最近媽媽過左身要辦理身後事，媽媽喪禮時可唔可以唔請奶奶呢？
我同奶奶關係極差，憎到奶奶連過時過節我都唔會返去食飯，媽媽生前應該都係企我個邊，都一樣唔鍾意老爺奶奶佢地，因為覺得佢地對我唔好
究竟有d乜藉口可以唔請老爺奶奶呢？定其實唔請都無乜所謂呢？🤔

除咗外婆外公女家的人盡通知外，其他可以通知但嚟唔嚟由佢地決定。

愈老愈多病痛者你通知佢地都未必嚟，同埋後生走得快過老係詛咒喎。提緊長輩要白頭送黑頭，佢地要好大勇氣先見最後一面（傷心）。

我自己老媽就係咁情況，近就話定幾時辦後事，遠既就影相報告，反正唔係開心事 最緊要係通知先尊重長輩們。

唔係“請”唔“請”佢哋去，喪禮冇人“請”去㗎
佢係你老公個阿爸阿媽，你媽媽過身只需要通知佢哋，佢哋到唔到就睇佢喇
況且呢D時候，就算佢哋去，你都唔會有時間同心情應酬佢哋啦
佢哋到係佢盡咗禮數；唔到亦正常，因為好多老人家都棹忌去喪禮嘅

好明白你的心情，在逝者最後的告別禮上要見到唔想見的人!我比你更難受，我渣男姐夫在我家姐臨走前幾日同我地講佢有二奶有私生子女，原因是我姐因病生唔到仔，當時只想家姐能走得安樂平静，唯有咬着牙忍，全程沒看那渣男，只求家姐得解脱安息。

話老人家唔好去白事，對他們運唔好，叫他們可以唔駛黎（最好搵老公講，語氣為父母著想，妳講可能他們另一解讀）。
基本上老人家比較迷信，講到影響佢地個運，都唔想去。
而真的他們唔去妳都唔好亂諗野想對方不是。

阿囡，喪禮不可以用請吾請人去的，只是通知親朋戚友，佢地有心有時間自然會去，有啲人忌尼種場合，只比白金不會出席，你亦不可以怪人地點解唔出席，有啲人有喜事辦亦都不會出席，節哀順變

禮貌上要通知
佢地黎唔黎一回事

呢個唔係你個人既問題
係對先人尊重同禮節問題呀

就算佢地真係黎
都係尊重你媽咪 而唔係你

唔好攪錯角色
同埋都係對住佢地最多1、2日
唔係咁都頂唔順呀麻？

如果我係你媽媽，我當然會支持你的決定 。但我也會希望你同奶奶關係會有機會唔好再差落去 。如果今次係一個機會去比你地大家好落台，以後可以正常基本相處，你媽媽應該好願意幫到你 。

我教自己客人都係咁
不論先人生前同在世人
有咩過節都好
總之係有親戚關係嘅
禮儀上都要通知聲
免得將來被人抽秤
話冇家教

您可叫您先生代為轉告
到唔到係佢哋自行決定
交翻個波俾佢哋

我爸走既時候，我奶奶叫我老公唔好出席，唔應該戴孝，大姐我老公份屬半個仔呀！真心癲！
佢唔知邊日設靈，亦無問幾時，怕鬼既佢更無話想出席，所以都費事同佢講咁多！

咁真心癲！
自己老人家，因為年紀/忌諱問題唔出席都明白，但做個花圈、帛金都要啦，話哂姻親…

自己個仔係仙人女婿都唔比出席…咁就好衰，唔合禮節

好彩我老公一向都好理性，佢完全唔鬼理佢阿媽！我奶奶嘅思維極度㒼塞，閉過扎腳布嘅年代。

白事wor, 唔係紅事，基本上通知左就算，到唔到都冇緊要。
老人家睇自己心情去唔去，你真係唔駛太擔心。至於帛金，依家唔係去飲，就算要做都唔會太多，你放心都得la.

