📌 旺角Sxx Hxxx
共 60 條紀錄
旺角Sxx Hxxx Dxxx 寵物黑店
1. 寵物年齡不符
買狗仔嘅時候舖頭話6個月大，但去睇獸醫之後check話根本冇可能係6個月，因為啲牙仲係BB牙，最多得3-4個月
2. 狗房咳
狗仔返屋企之後係咁咳，send俾寵物店睇，居然話係怕凍，唔適應新環境，話俾暖水袋佢就得。好彩我照帶狗仔去睇醫生，醫生一睇就話狗房咳，再遲啲睇仲可能會肺炎。
3. 錯誤資訊
狗仔實際3個月大，佢建議每餐餵半匙羹狗糧，一日餵3餐，之後一帶去睇醫生，話狗仔太瘦+營養不良，根本唔可以餵咁少，如果低血糖甚至有生命危險。而家諗返嗰陣狗仔每次食野都好快，可能根本唔只係為食，而係真係餓咗好耐。
4. 綑綁銷售
買寵物要一次過買幾蚊嘅寵物用品，包括狗籠，水樽，碗，1包零食，一大堆supplement（俾獸醫睇話無用），5包狗糧（$500一包2kg）。我第一次養狗，佢講到狗狗只肯食佢哋呢個牌子，而且唔喺度買就唔包180日售後保障，就咁俾佢水鳩咗
希望所有想養寵物嘅人都唔好再俾錢呢啲on9寵物黑店賺，經一事長一智，以後要領養代替購買🙏🏻
我係呢間嘢返過工，當時入世未深以後係寵物店返工對住啲貓狗好開心😀入到去做發現極黑暗，呢間嘢個老闆完全冇良心，對staff對動物都係！
1. 啲狗仔係狗場返尼，有啲係冇針卡冇晶片，好啲嘅就攞去比獸醫打，唔好嘅就我地啲staff自己幫隻狗打晶片同針，然後啲針卡出世日期全部自己作上去，有啲針卡直情係假嘅，根本冇打過第一針。
2.啲動物病左係唔會帶佢地去睇醫生，全部都係食成藥，基本上10隻有7隻都係病食緊藥。如果好嚴重就唔會放佢出尼賣，收埋係倉，嘢都唔肯食就staff幫佢打皮下水同維他命，最後真係死左會用垃圾袋包住就攞去垃圾房掉。
3.有時啲狗最細得個半月大，但全部狗都係得一日2餐，仲要得好少份量，因為濕鳩老細話食得多屙得好怕麻煩又嘥糧，真係餓到頂唔順個啲先會中間餵多一餐，所以好多狗都營養不良。
4. 係佢到買嘅貨全部都係垃圾，仲要貴出面幾倍，一見到新手養狗啲staff為左跑數就要狂sell，試過有個staff淨係sell 啲客買套票貨都$7萬，因為呢間公司跑數係超大壓力，如果唔到數係$1佣金都唔會出，只有底薪，我個陣做到甩頭髮，真係本身好鍾意小動物都會磨滅對佢哋嘅愛。
成條金魚街都係㗎啦
我之前喺隔離petfortune買咗隻貓
成身貓癬又甩毛 帶佢俾獸醫睇話係免疫力不足加營養不良
後尾聽人講呢間嘢成日爆貓瘟 啲狗又有腸炎 真係唔好幫襯
真係唔好再喺寵物店買寵物 都係黑店嚟😭😭
一堆病貓病狗 又迫你買垃圾糧垃圾補充品
我第一份工喺呢度做 嗰度起碼有兩間唔同名嘅分店 啲動物會調嚟調去 記得嗰陣有客帶隻狗嚟打最後一針 去之前話隻狗成日fing頭話幫手問下醫生 去到醫生話可能係腦有事 返到去同返主人講個店長就叫我唔好直接同個客講 要同佢講咗先睇下點同個客講 最後做咗冇一個禮拜就冇做了😮💨真係唔好再入職/幫襯寵物店😮💨
