昨晚仍有街坊/熟客問我點解唔做，不如再諗吓繼續做，今日再受到食環署幫辦如此對待，已印證我哋公司決定係正確，可能，人人和平堡壘街店會比原定更早關閉。

下午兩點零，當我哋同事仲做緊午市嘅時候，食環署幫辦到場巡查，喺度做咗五年嘅店長今次感到讚嘆，發訊息通知我說「食環巡舖，好似檢查製毒工場咁，好仔細」大家可睇對話截圖。

半個鐘後，我返到店，盡責的幫辦仲喺度，並表示要檢控我哋餐廳，帶我再巡查一次逐樣講，連近天花板的牆身有裂痕、牆角煤氣喉管及水管表面氧化及積聚污跡都講，超死角位佢踎低用電筒照，話爐頭旁邊的不鏽鋼板有黑色漬，我認為係高溫火焰燻黑（因為兩撻黑色正正喺兩個爐頭旁邊），幫辦話係陳年油漬。

我哋嘅大廚話酒店廚房都未必有阿Sir要求咁乾淨，又問阿Sir陣間去邊間食肆巡查，好想跟去觀摩。我見同事有啲激動，嘗試緩和氣氛，開口讚幫辦非常盡責，連一啲唔係食環署管轄嘅findings佢都巨細無遺咁提醒，「如果個個政府部門人員好似你咁盡責，大埔場火災可能唔會咁嚴重。」然後，我向幫辦表示要開機錄音，並call律師到場。

幫辦走出廳面打電話，冇幾耐，先有另一名食環署幫辦到場，支援我哋嘅律師15分鐘到場，再過多陣，又有兩位幫辦到場，場面壯觀！我同長官們講「我call律師到場啫，大家唔使咁緊張嘅。」

還有一件事頗有趣，律師到場的時候向幫辦們出事佢律師樓嘅卡片，有位幫辦要求睇律師嘅律師證，呢位幫辦真係非常盡責，依法辦事！

剛才辦公室同事向我報告，另一位幫辦已經去咗對面 Gotthard Base完成巡查，並且說會提出檢控。

到現在5:10pm，我與律師仲陪緊認真的幫辦喺人人和平嘅廚房逐個位睇佢嘅發現，我仲未食午餐，好彩律師食咗。

幫辦不斷強調佢哋做嘢好公道，我梗係信啦，更希望食環署對全港食肆都一視同仁，同樣檢控，咁至係公道，個個公務員咁盡責，香港必定會更好！

— 腦細

宏福苑又唔見檢查得咁細緻既？
呢個政權既工作效率真係因人而異喎

倫敦見

如果宏福苑都咁盡責就好🥲

我地以前餐廳都未曾試驗得咁仔細，反而仲會溫馨提示要點做點做

人在做天在看

佢要搞事的時候， 就會好盡責。🙈

廚房好乾淨喎 師傅平時守門應該都好好

其實都可以投訴食環過份檢查影響營業，我今晚會幫手寫投訴，政府咁搞法根本唔想企業做生意
對家投訴時，其實我地都可以投訴

公道佢老母啦，我都做過飲野，知平時食環點做野，公道嘅有本事全港食肆都咁樣驗丫

因乜事被認真對待？

如果正苦部門個個都咁盡責 就唔會有宏福苑大火事件發生🥹
睇黎食環做得好好 可以試下in消防同ICAC☺️

有冇預約檢查，宏福苑果啲巡查全部都有預約果喎!

同個官講, 無預約唔可以呈堂?

今日輪住搞你哋、千之味、華爾登😞

加油！主必與你哋同行！

老實講你廚房算好乾淨。

辛苦哂，總有出路，去第二區再開！

心照

其實做食環果班係唔係唔會生細路，因為相信生左都100%養唔大

最好係嗰啲陸資食肆都做到幾位盡責食環幫辦嘅要求啦

其實我懷疑部份連鎖式快餐店也不會有這麼乾淨的櫃底

你無做錯有咩好驚啊🤣我以前做廚房，擺野食係櫃底見唔少，污糟到仆街，食環求求其都係當睇唔到，依家認真一次啫

冇得救啦！總有報應的。👿

正苦係都要揾食環搞有聲音嘅食店,書店

有無試過報東張，想知東張敢唔敢報？

咁認真 我讚成架
全香港 I mean係所有餐廳都要咁樣 check
有食牌就要check
然後就check兩round
睇下上一個幫辦有咩做得唔足
搵返個幫辦開file
做到公平公正 高水準
話曬食落肚 死得人架

食環後面要加隻狗字唔係冇原因
願所有食環及其後代出世冇屎忽

雞蛋裡挑骨頭，但到有骨又會話唔關佢事，唔係佢管

食市已經比北上玩死
仲有啲咁出色的食環 真係想整死香港食市

啲吉鋪留俾咩咩重慶農耕菜洗黑錢

如果黎大埔咁樣查食肆，唔知洗唔洗告一半鋪頭？

要睇律師證冇問題，問題係一個食環嘅幫辦識睇咩？

店主有冇問幫辦點解認為張證係真?

食環~好~狗

我相信你哋走係正確決定

下次我再返香港可能已經幫襯唔到貴店，希望日後可以英國見

一班垃圾

好大嘅官威！
未化驗佢點得知100%係「陳年油漬」？

助紂為虐者，沒有一個是無辜的！

我一群朋友好喜歡去人人和平食晚飯，早前聽到一年後就冇得食，其中一位衝口而出：咁我地點算呀？
真係唔捨得。
不過，咁受氣，成日被針對，真係冇意思，做生意之嘛，又唔係做基地。就算提早走，我都心中支持。

如果個個政府部門人員好似食環狗咁盡責，宏福苑場火災可能唔會咁嚴重。👍🏻

可能冇嗰場火添

我以前餐廳喺其他區，當區食環好多都好好人，知道我哋係黃店之後仲成日叫我哋外賣，連勞工處職員都係同聲同氣自己友，不過已經係2020年嘅事

真係人渣

今時今日仲做公務員有幾多唔係人渣？

佢告乜野？

喺查某啲鋪頭嘅時候，政府部門係特別努力工作嘅，當中最努力嘅應該係食環署

如果查所有嘢都咁落力，咁宏福苑應該無事，仲有嗰啲後樓梯行唔到又成幢都係食肆嘅大廈，又一直都係咁㗎喎

老細希望你撐到八月我喺英國返嚟食多一次先頂著

但我好欣賞你話跟佢去下一間巡查我都會咁做我會跟佢去添

係咪玩針對，係咪想搞死曬啲本地餐廳，我就唔信間間食肆都執正嚟做 ！😤

如果大埔宏福苑有一個部門認真辧事，
可能火災🧯不會那麼嚴重吧？