最近發現又有受害者，想post多一次呢篇《電騙+扮埋搵律師再呃多你一次》：

1. 可能大家之前都聽過，而家嘅電騙集團係會扮埋律師。

2. 情況通常係第一步首先呃咗受害人錢先，都係平時常見嘅「投資」陷阱或者情騙。

3. 直至個集團估計受害人知道自己受騙時（例如冇再覆佢地/被block等等），就會有另一班同一個集團嘅人，去扮律師approach你，問你需唔需要協助，然後用收「律師費」嘅名義再呃一次錢。

4. 所以搵律師之前其實可以去律師會嘅網站做一個簡單嘅fact check，睇吓你認知嗰間「律師樓」個名同埋個「負責律師」個名喺唔喺個website上面（見附圖）。

感謝分享！
提防二次詐騙

查冊都唔夠，應該打番律師行電話，嘗試搵番同一位律師
你唔排除啲騙子用真律師名 + 真律師行名，但卡片寫假電話假email