最近同朋友傾偈 我同佢講我想試下射箭
佢話不如試下弓道 我google睇下咩嚟
一睇。。。有feel喎吊
成個滅卻師咁 係有點帥
但無frd去 自己一個諗緊試唔試好

香港主要有三個學日本弓道嘅場地。

元朗嘅靖思堂，上堂時間好早，係戶外，但最接近自然環境，有Feel嘅，但夏天一到道自己諗（冬天都好易捱。）

另外兩個，位於觀塘嘅協會道場（4/F），弘道館（2/F）我係曾經喺弘道館嘅練兩三年弟子。

主要學習嘅係日本弓道協會認可嘅兩種方式（正面打起、斜面打起），香港道場主要係傳承正面打起（但我係後者），你可以先Search下。

上堂基本嘅裝備都可以透過道場幫你買，未有自己弓之前就拉橡筋，弓可以買拉力輕啲，唔洗迫自己做Gym，因為弓道係講射姿，唔係鬥大力，28米10Kg都綽綽有餘。另下學點保養把弓，到你有自己把弓時，個感覺係超爽皮！但你帶唔到佢返屋企，因為香港無一種公共交通係比你有2米野上車（日本就可以坐火車）。箭係消耗品，唔洗太靚，當然我都有一套唔捨得射😍😍😍，弓都分練習同靚靚。題外話，去考段試就唔可以用靚靚。

射箭係好爽！無論咩距離都好，好有儀式咁，又可以話好中二有病，因為唔用任何科技，只靠自己身體去令支箭飛去箭靶，皆中時都咪話唔興奮仔，所以我都有諗一直練落去，因為真係好開心。

當然，已成過去，壞話想知就PM。想體驗一年都係值回票價。

見到咁多弓友熱情回覆，我都想藉此分享一下，作為一名弓齡一年「初心者」既小小體悟。

前輩們講左好多關於弓道嘅本質同物理要求，我就唔多講了。我想講下對於學弓道應該有咩期望，同埋背後既動力。

好多人認識弓道都係因為《弦音》，俾入面既熱血同青春吸引。但到真正接觸之後，往往會因為現實同動畫嘅落差而感到挫敗。動畫始終有誇大成分，未必能體現到現實中嗰種艱難同枯燥。弓道一啲都唔容易，更加唔係純粹為左比賽、大家和樂融融地練習咁簡單。

「高中弓道」同「社會人弓道」係兩回事。讀書時可以當課外活動、有時間投入；但出左社會，你一定要有一個好明確既目標，先可以搵到動力繼續落去。

弓道嘅路係漫長、反覆而且需要極大耐心。佢有啲似長跑，堅持到最後先係勝利。每個人進度唔同，未必一開始快就代表之後會好順。特別係社會人士，身體同精神狀態會影響表現，有時進步，有時退步，甚至會原地踏步好耐。

當你覺得痛苦，問自己「點解要學」既時候，只有明確的目標先可以令你行落去。

所以我最大嘅建議係：先諗清楚自己追求啲咩，再考慮學唔學。

個人嚟講，我係因為睇咗德國哲學家 Eugen Herrigel 嘅《弓與禪》，對「禪」產生興趣先決定學弓道。我期望透過弓道接觸禪學思想；至於中靶、社交同競技，對我嚟講都係額外嘅得著，而唔係初心。

我好想推廣弓道，但希望大家了解清楚先入坑。我好樂意以初心者角度分享更多，歡迎隨時 PM 我交流～

以上僅僅為本人對弓道的了解，並不代表所有人既意見🙇🏻‍♀️

Thx ching 🙏🏻🙏🏻

你自己想試之前先了解你自己想學咩先？為咩學？

弓道唔係現代射箭，講嘅唔係準，而係禮儀、姿態、心態、技術，學嘅唔係為中靶，學嘅除左技術，最重要係自己思想修為。

如果只為想學射箭射擊，為左中靶嘅快感，你學現代射箭會比較合適，因為弓道相對起來係難、悶、煩、同埋令人迷失(因為想唔通😂)。

前面果d話弓道on9嘅，不如話自己on9啦，唔了解就去試，試完都係唔了解，結果就話人地on9。

另外弓道係有比賽架，唔係所謂唔中靶都ok，姿態、心態同禮儀做啱係得分條件，比賽一樣要中靶，但唔係中左就係有效得分。

弓道唔係競賽運動，唔係武術，係武道。我自己冇學過弓道，但我係學劍道，都要明白劍道、劍擊同劍術中間分別，再去揀學d咩。

你咪試吓囉 但係弓道唔係淨係得射箭
有体配仲有唔同嘅rules
好多人學第一個月已經放棄
而且弓道有射法八節
你練嘅係 練自己嘅身體嘅控制同自己嘅心態
係弓道上面有好多理論你可能一聽就明
但係實際做同諗係兩回事
你覺得自己識同你真係明白同你掌握到係唔一樣
可能你未必好好咁樣控制到自己肌肉
或者可能你嘅心態令到你有唔係幾好嘅習慣
比起中靶 更多嘅係對自己嘅身體同心理掌控
搵到屬於自己嘅射 自己繼續練嘅原因
我喺香港嗰陣都係弘道館到練 而家喺日本練緊
我都練咗就嚟五年
有咩唔明都可以問嘅

