最近城大教授嗰單行賄案搞到滿城風雨，除咗個人誠信問題，係大眾討論發現咗好多人對「合約精神」嘅誤解。

1️⃣ 臨時合約都係合約！

好多人以為得律師樓簽嘅「正式合約」先算數，臨時買賣合約或者臨時租約只係初步意向？

錯晒！只要有齊物業、價錢同埋雙方簽名，呢份嘢就已經有法律約束力㗎喇！合約入面一字一句都好重要，少少錯漏都可能搞到日後要「捉字蝨」打官司。

所以，最好搵個經驗豐富嘅專業地產代理幫手，確保條款清清楚楚，保障自己最實際！

2️⃣ 違約唔係賠錢咁簡單！

簽咗約之後反口，就係違約！通常合約會寫明後果，例如：

•沒收訂金：你俾咗嘅訂金就凍過水喇。
•賠償佣金：仲要俾返地產代理應得嘅佣金。

好似城大教授咁，簽咗租約又反悔，仲想用錢收買代理「私了」？咁就唔止係違約咁簡單，直頭觸犯埋《防止賄賂條例》，民事糾紛變刑事案件...

3️⃣ 專業代理係雙方嘅見證者

地產代理唔止係中間人，佢哋仲會幫你草擬同協調合約條款，確保所有口頭承諾都白紙黑字寫清楚。佢哋經驗豐富，見盡奇難雜症，可以幫你預見潛在問題，喺合約度加返相應條款，幫你避開風險！

4️⃣ 成年人要負責任：簽名前真係要諗清楚！

簽任何法律文件都係成年人嘅行為。簽名嗰一刻，就代表你同意同承諾遵守所有條款。有任何疑問，

記得一定要喺簽名之前提出同解決。

簽咗名，就真係「冇得返轉頭」㗎喇！

無論你社會地位幾高，都要尊重合約精神，為自己嘅行為負責。呢個唔止係法律要求，更係個人誠信嘅表現嚟㗎～

下次想同大家分享下睇樓紙呢個常見嘅問題！

#合約精神 #法律知識 #城大教授案 #地產代理 #香港樓市