📌 最近見到好多post
共 57 條紀錄
最近見到好多post 話做公務員冇意義浪費人生
但有幾多人大過先發現原來自己係一個普通人
屋企冇backup support
同埋私人工你過左三十未上到位又俾人嫌你年紀大
就算出到去返工正正常常都搵唔到大錢
你估真係咁多人中之龍
同埋好多撈得掂既朋友 你望埋人哋屋企背景先
可能做過幾年先入政府
唔會對私人公司咁多幻想
出到去做嚟做去得兩三萬既都一大堆人
補充返
叻人就出私人市場好d
普通人又唔叻又唔捱得又冇特別技能
唔想中年做保險sales 保安就入政府會穩定d
唔怕同大家講
我不時都會發夢夢見自己雄心壯志辭職去返私人企業返工
跟住俾人炒左 冇錢交屋企生活費
跟住嚇醒
人到中年最怕窮同病
俾人話垃圾冇料冇面工作冇意義我已經完全唔在意
好多廢柴自為自己醒
就算醒
唔代表比高人工
一樣壓榨你
做公務員嘅玩法就係賺錢去支持自己去進修或發展一啲興趣。
絕對認同
有大學同學想當年做私人公司
其實真係搵到錢
嗰時兩公婆確實月入幾多就唔知
不過佢哋可以買到層2000幾萬嘅樓
收入一定唔少
不過近年AI盛行 經濟又差
兩公婆公司都大規模裁員
呢排佢哋勁擔心 好有壓力
最近諗住換層細啲嘅樓 cut咗工人 賣咗架車佢
另一個大學同學做政府工 月入10幾萬
日日準時放工
早十年前開始 專買啲細價樓 出租俾人
而家有幾層樓已供完 齋收租
放工就去進修吓自己有興趣嘅嘢
呢個同學就真係可以work life balance啦
我自己嗰陣時啱啱大學畢業都會覺得做政府工好悶冇挑戰性
所以都冇去in 年少無知
而家就真係知道政府工嘅好處

我覺得你都唔好太多幻想，政府工咁易入咩？🤣幾萬個人先請幾十個🤔
咩grade都一樣，用最低級文職ca為例，申請人數接近2萬，最後只取錄左幾百人，想問下有咩grade係易入？（警察散仔唔計）🤔🤔
有人工就有意義
到做私人工人到中年俾人裁就唔同講法
有時見人到中年先想入政府
又後悔遲入
大病長期病假又唔怕有說話聽
有啲野唔係用錢去衡量
我認識大部分既公務員薪俸收入無錯係穩定
不過IQ卻令人擔心
一班無憂無慮既人長遠黎講會好似農場裡面啲豬咁
養得太肥連行都行唔郁
私人係肥上（top 3-5%) 瘦下，除非入到，否則政府中層人工比私人高得多
政府做個衛生督察做得耐都6萬多，私人，以銀行為例，匯豐可能已經係經理打上了
做文職已算好了，有些跑街的，户外的，好天曬，落雨淋，還有些要勞力的，也只是為了兩三萬養活自己，生活真的不容易。
我成日都叫朋友去考政府工，睇清楚自己咩料先，政府工/私人工，都係打份工姐，如果自己私人工都睇唔到前景，咪求穩定算，將d雄心壯志擺落去d興趣度。
有時我都明好多人話公務員廢，又話乜野d公務員出番黎已經唔夠料，我就奇怪，講得呢d野既係想份工係多野做但係人工低？同埋人地做得公務員，就係唔諗住出黎架啦，人地出得黎九成有打算啦😂
10個有9個細個都幻想自己係主角，人中之龍，點知大部份過咗30歲，先驚醒自己係一條蟲，後悔無早兩年考政府工，以上係九成香港人嘅心聲，不報來辯🤣
有邊份工真係「好有意義」呀？呢個世界就係巨大嘅草台班子（二打六）只係大家都好有默契互不揭穿罷了🙂↕️
成日話公務員廢，難入到咁，入到再講啦…
所以你的人生只有錢
你的快樂只有係物質生活帶嚟俾你嘅野？
冇穩定嘅工作學人講人生意義，成世人都喺搵工嘅路途上又有意義咩😅有穩定嘅工作，先可以醉心自己嘅興趣囉，先可以學人講意義
真理🚬🚬
小弟食哂屎宜家覺醒了
無錢真係唔好學人講理想
