最近聽到好有力量的一句說話：
「如果一隻鹿 為左躲避獅子而匿埋，咁佢就係垃圾嗎？佢只係用自己嘅方法求生而已，你都係一樣，為左繼續生存落去而匿埋。唔理你睇落去幾可悲，狼狽，你為左生存所做嘅一切，都係勇敢的。」
喺呢個娑婆世界（苦難世界）入面，生存本身就係一場極之艱難嘅修行。你覺得自己需要「匿埋」，呢種行為喺佛法入面可以睇成一種「護念」。佛陀教導我哋要珍惜「人身」，因為人身難得，係我哋覺悟嘅唯一工具。你為咗守護呢個「工具」而避開獅子、避開傷害，呢種唔係懦弱，而係一種守護「覺悟種子」嘅大智慧。
如果你喺受傷或者迷惘嘅時候，需要「勇敢」呢兩個字作為藥石去醫治心入面「自卑」嘅痛，咁呢兩個字喺當下就係最有力量嘅真理。就好似過河需要用船，喺你仲未渡過苦海之前，呢份對自己嘅肯定同慈悲，就係你最重要嘅法船。
唔好覺得自己「可悲」，因為喺如來眼中，眾生皆具佛性。當你為咗生存而努力，當你學識喺傷痛入面溫柔咁擁抱自己，嗰份求生嘅本能，其實就係佛性最純粹、最原始嘅顯現。
你為咗生存所做嘅一切，都係對生命最崇高嘅尊重。當你能夠慈悲咁對待自己嘅「軟弱」，唔再用世俗嘅標準去審判自己，你其實已經開咗一扇大門——通往自愛與覺醒嘅大門。
慢慢行，唔使急。喺你覺得需要匿埋嘅時候，就安心咁護持自己嘅心，呢份對生命嘅堅持，本身就係一種無上嘅功德。
匿埋唔係垃圾，而係本能
但係你會將自己同動物比較？
但如果你係人類，如果你克服唔到本能你絕對唔會係
＂勇敢 ＂
你應該面對隻獅子，尊重佢享受同佢戰鬥，
而唔係讚同匿埋嘅＂勇氣＂嘅嗰一種趨樂避苦動物本能。
假如我係一個好驚俾人批評嘅人類，
明知道匿埋好可能會俾人（包括自己）批評，我都選擇匿埋
好似都有少少勇敢
正正因為習慣咗保守，所以要打破呢種習慣。
做一個真正勇敢嘅人，咁你以後講勇敢就自然乜都唔使加。
佢唔會係垃圾，而如果無獅子迫害，佢可以做一隻昂首闊步閃閃發光嘅鹿。
任何一個為生存而努力嘅生命
佢過嘅每一分每一秒都係堅持
值得尊重同鼓勵🕊️