提幾樣嘢正一下視聽
射箭呢樣嘢嘅歷史太長，以前啲人已經研究透徹，留低咗各種紀錄。研究古人嘅經驗、實際練習體會，再依自己嘅條件（身體特徵、性格etc)表現出嚟，我認為弓道好玩嘅地方

另外，弓道當然要講的中，而且係比賽/審查之類壓力下嘅的中。如果可以喺呢啲情況下維持三幾年百發百中，講咩都啱㗎

如果係指日本嘅弓道，其實同花道茶道之類，都帶有佛學禪宗嘅修行意味。所以，重點不是［弓］，而是［道］，弓可以話係修行嘅工具🙏如果係作為興趣或者娛樂，試咗射箭先👍😄
btw, 原來把弓咁高，上面比下面長咁多😲

https://www.sportsroad.hk/archives/616028/?fbclid=PAb21jcAQ5_apleHRuA2FlbQIxMQBzcnRjBmFwcF9pZA81NjcwNjczNDMzNTI0MjcAAafV1BTFy8u_J9A7PniRNnHgG07rNECLB7afYrcxxXzoBzokQsu5F_n1kpo1QQ_aem_AzhkYyt64k2mKvUhNJrArw

道與術的著重程度不同，但有很多共通點，應該可以互相借鏡。

上星期上咗弓道協會既體驗班
如果只係想射吓箭唔太啱
因為我係俾動畫漫畫上咗層濾鏡
去到發現同想像中有差距😂
弓道姿勢體態禮儀睇得好重要
射箭中把反而係其次
你可以留意吓佢哋幾時再開體驗班

香港學弓道未學之前先屈你一堆錢買衫同手套，
再撚你去玩象根筋一至半年咁上下先俾你拉弓，到你捱過哂以上呢啲嘢之後可以買自己嘅弓之後又唔可以再返屋企一定要擺喺道場
正㗎，去馬吖👍🏻

係香港學左十年以上
可以話你知幾時想學，幾時想退都唔緊要
唔使比個「道」字嚇親
就算最後唔練，都起碼暸解過係咩一回事
啱唔啱自己要試過先知

建議你先試基本射藝(現代反曲弓/地中海式扣法), 到真係有興趣先去諗要唔要學傳統弓
無謂浪費金錢買件道袍之後先發覺自己唔鍾意

既然講得弓道，就介紹套動畫比你，《弦音－風舞高中弓道部－》

現代射箭，你認知既運動射箭項目，同弓道係兩件事。

睇下先 好似幾正

呢套超好睇！好gay

中華射藝可能啱你🙂‍↕️室內/外，遠/近，動/靜，騎/步皆宜，荃灣就有得學👍🏻

你要型定要準定有恒心

要型要心態: 弓道
要準: 複合弓
有恒心肯捱: 反曲弓

弓道唔係for射箭，佢係要姿態，你姿態好射撚晒出把都冇所謂，勁on9

學所有日本武術前先要有心理準備, 動畫都係呃人同誇張左🫠

淨係想知道射得箭多會唔會生多左白頭髮🧑🏻👨🏻‍🦳

我哋有奧運果款反曲打喎
想真係學射準可以嚟玩下

Where ?

https://www.instagram.com/leading.archery?igsh=YTA4Mng0bmdzMTZ1
荔枝角領先！

可能過嚟試吓玩下體驗班先

由細到大都鍾意Rambo，我玩嘅話會揀複合弓🤣

第一張圖條友咁樣射箭一係神手一係新手祝佢好運

以前都有諗過玩弓道
但最後都係去咗玩反曲弓

都好玩？

Try try sin

@benarcheryhk @wzckkoo 👈🏻你可以搵佢地了解吓

想知支弓咁長，有冇2m? 係咪的士都上唔到？

香港有啊！！香港有弓道協會㗎去試下啦

已經約左frd一齊去試

試過，比條弦彈到痛到癡線😭
瘀左勁耐

但係好唔好玩？

ok既，有射到個靶其實都幾開心架
當係有個體驗
只係真係要小心條弦，因為好硬身，要拉好大力

又要射箭又要型，係咪講緊反曲弓？🏹

弓道同現代反曲弓都型嘅 打和啦 super

諗起小櫻入面嘅阿月
a. k. a. 雪兔哥哥

複合弓好似幾好玩，撳個掣就射中

射箭同弓道兩回事黎架wor🤣

其實我都知👍🏻

成個滅卻師咁係咪姐係柒...

試下傳統射箭 有更多挑戰

職業來說，弓箭手好L短命

轉職做坦 有無權

射箭係射箭，弓道係弓道

a係a b係b
所以a=/=b🤔
a2+b2=2ab

射箭本身係打仗同打獵用

仲以為本身係射太陽用

弓道係弓道 射箭係射箭

師兄勁清醒👍🏻

玩弓道不如玩英長弓

未聽過 可唔可以講多少少

夠耐性夠M底就得😌

有玩，把弓好撚重

弓道可能岩I人玩

要兼顧，有啲攰

香港邊度有得學

弓道自在人心

美食弓道伯

有feel, 好有型

想join where

好型🤣

公道。