📌 最近學校有個$26,
共 55 條紀錄
最近學校有個$26,888去瑞士10日嘅遊學團（包機票住宿餐飲）八月中去，但係會洗咗我一大部份嘅儲蓄😭（我year3）又唔想問父母拎師兄師姐們覺得值唔值得去🥹🥹勁糾結但係後日就application deadline了😭
去la , 第日大個你嘅 $26888 去瑞士就唔夠用咖啦
梗係去啦
錢冇咗 第時可以賺返
And you only live once!!!
況且第時你會發現原來$26888 可以去到10日真係好抵😂
超抵😳俾個價你參考：
舊年屋企人陪小朋友去瑞士音樂營，7日齋當地團費$25000一個。
來回機票自費，延長行程食宿自費。
2人9日使費約10萬。
小學生遊學團去德國8日都要$33000。
去 ！！！ 到時畢咗業根本冇可能咁平去到！！！ 當擴闊下眼界都幾好
香港人真係富有⋯⋯
可能我從未花兩、三萬去個旅行！
在澳洲這裏
很少聽到仍未工作的學生會花A$5000多去十天旅行（他們的父母也不會附這$ ）
不竟這真不是少數目。
你grad咗出嚟用26888一定買唔返今時今日嘅遊學體驗
一次請 10 日 = burn 左 6-70%年假
仲要未必有frd夾到
住在瑞士嘅人飄過：八月係瑞士旅遊旺季，天氣宜人，住宿比其他季節貴，呢個價如果包埋幾趟上雪山嘅景點，係超值
唔好衝動住，睇吓啲行程吸唔吸引先，係咪你想去嘅地方？定係要成日去啲大學度交流悶到死？
 有時捕吓啲平機票，4、5000都可以去到。
我之前係喺多哈轉機去德國，玩完德國，坐巴士去瑞士，喺日內瓦返嚟包稅包行李。酒店就$1千至千幾蚊左右。
食嘢我又唔覺得瑞士特別貴，喺香港食過好啲嘅午餐都百幾蚊，瑞士雖然可能$200一碟意粉，但大好大碟，夠兩個人食。我覺得佢自由行好啲囉，鍾意喺景點逗留幾耐就幾耐啊，唔使跟團去唔想去嘅地方。學生買火車票仲有好多優惠。
雖然好多人勸你要去，但係我覺得你可以睇清楚先喎，原因有以下幾點
行程：瑞士旅行精華係阿爾卑斯山地區，特別係策馬特（馬德洪峰）， Grindelwald（少女峰等），仲有其他唔同嘅山，如果行程集中喺城市唔會去呢啲地方/唔包上山，其實就唔係好值得去
團費其實冇平到唔去會後悔嘅程度，你慳啲使肯住hostel呢個價錢絕對夠你自由行，
瑞士雖然貴，但係佢算非常成熟嘅旅遊地區，公共交通亦都好發達，今次Miss其實你之後都好容易自己去到，相反，好似冰島/非洲各地/南美各地，有啲地方你唔跟團根本好難去到，或者係你一定要自駕既，你而家有budget不如去咗呢啲地方先

師兄，瑞士10日，全包27K 有找邊到搵？
一世人留留長，唔好睇錢咁重
有需要就PM ，借住幾千俾你
GPA 3.5 or above 唔洗還
兩句
富游窮游不及少年游
欲買桂花重載酒終不似少年遊
第時只會後悔當年冇去
而且越遲去個成本係越高
而你今日去完之後
呢份回憶會一直派息俾你 （每當你回想返嘅時候覺得開心）
所以一定係值得
受這本書啟發： Die with Zero: Getting All You Can from Your Money and Your Life
https://www.books.com.tw/products/0010965865
如果自己去嘅話，
計$5000來回機票
交通pass 約$2500（包埋上山欖車、多數博物館）
住宿七日當你住普通三星喇同香港差唔多，一日$700 =$6300
=$14000 基礎價
你另外仲有14000自己安排食野買野
當你一日食500 十日都係$5000 仲有9000買下野
不過無導遊要自己諗行程，自己考慮下~
利申自己安排自由行去過，實際洗費無其他人吹到咁大，亦都係住正常酒店唔係旅館，佢地講到咁貴係因為跟團。
評論大部份人都建議你去，我俾啲相反嘅意見，你可以自己考慮吓。我自己比較i ，唔係咁鍾意群體生活同同自己冇興趣嘅人一齊去旅行，鍾意自己plan行程做自己想做嘅嘢，同埋對住同埋食好有要求，就算唔夠錢，寧願去短途兩日做晒自己想做嘅事，都唔鍾意慳錢去好多日，但係窮遊。學校嘅School trip同埋exchange program 一般預算都好低，瑞士食住都係全世界其中一個最貴嘅地方，所以可以預計環境同埋飲食同埋活動唔會特別好，我唔覺得會增加好多眼界同埋見識。如果你有機會以後過嚟英國或者歐洲工作Working holiday 一年、master degree加兼職 etc，會發現好平就可以喺瑞士玩得比較好，真係體驗到，而且仲可能賺到錢。 如果我係你儲蓄有幾萬蚊，喺你嗰個年紀我唔會去，會選擇做其他嘢，除非父母俾錢又或者你好想同同學建立美好嘅旅遊回憶。
去，26888大個後工作好易搵得番
其實點解唔想問父母?