我都喺度返過工，之前有隻柴咬損咗一個員工個鼻收工落閘之後打到佢仆街打撚到屎尿失禁嚇撚到我，對員工勁撚刻薄一開始要$300買佢嗰張員工卡未做夠三個月唔俾退，老細架車泊喺門口，你要不停幫佢入錶冇入到抄牌入你數，成日OT兩三個鐘冇 OT錢，啲產品過期又係入你數，同埋佢嗰啲咁嘅狗糧貓糧都唔知咩牌子淨係知佢嗰個咁嘅藍色凍乾零食。係大陸嘢自己整埋啲唔知韓文定日文嘅包裝紙自己包裝🌚
其實點解仲要買？
好多又健康又靚嘅狗狗都等緊人領養
其實成日話買狗就係幫兇，有無諗過香港領養門檻真係高得離譜？又要查家宅、又要全家面試、又要屋企長期有人，對好多想養狗嘅新手或者返工一族嚟講，真係未必符合到要求。
領養唔到，但又真心想搵隻合眼緣嘅狗狗做伴，好多人唯有選擇去買。買狗本身唔代表唔愛狗，或者想助長歪風。
真正嘅問題係源頭監管唔夠，政府應該加強執法去巡查啲寵物店同繁殖場，確保動物健康同來源透明。如果制度做得好，根本就唔會有人咁容易誤入黑店中招。與其一味道德綁架買家，不如正視領養門檻同行業監管嘅現實問題仲好。
我上年都係，係pets co買，返咗去第四日已經咳到唔停，問返間舖頭搭嘅嘢同你講嘅一樣，話咩凍親呀叫我哋唔好開冷氣呀唔好吹住佢，觀察多幾日之後發覺唔對路帶去診所睇，醫生話佢係肺炎，同返寵物舖講佢話一係就俾返隻狗佢，佢俾返原價我哋或者可以揀嗰隻新，我地選擇自己俾錢去醫好佢，醫咗幾萬蚊先醫到變翻健康夠，後尾上網聽人講其實寵物舖比嘅資料可能所有嘢都係假，例如出生日期
早兩個禮拜我都喺呢間度買過狗，第一晚返到屋企佢就咳，仲要係咁搲痕，摸落又有啲瘦食飯又食得快，即刻知道中咗伏。佢又係水我每餐俾一匙半糧，我見隻狗食得又快，又好似成世未食過飯咁，我第二餐直接比3匙佢，佢照樣食得晒真係好陰公。
第二日即刻book咗帶佢去睇醫生，開咗啲抗生素驗咗一堆嘢，同返個舖頭講，佢又係話我哋凍親佢同埋又話冇沖涼所以咁痕，點知過一排見到佢成身牛蜱，又唔知有冇疥癬蟲，好彩一早帶佢去睇醫生
哇😟希望無事 健健康康🙌🏻 我隻狗嗰陣又係超瘦，問佢點解食野咁快佢仲話係為食😅😅
我隻柴都係佢度買，當日唔識野
狗籠2xxx
狗糧勺 80
10 定11 kg 狗糧 X 10包，每包大概$1000，買10包有九折，話係一年份糧，最尾食到3歲
600g topping x 20 包（2隻味，話當埋零食） ，每包六百幾蚊，又係話九折
尿墊呀，好似$100，買咗3包
仲有碗、梳（呢個最離譜，我話連Barbie 啲頭髮都梳唔到，膠到一個點）….
淨係呢堆已經兩萬幾😏😏
我都係俾佢水咗買成萬幾蚊嘢，之後search返都係淘寶嘢，淘寶嘢都算啦，使唔使貴成幾倍，真係睇中新手冇經驗當水魚咁劏….
