早排咳，入院檢查，使咗4萬5+，份十九保險claim得嗰2萬6+，我自己要貼成萬九！剩檢查之後冇事都咁，大吉利是份保險更加冇用啦，谷九氣聽日去cut！唔會再買，冇事就冇事，有事大不了死！
今日去問，佢話我唔係必要，原因係我星期一門診，星期五先入院，點解四日後先入，我認為唔合理，仲拗緊數
你係自己要申請入院檢查？定係醫生需要你入院檢查？
入院前你冇打俾Agent問吓咩？
Agent有冇定時話俾你聽你嘅保險包幾多嘢啊？
要cut? 悉隨尊便。 不過唔好慫恿其他人唔買保險或者cut咗份保險。
1. 睇清楚份單包咩，好多舊式基本醫療都比較容易爆額，唔係真係唔保，而係限額太低。
2. 自己填form定係搵agent幫？有時醫生報告寫法唔符合保單條款，或者做咗啲檢查唔係必需，都會令到保險公司唔批足。
3. 唔好急住cut份保險，因為cut咗之後未必買得返。最怕就係病又病唔死，但拖住拖住好辛苦。反而建議review下自己啲保單，睇下點樣優化保障，到時再決定cut唔cut可能仲實際。
我太太份保險都係，做大手術私家話要50萬，預批得22萬，之後去左公家做，份保險真係能吊
只係賠到6成？介唔介意share settlement statement睇下係咩項目唔賠？
我兩皮野買部車，早2日參加GT3，連200km/h都上唔到，谷九氣聽日賣左佢！唔出街就唔出街，要出街就行路🤡
有時唔係d保險賠唔足, 係有D私家醫生無醫德貪得緊要
你去檢查就岩啦, 好多保險細項都有max, 佢要你做多幾樣你唔知關唔關事既.爆左max就梗係你自己出.你都係搵番張帳單明細睇下
正正系因為你入院只是做檢查～結果又無事。甘保險公司咪覺得你只是“身體檢查”…再加上你應該買左限額嘅普通醫療，今次入院費用基本上計入雜費果項爆左，咪自己俾多d。
賠唔足？真係罪大惡極喎！有冇拎住份保單上去金管局投訴？定係話你買嘅時候根本冇睇清楚保障範圍同內容？
保障不足，私家醫院🏥檢查做做左多👈，是使凸左，最基本計畫都是2萬幾封頂。 Cut 左就要full 俾.
自己入去檢查 非醫療所需預左claim唔足 下次應該問agent 先 再安排網絡醫生
呢個叫「保險通脹」，起因係比班私家醫生單單claim爆，保險公司只有年年加價，私家醫生亦都係年年加收費。病人只有跟住加保，否則越嚟越賠唔足。問題係自願醫保班病人，工資加幅跟唔上，另一出路係返深圳醫
所以客人買完之後，每個保單週年日我都會同佢remind下佢自己買咗啲乜，睇嚟你個agent冇咁同你做
我估你係應該買咗好多細項嗰啲保險，每一個細項都有限額 而不是全數保障，有啲醫療化驗嗰一項只係得一萬蚊，真係得啖笑，攝牙罅都未夠
都幾多人買時無認真了解下自己買咗乜保險，到索償個時就鬧
Ching打機都要了解遊戲規則
唔係課左金就得
唔知你係唔信agent/定係agent信唔過
咁梗係過唔到關啦
你買咗啲乜嘢啊？咁樣睇似係普通自願醫保最平嗰隻
🙏🏻明白你好谷氣既，但都可以review一下保單先
如果你公司無醫療保，唔可以俾你claim兩邊，咁自己果份真係要買大啲。
其實一般自願醫保都可以加一個額外附加保障，超額部分claim8成，咁都幫到唔少。只係加好少錢
agent有冇叫你轉高端醫療？自己買咩plan 先？
你份會唔會係廿年前嗰啲保險？十幾廿年前啲額好細咋喎，點都唔到今時今日用