最近發現自己最close嘅男仔frd鍾意我
一直以嚟我都當佢係朋友
但原來佢由一開始接近我都係有目的嘅
我知道咗之後 慢慢feel到呢段關係已經唔係最當初咁純粹
每次見到面 我都唔知應該點面對佢
繼續扮冇嘢、好似平時咁同佢相處 我又唔自在
但同佢講清楚嘅話 可能連朋友都冇得做
唉 點算好
因喜歡而接近，而被指為「有目的」，隔住個Mon 都覺得痛。。。
大叔解讀：
我唔想無咗隻兵。
我唔鍾意佢，但又想享受佢對我好，擔心拒絕佢之後佢就走咗。
我反而覺得佢鍾意你，要表態都係佢嘅責任。你唔好做d令佢誤會嘅嘢就夠喇。有時男女之間鍾意嚟鍾意去好閑，唔駛咁緊張。能成為密友大概總帶着愛。唔好講到有目的咁嚴重，對你有意思證明佢欣賞你，對一個欣賞你嘅人俾多少少包容吧。
祝以後所有喜歡你嘅男仔都一嚟就劈頭一句「溝你！」唔使經過做朋友階段。
男人 唔係為錢就係為女人
聽落佢都係好仔黎，不愛請別傷害🙏🏻fd 就肯定無得做，建議盡快放手。
隻兵最近令我唔自在
但隻兵幾好用
點樣可令佢自己做番好隻安份兵
祝你之後鍾意嘅男仔永世當你係朋友
嫌棄你嘅非分之想
一開始接近我係有目的嘅呢句已經覺得係好笑
即係去識個朋友唔係就係目的咩？
當你去買衫嘅舖頭你行入去純粹只係為咗行入去店員表示哦，原來你入嚟就係為咗行入嚟係冇諗住買既 哦～
然後有一日你忽然間買嘢佢就同你講原來你一開始入嚟唔睇唔買係有目的嘅

同埋佢鍾意人立即同人講話做佢女朋友又話人哋太快慢慢了解相處增加感情又話過咗最佳時間乜乜77
其實你係唔鍾意人就放生人哋講明白啦
如果佢係專一人士，你唔講佢唔會放棄唔會去嘗試第二個
當然繼續撚狗係你嘅自由

你都話同佢繼續相處唔自在
唔再做朋友就得啦
佢去搵另一個
你又樂得清靜
大家都好
鍾意你而對你好被你講成係有目的接近(想問樓主一個人做一件事會無任何目的㗎咩?)，聽到好心寒，唔知當事人睇到會有幾hurt
我係女人
其實女人交朋友都有目的….而且可以更恐怖（借你認識你個老best）
樓主放大左件事
本文充分表達了樓主屢次被貶 認為自己懷才不遇的抑鬱心情
🤣 我見佢篇文咁九唔搭八所以已讀亂回啫
DSE? 都成七年前嘅事了
我講埋個結局你知，當他和你心淡
他找到個很好的女朋友時，你就覺得被背叛了
然後你發現他的好甚至覺得沒有他就不行的時候
你想表示時，他和你說太遲了
車～你唔鐘意佢姐，你鐘意佢就唔係「有目的」，而係「有耐性」「有心思」啦。
講到目的咁難聽呀 開頭佢咪又係有嘢吸引你 你先同佢做朋友😂收兵就收兵啦
你將目的呢兩個字講到好似個男仔想策劃姦你咁，你咁純情咪割𥱊咯，同你做朋友都真係費事
三個選擇：
扮冇事 → 你會越嚟越唔自在，遲早頂唔順。
講清楚 → 可能連朋友都冇得做，但唔使再扮。
慢慢疏遠 → 唔使講到明，但關係自然淡。
現實係佢當初接近你有目的，
呢段友情本身就唔係你想像中咁純粹。
你想留嘅，可能只係「你以為嘅友情」。
長痛不如短痛。
咁證明佢同你close 唔係純友誼囉
男+女既友誼就係咁，能成為密友大概總帶著愛
（無惡意，你好少男仔朋友嗎？）
呢個位唔到你決定了
你friendzone 佢睇佢想唔想繼續做朋友囉
佢唔想都無辦法了，因為人地一開始就唔係為友誼而對你好😅😅，世事唔會咁完美，除非佢唔想放棄，仲想追下你
介唔介意講妳點知？
當妳講「有目的」，妳已經失左真誠相處既感覺，唔容易返轉頭，用另一個方式交往吧。
得閒派下軍糧比佢，行街得閒用手踭掂下佢，坐車時扮訓捱落去
點接近先做到漫無目的地接近
我同我老婆既關係又係唔係純粹
真心想問
拿........其他野我唔敢認有幾叻 講到當兵........我認第二都冇人敢認第一架啦...........老老實實 收唔收兵先......
佢一路都唔係當你朋友⋯完。有冇得做朋友根本係一廂情願，對佢好的話講清楚會好啲。然後至少隔返幾個月冷靜吓，之後就算傾返偈都一定要明確咁樣表明冇興趣，要做朋友的話就唔可以有嗰啲諗法（eg你有可能會喺佢面前講你溝其他仔），佢搞唔掂的話就冇辦法。
當然你想keep住模糊都冇所謂嘅，最多俾人當你收兵🙈
「唉收左隻兵，佢無啦啦表現到好似想溝我咁，我拒絕又會冇左隻兵，唔拒絕但我又唔想同佢一齊，我要點先可以唔同佢一齊又一直keep住隻兵呀？
心急人上」
到底點先算係“冇目的的接近”？？
同埋如果你覺得同佢相處嗰個感覺係幾好嘅話
咁你總算對對佢有一啲好感
只係個好咁未到你想佢做你男朋友嘅程度啫
講真你中唔中意佢，其實係冇所謂噶
但係，妳咁樣話人係有目的咁接近你
講真個目的係咩啫？追你？扮朋友追你？
一齊相處有喜歡好正常
但喜歡唔一定要變成男女朋友
可以係喜歡一齊嘅感覺
可以係開心 歡樂 同頻
你唔想發展咪得
就睇下你想fd到咩地步遮
講清楚就ok