最近見到一個戀愛觀
覺得真係好正
佢叫「貓媽媽理論」
佢話：我愛我隻貓
我唔會因為佢仲細
唔識搵錢 就對佢發脾氣
亦唔會因為佢扭計 就用自己壓力大嚟情勒佢要佢乖
我只會喺返工返到成個人散晒嘅時候
返到屋企問佢：你今日乖唔乖呀？食飽未？有冇掛住我？有冇愛我呀？
你睇下 愛一個人 就係咁簡單
愛你嘅人 只會希望你過得好
而唔係要你幫佢孭起佢嘅攰 佢嘅壓力 佢嘅責任 佢嘅情緒
我明白用貓嚟比喻人未必個個接受 不過我想講嘅係：真愛一個人 係想佢好 而唔係要佢幫你孭起你嘅情緒同壓力
你對佢好 佢係會感受到嘅 人心都係肉做架嘛
愛本來就唔係計對等 而係你願意溫柔對待一個人 唔需要理由 呢個先係我想表達嘅🙂
親生貓媽媽會教貓寶寶 屙屎屙係邊
點樣取悅人類 可以換來一生飯票
Yes,
我同意養貓會令人類練習唔好對其他object 咁多期望。
但唔好唔記得，事實上係因為我哋剝削咗寵物嘅自由，所以我哋承諾用照顧佢一生去換取佢嘅陪伴，大家都在等價交換。
但人同人相處唔同，
如果你覺得要無條件愛一個人，
即是你都期望其他人咁對你。
（你可以唔承認，但呢個係人性。）
但現實就唔會有任何人可以無限地無條件輸出愛同接納，因為只要係人都會攰，唔係神。
同貓咪相處我學到嘅，
學習佢哋嘅真性情，鍾意就鍾意，唔鍾意就唔鍾意。
我接受佢嘅西、嘈、食極唔夠麻鳩煩，佢都（被逼）接受我成日煩鳩佢困住佢。
我哋唔同性格，甚至唔同物種，但唔妨礙我哋嘗試融入大家嘅生命。
他人即地獄係事實嚟，
只要同任何非我生物相處都係痛苦，就算係最可愛嘅貓咪。
但我哋喺同唔同人或生物相處上，
學識陪伴帶來嘅愛、代價、責任。
然後透過愛人同被愛嘅經歷，了解自己，成為一個完整又獨立嘅人。
呢個觀念重點在於不求「貓」嘅回報
咁「貓媽」嘅攰 壓力 責任 情緒又可以走去邊
係咪一生都要擔當照顧嘅角色
如果係自我犧牲型，當我無講任何野
自己去體悟囉 你我經歷都唔同
你唔係我 我亦唔係你
呢個係咩新一代心靈毒雞湯💩
只想享受好處但唔想承擔責任
咁都要有其中一個係貓媽角色，如果兩個人都係貓仔心態呢，咁點搞呀😹😹
人對貓百般包容係因為對隻貓0期待，唔洗佢番工番學，永遠係唔識長大既bb
咁人呢，如果咁大個人都唔識係一段關於互相扶持，就算親生呀媽都唔會咁寬容
我係一個男仔 有責任有擔當點會可能係貓仔
喺呢度只係想講一個愛情觀 愛人如養貓😹
當隻貓識講嘢，對你表達期望，同有自己社交圈子同社交preferences等，咁就唔會咁簡單了。
我其實都覺得你講嘅嗰種關係係好好，不過有少少oversimplify咗人同人關係，嗰種有好多layers嘅互動同期望。
就好似有啲人會物化人，因為咁樣諗就好似唔駛去面對對方都有自主思想同情感。
乜嘢歪理😂就算係隻貓都要對佢嘅日常生活負責任啵 更何況係另一半 一啲責任都唔想不如唔好拍拖啦🙂↕️
人唔係貓，當一段感情只有你一個人單方面付出，另一方面take it for granted ，你遲早會頂唔順。
如果你搵錢好辛苦，
返到屋企淨係見佢攤喺度，
你想去求安慰，
佢好似隻貓貓咁費事睬你行開。
係咪真係可以咁愛呢個人呢？
我有所懷疑
始終寵物就係寵物。
愛情呢啲嘢 一百個人有一百種諗法啦 每個人行嘅路都唔一樣
我只係講自己嘅感受 冇話要說服邊個 亦唔係咩毒雞湯🙂
要引述一下《情動於中》嘅內容
//什麼是Amae/依愛？日語Amae沒有中文或英文的直接對應翻譯，它源自動詞Amaeru，指依賴他人的行為，Amae則指與這些行為相應的情緒。
FrankA Jolnson將之翻譯成‘’indulgent dependence，” 即一種溺愛式的依賴感；黃恒正將之翻譯成「依愛」，”意即因著依賴他人而產生的愛的感覺，「依愛」能將Amae跟溺愛與依賴細微的相似與差異之處表達，是目前為止最好的翻譯，因此下文將使用「依愛」翻譯Amac。
依愛之情最先體現於母親與嬰兒的關係。//下面再續
//”一般來說，嬰兒不會亦不懂得表達自己的要求，他只會被動地失聲痛哭，讓母親主動去體察他到底是肚餓、疲倦或是想得到擁抱。他亦不會考慮自己的要求是否合理，不理會身處什麼地方或母親是否做得到。對於嬰兒的無理要求，母親不單不會加以責備，反而會感到被依賴的快樂，同時認為自己應該無條件地溺愛嬰兄，而嬰兒亦因可以任性地依賴母親而產生一種甜蜜的感覺
依愛有兩個特點：一，它是被動的希望別人主動體察自己的需要，即不是我告訴你我想要X而你為我做X，而是我希望我不用明言我想要X，但你依然能察覺到我的需要而主動滿足我。二，它常常包含不合理的要求，但這種不合理的要求卻被視為正面的和可貴的，這從Amae的字根Amaeru所演化的形容詞Amai（甜）得到印證；Niiya、Ellsworh和Yamaguchi的研究亦指出，當面對代表依愛的不合理要求時（例如朋友請你幫忙修理電腦、照顧寵物、提供住宿），日本人比西方人感到較多和較強烈的正面情緒。這種依愛之情其實並不只存在於目本人身上但是，日本人卻將這種依愛之情延伸到成人的關係當中，不單是母于單係，情人、朋友、老師與學生，甚至是上司與下屬之間，也出現如母子間的依愛
你隻貓會唔會叫你落去買外賣？消失兩日又返屋企？
交水費？BB借少少錢嚟？每小時問你係邊？偷睇你電話？出軌？
如果要畫等號嘅話咁至少呢個另一半外貌上同貓可以相提並論先