最近網民一次過選出咁多年嚟TVB最令人有陰影嘅角色。結果二十年前喺《法證先鋒》入面我飾演嘅鄭曉東，竟然有份入選。

《法證先鋒》係2006年出街，真係足足二十年。記得嗰時我主力仲係做司儀，但心裡面好想試吓拍劇，所以成日唔怕面懵，走上戲劇科逐個監製敲門，毛遂自薦。咁多個監製入面，最大膽起用我、用得最多嘅，就係梅小青監製。

當年佢搵我做第一輯《法證先鋒》裡面呢個連環變態姦殺犯鄭曉東嘅時候，我真係嚇咗一跳。

但後尾我明咗，原來做奸角，反而比做好人更赤裸。只要不遺餘力咁投入去演，面目幾恐怖、幾猙獰都唔緊要，唯一嘅目標就係要觀眾睇到心裡發寒。我好多謝劇本寫出一個咁精彩嘅角色，多謝幾位幕前對手帶我入戲，更要多謝後期剪接同音樂，將嗰種不安推到極致。我相信監製事後都滿意——搵我呢個官仔骨骨、點都唔似變態佬嘅人，去變成一個咁令人難忘嘅鄭曉東。

二十年過去，鄭曉東依然不斷被網民提起。我成日諗，一次客串嘅演出，換嚟咁多年嘅迴響，係一種好深嘅緣份。

如果若干年後，大家仲記得我呢個角色，甚至講句「細個俾佢嚇親」——我反而會覺得，絕對係一份好溫暖嘅肯定。

希望到時，我依然係大家嘅童年陰影。

#法證先鋒

有一幕你坐喺屋企，著咗射燈聽住音樂，笑住咁欣賞啲膠袋，老實講我依家諗起都覺得好驚

依個角色令人心寒，但同時好立體，當時劇本冇就咁寫佢係變態佬，而係講佢童年因媽媽同二奶爭執時被殺，引發佢要殺害所有有墨誌的女人。臨尾林文龍仲話，如果早接受輔導，可能今日已經康復，仲可回饋社會，令人睇到角色的可悲

嘩，你真係記得好清楚！厲害！👍🏼👍🏼

因爲我都記得係有美人梽嘅女人
而Jacky仔係做你童年

😮😮

就係要官仔骨骨、望落唔似變態佬嘅人先可以做到劇情嘅反轉，你真係做到嗰種感覺，carry 到個角色！法證先鋒1我都睇咗N次，但係每次睇到呢單case 都硬係有啲驚

鄭曉東同章記鬥智鬥力真係好精彩

每次睇到章記死咗都會眼濕濕，眼淚浪吓浪吓🥹

我都係，楊英偉演得超好

我記得你當時好似唔係好鍾意做嚟做去都係壞人……

但係……成套《法證先鋒》，最深印象嘅，係你
我連你係戲裡面嘅名，鄭曉東都記咗20年，當時，我12歲
做得最好嘅，都係你，第二個係你嘅對手楊英偉

我應該會寫一篇……應該挺長……

變態得嚟完美犯罪
痴線得嚟心思細密
唔係佢自己特登keep起D戰利品
都唔會告得入

所以我覺得其實可能我隱藏着變態同黐線嘅特質！😳

點解要留啲膠袋係個樽到？

黃生 記得你以前喺K100同吳家樂一齊扮鬼扮馬嗰陣都相當好睇架

都暴露年齡喎！🤭🤭

原來係你！ 係咪姐係喺胡定欣塊面畫交叉同埋腳甲油晒白色果集？

唔係嗰集喎，呢個係法證先鋒第一輯，第12至第14集

謝謝你 一陣煲多次先😬🙏🏻

細細個睇真係好有陰影……
劇入面嘅你講大話講到催眠埋自己……呢個仲勁

好驚訝呢個奸角睇到我咬牙切齒 唔會希望你當時經驗尚淺 直頭覺得係專業演員

希望你每一次翻看都繼續咁咬牙切齒就好啦

唔好意思 淨係睇相已經好驚🙂‍↕️🙏🏻 但咁證明你真係做得好好

蒙嘉慧都係咁冇左個好伙記🥲

我好似對你呢個角色有印象🤣🤣

咁驚唔驚先？🤔🤔

還好🤣🤣
唔係話你做得唔好 不過我覺得未算真係好驚🤣🤣

其實唔得人驚……
小丑得人驚啲
蔡子健做得幾好

咁巧早排先重煲完✅你拍的drama不多，但這個代表作顛覆了在觀眾心目中的形象, 可惜拍完就淡出了。你和章記係相輔相成，章記越慘就越顯得鄭曉東夠奸，在醫院扮無辜嫁禍章記個場戲最impressive， 神情演得好到位。這個角色好高智慧，你唔keep住d膠袋當戰利品真係完全沒可能入到你罪

其實我最鍾意都係醫院嗰場戲，自己真係越跑越激動喊咗出嚟，嗰刻真係知道乜嘢叫做入咗戲

印象深刻的案件，那時候一直在想：哇，演得真逼真，好恐怖啊
(我指戲裡的角色 🤭)

當年我六七歲😅已經嚇到⋯二十幾歲睇返都覺得好恐怖

呢個真係童年陰影，就算而家大個咗睇返，都係驚🤣 做得好好🤣🤣🤣🤣

方法演技

木村幾有型

https://zhuanlan.zhihu.com/p/464360546

謝謝你，我也是現在才知道有這段報道，將整個故事完整地呈現出來

當年11歲，成套戲我最深刻都係呢一幕😂 真係童年陰影😂😂

殺死章記仲要屈佢

我最叻屈人😱

@tommy0617_

我到而家間中都仲會睇返，你啱啱出場嘅時候完全估唔到你個角色係兇手

咁梗係要故弄玄虛㗎啦！😅😅

法證先鋒其他案未必記得 但一定記得呢單 ！！

Wow!! 🫢🫢

細個睇真係有啲陰影🤣🤣🤣🤣

你做得夠賤😆

好陰狠，好驚。

記得😂😂😂😂

細細個睇真係好驚🥹

確實，呢個角色令人印象深刻

你用個膠袋笠住人個頭真係好變態

但係最尾原來係唔知用啲咩就可以焗返啲人個樣喺膠袋出嚟嗰下真係好恐怖
同埋好有創意