明明出街時見到銀包有兩張五百
個銀包放喺袋到 食飯嘅時候去廁所就比左個袋男朋友睇住
我好肯定我冇用過 冇記錯
之後返到屋企個銀包剩返一張五百 我即刻wts佢問佢有冇拎到 佢話冇 仲好緊張打黎問我咩事 我話唔見左五百 佢叫我唔好唔開心 佢話佢過返五百比我啦 之後仲傾左一個鐘電話 研究點解唔見 點樣預防

大家覺得佢有冇偷

有心偷的話喺你問佢嗰陣就會起曬槓，點會過500俾你？一定係為左唔想你唔開心先轉500俾你
認真你放生你男朋友啦
拍左一年拖都完全無信任基礎
你男朋友本質係咩人你自己唔清楚？

你下次同佢講唔見咗$1000
佢就會覆你話「冇理由㗎喎，我淨係偷咗$500咋」

一
定
有

呢啲情況 我都係會懷疑自己記錯/跌左
除非真係好確定
唔想貿貿然懷疑人

偷完過返比你😂 目的係？ 要偷既 老西都唔比返你啦

果時同老公同居冇耐，佢放左8000蚊係屋企櫃桶之後唔見左，同住既得我；另外只有一個佢用左好耐既鐘點上過屋企，一個月上屋企清潔一次，個鐘點有幫佢家姐清潔仲好熟！
已經過左十幾年我到而家都想知8000去左邊，自己拎左都冇咁嬲！😂

今次只可以硬食，但日久見人心

冇做過又點會過錢比你？ 下次試下10張100元影相📸

就咁睇就唔覺得係你男朋友偷
如果係佢偷 點會咁順攤過返$500俾你
佢大可以同你一齊扮晒唔知發生咩事安慰你就算
不過既然你都已經會懷疑你男朋友
證明你哋都冇咗信任 好難再行落去

建議分手，冇信任嘅關係，兩個都辛苦

睇曬你啲回應
你男朋友每次出街都會幫你畀曬
你話無錢又會即刻畀錢你用
佢又有咩原因要貪你$500？
而你同佢出街都唔使出錢嘅
你會唔會係根本記錯自己銀包有幾多錢？
不過講多無謂
你都認定咗係佢偷
根本就對佢不信任
就算最後係咪佢偷都好
都建議分手
對大家都好

你男朋友果底有幾差先會覺得係佢偷。 基本信任都唔過關，你哋點行落去？

從來有冇發生過呢類事情？個人唔主張冇確實證據底下懷疑對方，而且撇除到底係咪佢做，人一旦有咗先入為主嘅思想，即使佢真係無辜，你根本都唔會相信佢。

捉賊要講證據，1）你根本冇證據，2）你已經認定係男朋友偷，3）又唔分手，之後有嘢唔見就會認定係男朋友偷，攞嚟搞

你下次再試下佢
記住自己擺咗幾多錢 睇下佢會唔會再偷
如果再偷 就應該要分手喇
女朋友嘅錢都偷
咁嘅男仔都唔要得啦

我EX仲勁，襯我沖涼，拎我張實體八達通，啪佢個八達通APP轉左我張卡嘅385蚊。仲要我睇到email顯示我張八達通連結綁定已失效定乜，我同佢講吾知點解我張八達通解除綁定app 佢先承認係佢轉走左。仲有一次我銀包有兩張500，第二日返工打開銀包發現好似係晤見左，問佢佢先話「已經準備跪地雙手奉還」。我真系無語，吾同兩個人拍拖真系需要做d咁偷雞摸狗嘅嘢先睇清個人品？

其寶過錢比對方真係純粹想息事寧人，應該要讚男仔EQ高。掉轉你條仔唔見咗個$500嘅鬚刨，佢好唔開心。你買返一個俾佢一樣，我估你條仔收到之後唔會覺得你偷咗啩？

首先你自己有冇失憶症狀先

咁其實估你地出街都唔係佢比晒啦 。如果佢日日出街都比晒 例如成日食飯800-1000 都佢比 你自然唔會懷疑佢。 我推算岩嗎 。你懷疑得 佢都係小器之人 。正如你唔會懷疑李生一樣。😜

