最近網民一次過選出咁多年嚟TVB最令人有陰影嘅角色。結果二十年前喺《法證先鋒》入面我飾演嘅鄭曉東，竟然有份入選。

《法證先鋒》係2006年出街，真係足足二十年。記得嗰時我主力仲係做司儀，但心裡面好想試吓拍劇，所以成日唔怕面懵，走上戲劇科逐個監製敲門，毛遂自薦。咁多個監製入面，最大膽起用我、用得最多嘅，就係梅小青監製。

當年佢搵我做第一輯《法證先鋒》裡面呢個連環變態姦殺犯鄭曉東嘅時候，我真係嚇咗一跳。

但後尾我明咗，原來做奸角，反而比做好人更赤裸。只要不遺餘力咁投入去演，面目幾恐怖、幾猙獰都唔緊要，唯一嘅目標就係要觀眾睇到心裡發寒。我好多謝劇本寫出一個咁精彩嘅角色，多謝幾位幕前對手帶我入戲，更要多謝後期剪接同音樂，將嗰種不安推到極致。我相信監製事後都滿意——搵我呢個官仔骨骨、點都唔似變態佬嘅人，去變成一個咁令人難忘嘅鄭曉東。

二十年過去，鄭曉東依然不斷被網民提起。我成日諗，一次客串嘅演出，換嚟咁多年嘅迴響，係一種好深嘅緣份。

如果若干年後，大家仲記得我呢個角色，甚至講句「細個俾佢嚇親」——我反而會覺得，絕對係一份好溫暖嘅肯定。

希望到時，我依然係大家嘅童年陰影。

#法證先鋒

好陰狠，好驚。

有一幕你坐喺屋企，著咗射燈聽住音樂，笑住咁欣賞啲膠袋，老實講我依家諗起都覺得好驚

依個角色令人心寒，但同時好立體，當時劇本冇就咁寫佢係變態佬，而係講佢童年因媽媽同二奶爭執時被殺，引發佢要殺害所有有墨誌的女人。臨尾林文龍仲話，如果早接受輔導，可能今日已經康復，仲可回饋社會，令人睇到角色的可悲

就係要官仔骨骨、望落唔似變態佬嘅人先可以做到劇情嘅反轉，你真係做到嗰種感覺，carry 到個角色！法證先鋒1我都睇咗N次，但係每次睇到呢單case 都硬係有啲驚

我記得你當時好似唔係好鍾意做嚟做去都係壞人……

但係……成套《法證先鋒》，最深印象嘅，係你
我連你係戲裡面嘅名，鄭曉東都記咗20年，當時，我12歲
做得最好嘅，都係你，第二個係你嘅對手楊英偉

我應該會寫一篇……應該挺長……

變態得嚟完美犯罪
痴線得嚟心思細密
唔係佢自己特登keep起D戰利品
都唔會告得入

點解要留啲膠袋係個樽到？

黃生 記得你以前喺K100同吳家樂一齊扮鬼扮馬嗰陣都相當好睇架

原來係你！ 係咪姐係喺胡定欣塊面畫交叉同埋腳甲油晒白色果集？

細細個睇真係好有陰影……
劇入面嘅你講大話講到催眠埋自己……呢個仲勁

唔好意思 淨係睇相已經好驚🙂‍↕️🙏🏻 但咁證明你真係做得好好

蒙嘉慧都係咁冇左個好伙記🥲

好驚訝呢個奸角睇到我咬牙切齒 唔會希望你當時經驗尚淺 直頭覺得係專業演員

咁巧早排先重煲完✅你拍的drama不多，但這個代表作顛覆了在觀眾心目中的形象, 可惜拍完就淡出了。你和章記係相輔相成，章記越慘就越顯得鄭曉東夠奸，在醫院扮無辜嫁禍章記個場戲最impressive， 神情演得好到位。這個角色好高智慧，你唔keep住d膠袋當戰利品真係完全沒可能入到你罪

我好似對你呢個角色有印象🤣🤣

當年我六七歲😅已經嚇到⋯二十幾歲睇返都覺得好恐怖

印象深刻的案件，那時候一直在想：哇，演得真逼真，好恐怖啊
(我指戲裡的角色 🤭)

木村幾有型

呢個真係童年陰影，就算而家大個咗睇返，都係驚🤣 做得好好🤣🤣🤣🤣

方法演技

當年11歲，成套戲我最深刻都係呢一幕😂 真係童年陰影😂😂

殺死章記仲要屈佢

https://zhuanlan.zhihu.com/p/464360546

@tommy0617_

我到而家間中都仲會睇返，你啱啱出場嘅時候完全估唔到你個角色係兇手

法證先鋒其他案未必記得 但一定記得呢單 ！！

細個睇真係有啲陰影🤣🤣🤣🤣

你做得夠賤😆

記得😂😂😂😂

細細個睇真係好驚🥹

確實，呢個角色令人印象深刻

你用個膠袋笠住人個頭真係好變態