除非有難以言喻嘅原因
如果父母有能力比
當然問父母😆
大個咗返工就無藉口問父母
古色古香同雪山翠湖完美溶合
去極都唔厭
雖然貴到飛起，不過隔幾年就身痕，唔去多次唔安樂
$26,888出嚟做嘢好快搵得返
但到出嚟做嘢$26,888係去唔到任何亞洲以外嘅地方10日
去!! 26k 包埋三餐超抵!!!! 瑞士指數高，呢個價值包"食住行"，好值得去～
值！過幾年呢 2萬幾蚊連你一個月人工都唔夠比
青春難買，仲要你比得起
去，因為你將會得到多於$26,888 價值嘅體驗及回憶
當年大學最後一年 慳到盡 瞓機場瞓火車
唔出街食 住hostel 玩四十日 絕不後悔
人生冇可能重新來過
唔參加遊學團 都要自己出走一次
以前year 3都走咗去exchange半年，您去喇🙂 腦入面有一部分最好所嘅回憶就喺喺歐州果時，單單置身喺另一個國家，您必會有得著～ 見有人話咩i人唔enjoy唔去，讀書冇咩大錢嘅i人表示我有把握機會去囉😂 長大後嘅旅行成本更大，同埋year3後生嘅您同長大後嘅您睇嘢會唔同，有啲回憶唔製造就冇㗎喇🙂
去！！去！！去啊！！！啱啱喺瑞士返嚟！個view靚到你會釋懷嗰$26888！！
我仔$28000去完9日德國返嚟，佢話大開眼界，認識當地文化歷史，值得去。可唔可以搵多啲補習或者做part time /summer job 幫補下
原來依家去瑞士咁貴，之前自由行去9日全包$20000唔洗，本身仲想講有$26888自己去10日就得，唔洗跟遊學團😨
我作為父母
都會俾錢支持小朋友去
佢問我借又好
請我sponsor都無問題
因為太值得
認真，10日$26888 遊學團去到瑞士真係唔貴，如果未去到需要靠依舊錢開飯既我建議你去
梗係去啦！來回機票都萬幾蚊啦，咁為返每日都係千零蚊港紙包食住，歐洲物價好貴㗎！應該包埋交通費㗎嘛，交通都勁貴㗎！呢個價錢自己去10日係未必得㗎。
我哋歐洲教會在瑞士有個青年營，只需€300，包7天食宿。阿仔去咗4次，一班老友每年見一次。我同太太都有一年入去廚房做義工。
多希望我yr3時有這$26888 讓我去這些遊學團，大學才幾年，不要後悔
我當年year 3去2個月台灣，total洗萬幾兩萬，2017 u grad暑假再去咗2個月solo 歐遊（東中歐），全程住hostel
瑞士去咗幾日，佔咗我成個trip應該唔多三分一洗費（好似），total成個trip唔記得幾多錢，maybe 三萬幾（？）
我自己中意自己話事，唔中意跟團打卡🤣
瑞士真係我去過最靚嘅地方，美國有啲國家公園都有啲相近水平
我記得當年學校有北韓10日團都要萬幾兩萬，自己計計條數，寧願拎條數自己一個去其他國家耐啲，所以冇報到🤣