淘寶野我都算
最慘係迫咗我隻狗食咗應該有2年佢唔鍾意食嗰款狗糧，完全搵唔到有一間寵物用品店賣嗰個牌子嘅狗糧，又冇得轉牌子。好彩後尾佢話唔再做嗰個牌子，俾我轉Canagan ，即刻啲狗糧都食快咗。
我第一隻狗就係呢間買 ，原本話迷你size 點知係標準size 😂 返黎氣管唔好 睇左幾次醫生，佢啲用品埋單萬幾蚊，返到屋企用左2個星期，全部野同佢轉哂，依家2歲半 健康，不過勝利道樂高 係幾好 我第二隻係日本有哂所以證書，返黎無病無痛 無肚痾過
我個frd第一次買狗係果到，乜都唔識
比果到d staff sell唔同既垃圾 e.g $498既梳，無牌子既罐頭（聲稱狗狗一出世到而家都食緊，唔可以亂咁轉），教佢定點柯尿支野（唔係一支，係一pack 6支），最後買d用品用左成2萬蚊 仲貴過本身隻狗個價錢。
佢地就係專針住第一次養狗既人，因為未養過既新手主人唔知究竟有咩用品真係需要或者適合狗狗，無良至極
Adopt don’t shop！ 
唔係想企喺度德高地，但係喺寵物店買到病狗，係每日都發生緊嘅事，咁就會知道呢個行業幾咁仆街。
唔只有BB狗病，背後仲有好多永世困籠、生病、被打藥、冇用時被拋棄嘅配種狗。
仲買狗嘅，真係同幫兇冇分別！
千祈唔好聽佢話Bb狗食開唔好轉而講買佢啲罐頭，啲罐頭油到仆街一啲都唔岩bb狗食。
我買隻柴b個陣話有血統書等3個月之後去拎，到我再打電話去個陣佢話呢隻狗特價所以無血統書，如果想要返要比三千幾蚊，佢地講完啲嘢都唔係真架，真係唔好信🥲
佢地啲罐頭又真係特別多油，仲要一次過買咗十幾罐，之後出面買過其他係無咁誇張
Touchwood... 我隻細柴返到屋企都算健康，係當日比佢叫買左一包垃圾羊味狗糧，hktvmall 賣1xx，佢賣5xx... 當破財擋災，最緊要柴柴身體健康🤦♀️
我第一隻柴都係呢間買 無幾日就死咗 狗仔返到嚟第二日已經肚屙 佢叫我試下停水停糧俾佢 第3日都仲係柯水好無精神 之後佢就話接返去舖頭俾佢哋試吓湊吓 湊湊下就同我講試吓俾返狗場個主人 帶返去俾佢睇吓咩情況 跟住就話幫隻狗仔打皮下水 但隻狗仔情況都冇好轉過 之後過多兩日仲死鳩埋😑 話不如換過第二隻俾我算啦 隻狗仔走咗之後 我連條屍體都睇唔撚到 見都唔撚俾見 之後過多排 就返去換咗第二隻狗仔 托賴🙏🏻好彩呢隻冇病冇痛😪
要買唔好去旺角啲寵物店！其實去元朗啲狗場真係仲有保證,我狗狗喺張記狗場而家差唔多十歲睇醫生只係兩次,希望一路都可以健康落去
但係小心領養啲垃圾義工要你畀錢就千祈唔好！擺明係呃人錢！領養正常梗係唔使錢㗎啦,除非你真係自願捐錢,,同埋領養狗好多都中招,,就係領養完返去一樣係有病醫咗十萬八萬
😨咁我算好彩，年半前買咗隻比熊bb健健康康，又無咩點俾佢水買野，淨係買咗包糧
出晒名衰 前身都係衰 有需要我聯絡我
54814646
我隻狗都係嗰度買，當初講到明係柴犬，點知越大越唔似 成隻狼狗咁 仲要買返去嗰陣又咳又鼻水 醫藥費都曬唔少 買嗰陣仲話買naxos嗰隻狗糧 比佢呃左我買成8kg 仲話食野餵半勺子 但根本隻狗餓到pk 最後我索性跟自己嗰套養 每日整鮮食+nature signature狗糧 而家健健康康肥嘟嘟 利申返過佢隔離分店galaxy pet 做死狗咁 隻狗有蝨都照買兼要隱瞞 真係好過分
我兩隻都係呢間買，第一隻買咗好多嘢返去，第二隻就咁捧住走，一包狗糧都冇買☺️過隔離買咗包RC係咁多，現在兩歲三歲，托賴
我兩隻狗都係呢間買 🥲邊牧2個月返尼 狗房咳 之後又係話凍親 跟住傳染晒俾兩隻大嘅同啲貓 
