫手好啲,
得一個長者自己搬有無困難呢?
真係好嬲
行樓梯唔洗時間嘅
拎住重嘢落樓梯又難又辛苦
仲好危險
冇電嘅情況下差返去拎野
又係難度
叫果個話4個人等如12個鐘嘅人
帶頭示範一次比大家睇
點樣斷捨離呀😡
樓梯在救火時淋濕晒,隨雜物沖落黎,
若無清理過,長者行樓梯都要好小心.
講到間屋變咗政府物業咁，間屋係災民嘅「家」，係「家」呀，所有野都係災民架，唔係入超市玩1分鐘任攞呀！
幾十年回憶同財產，得3個鐘去道別執拾，係無人性嘅安排呀
今朝聽先知，原來只可以上去攞一次。
有個聽眾講，咁即係話肯定將所有搬得到嘅嘢都搬走。搬唔到嘅，望住嗰種被迫斷捨離，想像得到各種因由產生嘅情緒根本處理唔到
我有同事係災民
據佢講，燒到total loss 的單位唔係咁多，好多單位，包括佢果個，仲係非常完好，甚至有啲連薰黑都冇
得三個鐘頭要人只執貴重物品，有啲冷血
對於間屋冇被大火波及嘅居民，佢地嘅境況根本只係「隔離屋火燭」，宜家要人地放棄自己間屋，我知冇完美解決方案，但係咪應該唔好一刀切機械式處理？
唉.……我想問那些人係唔係大公司的中/高層管理層，被人辭退後拎住個箱，限時限量限質既執拾性質？如果係!……當我冇出個這個回應。🤦♂️
其實三個鐘真係唔好意思講出口
自己搬一次屋淨係執玩具都唔知有幾多個三個鐘...
真係唯一希望除左4個家人之外計埋我叫做多對手盡量幫手啦
3小時点執呀，佢家下比12大漢幫手pack？. 仲未計惡劣環境搬樓梯呀，咁多單位同時做，真係cls到一個點
成班腸粉咁都拍板？？？？？？？？
設身處地 將心比己
自己屋企嘅所有嘢都會想攞返
那怕係半張紙什至一粒燒淨嘅物品
有屋企人離世嘅話仲更加難捨
真係好L79仆街先唔理解
俾得3個鐘去執貴重物品，咁唔通餘下嘅之後全部運去堆填區棄置？簡直荒謬絕倫。
好明顯定政策之前完全冇成個長遠big picture 去考慮。
太荒謬，自己屋企都要限制先可返去攞野已經太過份，仲只得3小時，好懷疑諗呢方案既人係抱住咩心態去定…
同理心和人性去左邊？
好似未見有任何一位議員（行政會，立法會，區議員）都好，在這個3小時安排上出聲…抑或我自己遺忘了有議員出過聲？
首先步行上樓，再睇物品，之後搬落樓，係帶著哀痛、不捨。我哋旁人都覺得心痛，點解班xxx, 沒有感覺？！
居民最后仲要同自己居住几十年的家園永遠告別..一定是心中說不出的痛😭.
可以執幾耐唔講住，政府係咪要主動請搬屋公司幫手？ 叫一個後生仔搬一箱嘢由三十樓到地下都攪唔掂啦
聽說志雲大師是撐政府的，不如你說服志雲大師去說服政府，讓災民可以至少有一個星期的時間去收拾吧
志雲大師的節目係點大家知.
我只係一個聽眾,
我有也本事說服志雲大師?😅
只因今日聽到大埔火災女災民
打電話到電台申訴.
覺得佢地慘情.
因此把女災民的話貼出黎.
讓網民得知多啲災民的苦況啫.
建議嘗試打電話到電台表達你的想法，希望幫到宏福苑災民
如果大部份財物仲喺度嘅話，搬一次屋，正常點都要執幾日
3個鐘執到啲咩呢？
仲未計住高層冇lift搭
應該安排搬屋公司幫手。居民可帶走輕便和貴重財物。其它放入纸箱，加上封條，然後搬屋公司幫走。
都真係好想問一句：間屋（有冇燒過都好）係依家呢一刻法律上係屬於邊個？係政府嘅咩？唔係吧！
理解似係:
各個業主都無簽任何文件,
呢一刻間屋應該仍係業主
但就無權自由出入.
出入都要經批準,
無形中,失去出入自己屋的權利就好清楚.
試下換做你某日突然無得返屋企，隔幾個月後比你返一次三小時，可能永遠無得再見，有幾多人做到
宏福苑啲𨋢係中間，其實得一兩個單位燒過嗰幾楝，𨋢應該都唔會有大問題，點解唔開俾居民用
我都唔明，點解唔可以俾多一日半日人搬野，我搬屋都要搬三日。搬野你要pack好，好花時間的。
1950年石硤尾大火 港英政府可以做到咁
https://zh.wikipedia.org/wiki/%E7%9F%B3%E7%A1%A4%E5%B0%BE%E5%A4%A7%E7%81%AB
無端端俾人逼你搬屋但得3小時
一般人搬都執成個星期，何況一世人嘅嘢要被逼遺棄
真係CLS政府
真係CLS! 3個鐘執得啲乜嘢？ 仲好似皇恩浩蕩咁：「嗱！依家豪3個鐘俾你！要就要唔要就罷！」
即係咁
平時搬屋都搬一日啦
點解住左40年既家
可以叫人3個鐘執完
斷捨離唔係依個情況用囉！
仲有啲個別情況..
有個阿叔的太太,
係呢次火災中周圍拍門叫人走,
自己葬身火海,
家中有啲嘢係太太先知放邊度,
宜家阿叔上樓,都要周圍慢慢睇睇,
太太生前的嘢放邊度.
3 小時點夠時間睇?
上面係無電燈照明架喎..唉..
冇人性的安排, 叫條仆街3小時上落二三十層樓梯搬一屋的東西, 可以嗎？正L樣 不得好死的！
其實冇電梯，只可以攞輕巧物件吧？唔通搬電視雪櫃洗衣機落樓？搵師傅都唔會幫你搬。
一個災民俾咗十几萬維修, 宜家無咗間屋, 搬去新地方住, 要買雪櫃,洗衣機, 家電一定要使好多錢, 所以若家中家電器無被燒,可以的話都想把電器帶走.但三小時又係長者點做到,估計為有放棄..唉...無人幫到佢地..
政府嘅諗法係，你應該已經move on 有新生活，返去淨係拎有紀念性嘅嘢，而唔係乜都拎走。
數據師都破唔到案
點解啲人好哋哋
係都要揀做閹人
同埋係俾全世界詛咒嘅閹人 🤔🤔🤔
仆你個街！就算揾搬屋公司乜都唔諗咁去pack三個鐘都pack唔晒⋯⋯俾足一個係咪會死？
真係唔明，點解只有三個鐘攞野？係危樓有危險？
應該9am - 6pm, 幾個日子開放俾災民
如果局長聽倒，真係情可以堪，自己爲天才，其實佢嘅諗法同白痴又有甚麼分别！
人哋間屋住咗幾廿年，半世人時間都係果度過，有感情架！ 唔係好似佢哋咁冷血