📌 最近聽朋友分享
共 53 條紀錄
最近聽朋友分享

佢有個親戚
有兩個小朋友，家姐讀中四，細妹讀小六
兩個平時都好friend
家姐同細妹，最近都俾警察拉咗
好似話喺超級市場偷嘢
事原係家姐曾經見過超級市場嘅職員可以用職員證更改貨品價錢
最後兩姊妹，家姐扮同職員講嘢，妹妹影低咗張職員證
每次去買嘢都更改價錢，實現零元購
好似仲做咗唔止一次
最後俾警察拉咗
而家屋企人唔知點算？
可以點部署
咁樣係詐騙，仲要有預謀嗰隻，嚴重過就咁店舖盜竊好多
有錢嘅快啲去搵私人律師傾下，冇錢嘅第一次過堂可以去搵當值律師申請押後，然後聽下律師意見睇吓點，一般控方唔會要你第一堂就答辯，千祈唔好第一堂就去認罪
用職員證更改貨品價錢？唔太明。
俾錢果陣都係要嘟架。
唔同俾錢時俾職員證個收銀改價錢？？
都算係高智能罪犯…咁細個就有呢個念頭，要好好教育佢哋🥺
高智能？有cctv架大姐，
請問佢兩個有無包到實呀？
你包實走去問人職員，人地都覺得怪啦。
你唔包實，人臉識別又搵到你。
你用人地職員證，人地仲可以鎖定埋返工時間。
一睇就知。
否則超市尿可樂阿伯點捉。
佢地係醒就應該叫同學包到實，叫人地用一兩次之後金盆洗手，叫同學分贓，甘就未必捉到佢本人🤭，甘佢就真係高智能啦。
家姐同阿妹都細個，或者都可以搵律師同控方嗰邊試吓傾簽保守行為。
如果朋友親戚冇乜錢嘅，就試吓幫小朋友搵duty lawyer。如果有錢嘅可以搵律師試吓快快手手試吓傾簽保守行為。
我自己都做律師㗎，有咩問題可以PM我👍
妹都仲可以求情話自己蠢又聽左家姐講
家姐…十幾歲已經識策劃偷野/呃錢，大左咪搞埋d大騙局出黎？依d人唔捉佢坐返排都唔識驚
有錢咪揾律師 有悔意 xxxxx 網開一面
無錢就預左 負上法律責任
如果一般偷野，未成年+心理狀況+家庭背景求情未必判太重，
以前做part Time 見過有d未成年因為屋企人話想佢讀書保持清醒所以唔比飽飯佢食所以偷左特價櫃蛋糕，呢個我記得簽左守行為
但呢個係預謀有曬計劃，個妹有機用年齡因素+考慮家庭因素聽從家姐安排都所以有機輕判（即係家姐為主要照顧者，阿爸阿媽長期出去做嘢擺低嚿錢俾家姐處理嗰啲）
家姐就真係難搞，求情都未必幫到佢，除非佢作為主要照顧者，但父母無比足夠金錢比佢照顧自己同個妹，但呢個情況會好複雜，個官亦都未必會受理
所以認罪可能會比較直接
有d人係覺得個細佬食飽就會訓教
個人會變懶進度跟唔上所以要食半飽，
考曬公開試先可以食飽
我記得佢老豆老母喊住話出年考完文憑試點食都得啦
五請律師個大嘅就入硬女童院，求情都有個條件，就係洩及金額大五大，如果大嘅，入就入硬啦，不過律師可以求情坐少啲
要揾律師呀
我最近去參觀過女童院，其實環境都唔太差，似家舍。當然希望判佢哋唔使去，不過若然要去也不用太擔心。
叫你親戚了解吓到底佢兩個點解要咁做先 經濟原因定心理原因？
貪玩都好啲 最怕係心理出現問題 咁細個兩姊妹已經會諗計去呃人 肯使錢搵律師九成係可以解決
小六盡量警司警誡了事；中四，睇下點自簽擔保，咁會無案底，重新做人
偷竊罪，如果初犯未成年，一般都係警司警戒，可以同法庭申請守行為+免留案底。但係呢個家姐嘅行為，唔係盜竊咁簡單，有欺詐嘅成份，所以未必可以相提並論，要睇律政司嗰邊點樣告佢。
有預謀、15-16歲、詐騙、多次犯案，長官好難放過，請律師同搵定求情信
唔好喺差館亂講嘢
唔好喺差館亂講嘢
唔好喺差館亂講嘢
咁識舖排，
個家姐比偷竊嚴重好多！
將來重犯機會好大，
而且唔排除會逐步升級！
正wor 早點比人發現 早d可以回頭 都係好事 好過大個先比人捉到
做錯就要承擔責任呀…
個親戚唔知可以點算？
檢討自己點教育啲細路囉..
唔明點樣零元購，那麼個個職員用自己張員工證都可以啦😅
認罪，家姐會入女童院，細妹因未夠刑事年齡會接受感化。
佢哋應該係偷得太狼&愈來愈密俾back office周到
如果佢哋去唔同鋪買嘢，兼唔改咁密，未必會被發現。
判家姐入女童院就啱，否則將來做詐騙犯。
感覺很聰明 但用錯地方
但這是有預謀 有計劃的犯案
還帶著小六心智年幼的妹妹😑
呢啲一定係去搵律師諮詢
千祈唔好估估下
要聽專業分析意見
其實咁細個 已經諗到呢個諗法
真心幾勁 🫢
聰明總被聰明誤，佢地諗到呃電腦，諗唔到 D 帳目有人 audit，食嘢要找數