唔係人人都想參加人地嘅喪禮
甚至多數係唔想參加
始終係令人覺得係陰晦場所
叫你老公講聲俾佢知
佢要唔要來自己決定
你無須話唔俾佢來，亦無須話請佢來

白事唔會'請'人去,祗需'講比佢哋聽',想佢哋唔去妳直接同佢哋講叫佢哋唔使去,其實有返咁上下年紀都好唔願意去呢啲場合,可能妳出聲佢哋仲無咗要去嗰份憂慮

你唔怕你老公尷尬，咪唔好請佢囉
有啲人真係好麻煩，尤其呢啲咁唔開心嘅情況下唔好叫呢啲人嚟
你嘅藉口咪就係話一切從簡唔打攪人哋

佢哋係親家，禮數上你係應該通知聲佢哋，如果你講到你地關係咁差，我諗佢地都未必出席喪禮，但唔好留話柄俾人話你做新抱冇規冇矩

都係個句啦，個晚佢來，打個招呼你就可以完全唔理佢，我就唔信個晚佢敢攪事
就算敢，你有比錢個場架，個場d人會識幫你拆架啦

Some older generation won’t attend younger than their age people funeral anyway. U can skip her just don’t let her know. Especially if the relationship not very good.

洗咩藉口？！我都冇請老爺99去，因為阿媽唔想見到佢哋😌直接話一切從簡+老人家唔好去呢D地方，陰氣重，嚇Q死佢🤣

首先, 白事唔係用個「請」字
佢地兩個話哂都係親家, 佢地有心想去鞠躬唔通你企喺門口唔俾佢入去?
都最後一程, 放下成見啦

白事無請人呢様嘢架，吾駛留位，但通知就點都要
你老公打個電話，或信息，同佢講句都要嘅
想佢吾黎，由你老公講就得

無聽人講過係「請」人去喪禮，呢個講法好怪喎
只有通知講一聲
想去自然會問喪禮係幾時
唔想去你奶奶最多咪 哦 一聲

又唔係做喜事，冇人會請人出席喪禮，口頭上知會咗，去唔去係出於自願，去就講聲「有心」，唔去亦冇問題

其實對你差嘅人，真係唔太需要因為禮數而理佢哋感受喎，況且相信你媽咪都唔想見到啲對佢囡唔好嘅人。

唔使請，諗住重點自己和家人一起陪媽媽走最後一站。同老公講唔使叫奶奶嚟，我想一切從簡就夠，有心。

白事唔係請
你老公做咗通知嗰個 就咁WhatsApp講句就得
關係極差分分鐘佢哋都唔想嚟鞠躬

白事唔係「請」
係「通知」，去唔去等佢自己決定啦

不過年老長輩一般唔太會去晚輩既白事

習俗上白頭人不送黑人。
如果溝通不良，
根本唔使理佢。
反正通知與否，
一樣俾人寸。

由你老公通知男家
老爺奶奶知道之後出唔出席係佢哋自行決定
白事唔需要「請人出席」

通知一聲，禮貌禮貌，黎唔黎由佢
最緊要辦好媽媽後事，等媽媽安穩移居去第二個地方

真係無聽過用"請"
真係通知一聲，會唔好運就唔好黎喇
而且到時都應該無時間去應酬佢

如果是一個你媽媽和她都憎恨的人，千萬不要請她來到現場，免得玷污了神聖的氣氛

喪禮從來都係無話‘請’人去，至親自然會自動出席，至親以外，有心嘅自己會去。

睇你點睇
企硬唔請係尊重阿媽
請埋係人都死左好聚好散 拜完就不到黃泉不相見

都喪禮只係通知同唔通知
通知咗，有心既就會黎
唔可以話請人黎，希望人黎咁

唔洗清，純粹通知佢地
睇佢哋黎唔黎
黎都無心情應酬佢哋，
喪禮流程好忙的

過時過節開心你都唔去食飯，點解辦喪事反而要請佢哋？你唔係想玩嘢啊🤔

送喪不用請，尊敬先人是出自內心！有心的就算是仇人都會作最後的告別！

通知聲就得， 說句有心了就得， 樓主節哀， 唔使為呢啲人傷神， 保重

佢係襯家，按理要通知。佢點做就佢自己決。但你唔通知佢就講唔通。

無人講比他們聽，就不會知。認真你講到咁憎，咁他們都未必會想來。

我唔會請
阿媽生前都想我開心
條友會攪到我唔開心
阿媽一定專重我

自己感覺話事，唔鐘意就唔好叫，依家已經夠傷心，仲要理呢d野？

佢有話要嚟？叫老公推啦，一句話唔大搞有心咪算，唔使解釋咁多

我係驚老公多事話唔請老爺奶奶唔專重佢屋企人，又話要做禮又盛

喪禮果啲係通知，唔係請
你通知佢就得，到唔到留俾佢自己決定

純粹叫你老公通知聲就算，若果佢話一定要嚟，同佢講有心就得

通知佢一聲（叫你丈夫講），到時嚟唔嚟就等佢自己決定。

同佢有親咩？請佢，其實根本唔需要同佢哋講你媽咪過咗身