最詭異的一次mayday演唱會紀錄吓。

又一次善心人贈票，多謝朋友搵我去睇，坐個區一半以上係2蚊雞同小朋友，周圍好多吉位，地面都係。演出中好多人撳電話，有人‘’捱‘’唔夠1個鐘頭離場，歌與歌之間聽到有人講：下一首一定會聽過卦！？第一次無企足全場，終於企起身又四圍望吓，個個坐係度面無表情，好似入咗個異度空間。有後生仔遲入場半個鐘坐我隔離，每首歌video然後wechat send出，應該任務在身。好彩佢都有跟住唱d歌，我唔係個區唯一一個唱足全場嘅。

主唱大人有真唱，勁走音，食住菠蘿包黎唱。

好多靚位都係俾咗一啲唔知邊度嚟嘅人坐咗
相反，我哋真金白銀買嗰啲就冇咁靚嘅位

2樓影落地面，臨完場半個鐘左右。開場時有坐人。但未完場就走左一堆。2樓都係同樣情況，但我係坐免費飛既。所以可能因為大家都唔係5迷。我唔算超級fans ，不過紅館迪士尼中環都睇過，今晚真係失望，我係2樓聽，音響差到頭一個鐘都接近聽唔清佢地唱乜，好拆。我地坐得離台遠啦可能，氣氛好悶，生日歌，點歌時間太長咁。係到encore 部分先最好，聲音正常返9成，氣氛都好。

睇你啲片見唔到地面多吉位
果然免費飛d人係唔會珍惜🤷🏻‍♀️

點先有免費飛架

佢哋演唱會不嬲都係嘉年華會🤣
志在參與形式

果然請咗批新臨記🤭🤭

佢好中意含住d野唱歌

😂😂 同意，講左好多年，含咩就唔講了

二樓超多吉位
五樓對正台中間都多

我都係機構贈券入埸上5樓
有好多人拎咗飛唔黎
其實免費嘅野，啲人真係唔會去珍惜
坐我下幾行個呀婆，話：都唔知歌，走啦！

我6點入場，佢6點9入到黎，7點半走咗🙃
然後個啲吉位，好快俾山頂嘅人霸晒

其實送飛都唔好送俾d呀婆啦，佢地連五月天都唔知係咩黎都仲黎，真係浪費自己時間😆

佢哋真係有講：2蚊車，又免費飛，入去啟德體育館睇演唱會幾抵

我見到好多人（包括大人）全程喺度影相打卡，根本都唔識佢哋嘅歌
不停咁樣喺度喪錄微信俾人

係香港睇左十幾年，尋晚25號場係我覺得最無氣氛，我坐地面下層附近都有企哂起身一齊唱，唔知係咪聽左幾年同一主題，所以大家冷靜左？唯獨新野恐龍個part氣氛好好多。
唱「聽不到」時阿信個種用力證明五月天想繼續唱歌比大家聽，我聽得好心酸😔。或者我寧願佢走音或者唔夠氣，全程我見到既係真唱，雞腿管家聲音同埋食住菠蘿包唱歌我好鍾意😊

咁好嘅，有免費飛派，想睇嘅人就要同啲廢系統博命搶飛，呢個世上都真係無語

上年同一個場原來都叫做有啲誠意～
起碼我自己睇都仍然覺得感動～
今年真係冇乜意欲睇，加埋你哋入場感受，覺得唔睇唔覺得可惜～

我都覺得比想像中好，氣氛都唔錯。起碼佢唱足全場

我覺得比想像中好，你要捉走音偷雞一定有，但佢唱足全場休息時間都唔多，好過周_倫好多。前幾年睇周演唱會，起碼半場係請師弟妹出黎一齊唱🤷🏻‍♀️🤷🏻‍♀️

認得你朋友係賣大碼衫既老闆

真係好多唔識聽，係5樓聽到後面啲人叫人坐低點敢企😌好大部份都無螢光棒就知咩事啦🫠 最詭異真係好多婆婆、WeChat、無乜氣氛、上上落落嘅人多咗，明顯免費飛多咗，感覺好失落好似得自己真係睇緊演唱會，聲音就913區唔差嘅，望出去好多人都無表情，仲諗緊下年會變成點😌😌

琴晚係2樓…玩人浪…後面無人跟…勁灰🥲

琴人企起身，比個保安叫坐低，勁on9

你不寂寞，我果邊無人企，無人唱，無手燈區咁😆

笑死，你叫俾錢入場啲人情何以堪

你影得好靚👍

搞乜🙊

擺明整估你班香港人