📌 最近媽媽過左身要辦理
共 50 條紀錄
最近媽媽過左身要辦理身後事，媽媽喪禮時可唔可以唔請奶奶呢？
我同奶奶關係極差，憎到奶奶連過時過節我都唔會返去食飯，媽媽生前應該都係企我個邊，都一樣唔鍾意老爺奶奶佢地，因為覺得佢地對我唔好
究竟有d乜藉口可以唔請老爺奶奶呢？定其實唔請都無乜所謂呢？🤔
過時過節開心你都唔去食飯，點解辦喪事反而要請佢哋？你唔係想玩嘢啊🤔
唔係“請”唔“請”佢哋去，喪禮冇人“請”去㗎
佢係你老公個阿爸阿媽，你媽媽過身只需要通知佢哋，佢哋到唔到就睇佢喇
況且呢D時候，就算佢哋去，你都唔會有時間同心情應酬佢哋啦
佢哋到係佢盡咗禮數；唔到亦正常，因為好多老人家都棹忌去喪禮嘅
話老人家唔好去白事，對他們運唔好，叫他們可以唔駛黎（最好搵老公講，語氣為父母著想，妳講可能他們另一解讀）。
基本上老人家比較迷信，講到影響佢地個運，都唔想去。
而真的他們唔去妳都唔好亂諗野想對方不是。
佢有話要嚟？叫老公推啦，一句話唔大搞有心咪算，唔使解釋咁多
我唔會請
阿媽生前都想我開心
條友會攪到我唔開心
阿媽一定專重我
由你老公通知男家
老爺奶奶知道之後出唔出席係佢哋自行決定
白事唔需要「請人出席」
禮貌上要通知
佢地黎唔黎一回事
呢個唔係你個人既問題
係對先人尊重同禮節問題呀
就算佢地真係黎
都係尊重你媽咪 而唔係你
唔好攪錯角色
同埋都係對住佢地最多1、2日
唔係咁都頂唔順呀麻？
白事無請人呢様嘢架，吾駛留位，但通知就點都要
你老公打個電話，或信息，同佢講句都要嘅
想佢吾黎，由你老公講就得
我覺得如果兩家無咩往來 唔需特別通知 祝你安好❤️
如果是一個你媽媽和她都憎恨的人，千萬不要請她來到現場，免得玷污了神聖的氣氛
我爸走既時候，我奶奶叫我老公唔好出席，唔應該戴孝，大姐我老公份屬半個仔呀！真心癲！
佢唔知邊日設靈，亦無問幾時，怕鬼既佢更無話想出席，所以都費事同佢講咁多！
佢哋係親家，禮數上你係應該通知聲佢哋，如果你講到你地關係咁差，我諗佢地都未必出席喪禮，但唔好留話柄俾人話你做新抱冇規冇矩
無聽人講過係「請」人去喪禮，呢個講法好怪喎
只有通知講一聲
想去自然會問喪禮係幾時
唔想去你奶奶最多咪 哦 一聲
白事wor, 唔係紅事，基本上通知左就算，到唔到都冇緊要。
老人家睇自己心情去唔去，你真係唔駛太擔心。至於帛金，依家唔係去飲，就算要做都唔會太多，你放心都得la.
喪禮從來都係無話‘請’人去，至親自然會自動出席，至親以外，有心嘅自己會去。
洗咩藉口？！我都冇請老爺99去，因為阿媽唔想見到佢哋😌直接話一切從簡+老人家唔好去呢D地方，陰氣重，嚇Q死佢🤣
首先, 白事唔係用個「請」字
佢地兩個話哂都係親家, 佢地有心想去鞠躬唔通你企喺門口唔俾佢入去?
都最後一程, 放下成見啦
通知佢一聲（叫你丈夫講），到時嚟唔嚟就等佢自己決定。
好明白你的心情，在逝者最後的告別禮上要見到唔想見的人!我比你更難受，我渣男姐夫在我家姐臨走前幾日同我地講佢有二奶有私生子女，原因是我姐因病生唔到仔，當時只想家姐能走得安樂平静，唯有咬着牙忍，全程沒看那渣男，只求家姐得解脱安息。
佢係襯家，按理要通知。佢點做就佢自己決。但你唔通知佢就講唔通。
我教自己客人都係咁
不論先人生前同在世人
有咩過節都好
總之係有親戚關係嘅
禮儀上都要通知聲
免得將來被人抽秤
話冇家教
您可叫您先生代為轉告
到唔到係佢哋自行決定
交翻個波俾佢哋
自己感覺話事，唔鐘意就唔好叫，依家已經夠傷心，仲要理呢d野？
純粹叫你老公通知聲就算，若果佢話一定要嚟，同佢講有心就得
除咗外婆外公女家的人盡通知外，其他可以通知但嚟唔嚟由佢地決定。
愈老愈多病痛者你通知佢地都未必嚟，同埋後生走得快過老係詛咒喎。提緊長輩要白頭送黑頭，佢地要好大勇氣先見最後一面（傷心）。
我自己老媽就係咁情況，近就話定幾時辦後事，遠既就影相報告，反正唔係開心事 最緊要係通知先尊重長輩們。
喪禮果啲係通知，唔係請
你通知佢就得，到唔到留俾佢自己決定
你唔怕你老公尷尬，咪唔好請佢囉
有啲人真係好麻煩，尤其呢啲咁唔開心嘅情況下唔好叫呢啲人嚟
你嘅藉口咪就係話一切從簡唔打攪人哋
真係無聽過用"請"
真係通知一聲，會唔好運就唔好黎喇
而且到時都應該無時間去應酬佢
都係個句啦，個晚佢來，打個招呼你就可以完全唔理佢，我就唔信個晚佢敢攪事
就算敢，你有比錢個場架，個場d人會識幫你拆架啦
白事唔會'請'人去,祗需'講比佢哋聽',想佢哋唔去妳直接同佢哋講叫佢哋唔使去,其實有返咁上下年紀都好唔願意去呢啲場合,可能妳出聲佢哋仲無咗要去嗰份憂慮
阿囡，喪禮不可以用請吾請人去的，只是通知親朋戚友，佢地有心有時間自然會去，有啲人忌尼種場合，只比白金不會出席，你亦不可以怪人地點解唔出席，有啲人有喜事辦亦都不會出席，節哀順變
送喪不用請，尊敬先人是出自內心！有心的就算是仇人都會作最後的告別！
睇你點睇
企硬唔請係尊重阿媽
請埋係人都死左好聚好散 拜完就不到黃泉不相見
唔使請，諗住重點自己和家人一起陪媽媽走最後一站。同老公講唔使叫奶奶嚟，我想一切從簡就夠，有心。