既然佢有心偷你點解又要過返比你

直覺係
1.佢偷
2. 你睇錯自己銀包有兩張$500

係佢！

如果你地平時出街佢俾晒，你平時話無錢用，佢又會過錢俾你，咁佢又唔似會攞你錢

但佢過返$俾你，似冇
平時佢會唔會咁容易俾$？

下次放二張500記住銀紙号碼一分開立刻看銀包然後叫佢拿銀包畀你睇再對返個number

放過你條仔啦拍個拖都要懷疑自己條仔先而唔係諗自己係咪可能用左係其他地方🙏

你銀包都仲有一張五百，個賊都幾有職業道德🤣

放過個男人啦你
仲話比次機會佢
你唔好累人拜托

真實情況我以前男朋友 會偷我錢 但唔應！最後個次偷咗我三千幾蚊 個時啲錢係比我屋企人交老人院嘅費用….
條友仲要三十幾歲個時無業扮有嘢做添！
吊 諗起佢真係好想貼佢街招！
只係我唔想做犯法嘅事，錢唔見咗可以搵返！但呢啲仆街等天收！

過返比你是想你覺得佢好人又好愛你唔見咗佢都比你D舊屎橋

由你懷疑自己男朋友偷錢嗰刻開始，覺得已經可以分手

之前聽人講過偷野心理學
熟既人會唔偷哂
唔熟既先會有幾多拎幾多

如果你肯定完全冇拎過銀包出嚟一定係佢偷咗，你快啲睇下啲信用卡有冇唔見到，身分證？ 偷你現金未係最大獲，攞埋你身分證資料借錢先麻煩。
你再裝佢一次睇下再有冇唔見嘢，嚴重要報警呀。

日防夜防 今日破防

已見分手徵兆

會唔會自己記錯/佢拎咗嚟埋單？
如果信任已經產生懷疑呢段關係都……

一定係佢偷囉，如果其他人偷都偷晒你兩張啦，佢就咁諗住攞咗你一張唔會好明顯，又好似好好咁留返一張俾你，點知比你咁快發現咗。如果可以睇吓食飯餐廳有冇閉路電視可以睇返，我覺得呢個真相對你呢個關係嚟講好緊要。

我都試過類似經歷 . 我仲突登張2張5001齊對摺放銀包先至入屋 . 點知都係1個廁所手袋冇跟身就比fd 攞佐 . . 從此除非信得過既人如果唔係乜都跟身好 . . *其實買個有卡套既手機殼最方便 ~身份證銀行卡銀紙連手機1體過.. 機不離手 😆. 手袋再放多個散子包袋散子)

下一次無唔見，又同佢講，睇下會唔會再過比你

你們之間缺乏信任，他轉賬給你你都覺得只是他心虛，不建議這樣下去，對你同佢都是大禍

做我條女，我每月俾5萬蚊你，DM我

咁你以後個袋唔好比佢拎，費事一陣間有嘢唔見又諗係咪佢😂

兩公婆見鬼......唔係你(記錯) 就係佢。

我無現金
畀住我我之後過數畀你

如果真係佢偷，而佢又過返錢，佢機心好撚重

下次你試吓放幾張銀紙，影晒number 嘅
睇吓會唔會唔見，同埋會唔會喺佢銀包出現☺️

由細玩到大既bro 都會偷兄弟錢 更何況係男朋友🥱

唔覺得係你男朋友偷，要偷嘅點會咁順攤過返俾你

我中學嗰陣都俾個fd偷咗五百 如果唔fd都冇咁傷心 知道係佢偷嗰陣真係好唔開心😵‍💫

好一段500蚊都唔值既愛情故事 🤣

Stole