然後你會發現所謂嘅理想
幾乎都需要用錢搭出黎
去到咁上下就會發現
點解唔後生就考公務員
那怕只係一個普通文職
番政府定私人工都無意義架啦 除左你做到好似黎生咁 人在世最重要既意義係番工
認同你講嘅野
但都聽過朋友講入面好多白卡，d文化好toxic，唔係個個頂到
想調部門又難，只係申請已經會通哂天，又難轉返私人市場，都好慘
啲公務員返工冇野做
係日日講八卦野講人是非
你係高層佢哋就當你神咁拜
如果你係低層唔合群或者N仔外判
日日俾人欺凌都唔出奇
講到做私人公司個個前途一片光明大把世界咁。私人市場九成職位都係中低層俾資本壓榨
無大志先做公墓員
明明出面大把世界
將自己困係個小圈子入面
永遠無得超越自己
如果我有呢啲後代真係喊三聲
翻工浪費人生就一定
但私人市場加唔加人工就自己過事
依家私人市場都咁缺人
一個能能力叻仔既人
20k入行跳上40-60k 好多都係1-2年既事
私人工一定係好玩啲，又可以轉下工，如果我屋企有錢我都唔會做政府⋯⋯奈何我要穩定收入，悶住都要做，勸後生仔唔好咁早考，因為入咗就一世
我成撚日都唔明白啲人講咩返工要搵到咩意義？如果你同我講做社工緊急服務醫療，又或者喺spaceX，neuralink呢啲改變緊人類未來嘅公司就話啫。返份濕鳩公司有咩撚野意義搵到？其他一律都係睇錢返工架啦，啲on9醒未？
唔好對私人同正苦工咁多幻想，返工都係伏嘢多，最緊要有穩定收入。正苦而家縮編制，將來會更難入。
其實點解公務員就一定冇意義？公務員可以係工程師，消防員，AO，社工，律師，好多職位都幫到人幫到社會架喎，同埋好多職位人工都高(10萬+），去私人公司唔一定揾得多d
公務員唔等於ACO喎
工作只係求生存/生活嘅工具，不一定用作尋找意義嘅地方⋯
先要work life balance 才能有時間尋找意義
提外話，試過喺疫情期間戴住csi口罩喺餐廳食飯，比個打扮男性化的女士話我垃圾😂
同意你睇法，不過又唔需要美化咗自己無行嘅路 …自問自己性格fg做公務員都係會年少氣盛 嫌風氣官僚 捱唔住3年
有時路都係行下行下就係咁撞出嚟
人各有志，入政府做野都可以認真有能力，待遇方面除了人工還有偉大的醫療福利，私人市場都無咁好…
入唔到就淨袋啦
On9
個個都咁
正宗吸吮民脂民膏
自己幾多斤両自己知？返工啲咁樣嘅嘢都係求財，乜撚嘢冇意義浪費人生丫？你搵到錢咪大把意義囉。你搵到錢就可以用啲錢嚟製造啲意義出嚟㗎啦。
份工咁撚有意義，但搵唔撚到錢，你放咗工搵個錢刮痧都冇，人生又好撚有意義咩。
冇病冇痛食好訓好去廁所順利，夠錢玩到鍾意自己玩嘅嘢買到自己鍾意買嘅嘢，咪夠囉。
最緊要唔好欠債，唔好為咗啲面子，供埋啲自己唔係咁需要用嘅嘢。
細細個就畀人呃
有幾多個由做超市執貨 升到乜鬼ceo嗰啲
咪就得嗰一個
冇問題
但入到去就應該自認平庸，係呃飯食
又要串人考唔到眼紅佢，又話自己工作有意義好忙，又話冇overpaid
唔好又要做g又要攞貞節牌坊丫
公務員？ 入面你面對是 hea人炒不動 的景地，又留難合約工，入面做都有難度呀 葉師傅~
做私人公司牛馬又好有意義咩？
你出世嗰刻已經決定咗你人生九成時間有無意義。
有信心自己能力above average一定係做私人
不過聽講依家政府工都有一定quotas要請陸陸人😗
大陸體制內d工係講關係 唔知不久既將來香港會唔會都係咁
班小朋友冇遠見啫，俾你四十歲捱到公司中高層月薪十萬，一個唔覺意公司執咗或者重組冇咗份工，屋企又有老婆仔女工人，外面請人又唔會請中坑，到時食得屎，幾多人因為咁攬住全家一齊死