唔該係google map果d留埋評，唔好再比呢d黑心鋪害左d動物
香港d寵物鋪真係長做長有🌚
好多人見得意就買左，真係愛寵物就諗真d先
買狗本身就係助長殘忍嘅繁殖業來滿足自己嘅情緒價值。
金魚街啲狗鋪咁多年都係咁
上網一search大把人都買到病狗
東張都報過啦
點解仲會買，助長晒佢哋
仲愈開愈多🤦♀️
我之前都係隔離pxx fortxxx 買左隻狗，屌都未夠一個禮拜就狗腸炎死左，叫佢退錢wts又唔撚覆正一黑店，問番隔離d鋪頭先知佢已經好多隻係甘
門口個帶眼鏡死肥仔正一仆街
呢間野專門賣病貓病狗
啲狗9成都冇黃紙 啲貓睇落又污糟又唔精神
雖然領養麻煩，
但係買狗風險都大，
好多賣狗只求賺錢，
你一抱上手已中伏一大半
點解。。點解。。個個都話唔聽！10隻有9隻喺寵物店買嘅返嚟都病，預咗要用錢去醫。甚至醫唔好，買咗就負責任啦唔該！
我隻狗都喺呢到買
嗰陣隻狗勁瘦 摸到骨之餘 返到屋企仲係咁肚屙
同佢睇咗好多次醫生 除咗肚屙 醫生仲話佢牙肉白 貧血
之後餐餐煮菠菜 紅肉 紅蘿蔔 食鐵丸食supplements食咗一排先好返
好記得帶佢走嗰陣個sales仲同我講唔使餵咁多嘢比隻狗食 一日一隻不鏽鋼湯羹就夠 食撚屎啦佢真係🙏🏻
所以我好多時都叫朋友如果買咗啲貓狗返去，唔好急於同佢哋滴殺蚤水，因為會有黑店為求出貨，售賣不足兩個月貓狗BB，而所有天然或者有藥成份都必須要至少2個月年齡以上先可以滴。佢哋嘅肝功能未能完全代謝，嗰啲殺蚤、驅蚤產品對佢哋有傷害。
如果真係買咗貓狗B返去，麻煩隔一個月先至好同佢哋用呢啲殺蚤，驅蚤產品。請好好咁保護小生命。
養狗前你就自己做多啲research啦，間舖就一定仆街冚家剷架啦，但你都唔好得幾多啦
一日餵三餐每餐餵半匙羹狗糧，你用下你個屎忽腦諗下都知唔夠啦屌你老母
而家奶撚晒野就講句領養代替購買，真係人唔笑狗都吠
香港嗰啲玻璃櫥窗寵物店不嬲嗰啲做事手法都係咁黑暗㗎啦 喺香港啲非法狗場或者其他地方運返嚟 係咁打針迫佢哋嘅爹哋媽咪瘋狂交配搞到甩晒牙同埋全部子宮含膿生晒癌症 然之後就就咁擺喺街 由得佢自生自滅 其實好多人幫襯嗰啲寵物店變相都做咗幫兇 不過有時不知者不罪 知道咗就以後都唔好再去幫襯 一係就俾多啲錢出去外邊有保障同埋真正專業有良心嘅繁殖家嗰度購買 一係就去領養 最好自己出去幫義工手 一心一腳仆埋條命救返嚟咁嗰隻狗仔／貓仔仔就一定仲更加同你會好感情 你會仲更加錫佢珍惜佢 你知道佢以前嘅身世就肯定會比更加多嘅愛佢 
前線拯救貓狗嘅過程係好危險同埋好辛苦 冇做過嘅人係唔會明
唉嗰陣無諗咁多😢😢淨係好想養寵物 其實黑店呃人錢銀都事小 但一諗到啲寵物之前喺舖頭唔知點樣俾人對待就好心痛😫
唔緊要嘅 每個人都有啲唔知嘅嘢 所以我啱啱都講咗句不知者不罪 知道咗都去幫襯咁就真係做幫兇 無論睇寵物店嗰隻狗仔或者佢哋嘅爹哋媽咪好肯定唔會得到好嘅對待 如果係玻璃櫥窗嗰隻狗慢慢越嚟越大 可能又唔係好靚仔靚女嘅話變咗冇人買的話 佢就會做返佢爹哋嘅角色 俾人掉返去狗場繼續打啲所謂扯旗針嘅液體落去 咁佢就會不斷屈起個背脊 弓起晒成個背 永遠淨係識得前後前後呢個姿勢 之後全身 仲有四肢嘅骨就會變形 詳情你上網睇多啲 唔好覺得好得人驚好慘好恐怖 係真係要特登去搵多啲呢啲資訊嚟睇 唔好怕 怕嘅話就唔會知道個真相係點 我以前睇到都好震驚 放心 呢個係正常人嘅感覺 咁多年以嚟夠唔少俾人掉咗出嚟嘅媽咪 俗稱種母 或者狗乸 全部乳頭長期垂晒落嚟 全部都係腫瘤同埋好多汁咇出嚟 好撚冇人性㗎啲人 大陸嗰邊就仲撚更加仆街 仲冇人性過香港嗰啲仆街