最近記起以前download GBA game 落電話玩嗰陣用開某個大陸網站，入面印象最深刻嘅係佢個blog。

網站主人有寫到自己run呢個網站嘅原因：
佢仲讀緊小學嗰陣，屋企人嘈離婚，老母要爭撫養權。
但係老豆唔想讓步，決定收埋個仔，而且同佢講：嚟緊好長一段時間你都無得出街，你可以喺Gameboy同NDS之間揀一部遊戲機。

嗰陣仲細嘅佢唔明白呢句說話嘅含義，只係好單純咁諗：如果好長時間嘅話，咁一定係揀Gameboy，因為多game玩。留言續

佢老豆嘅行為好聽啲叫收埋，實際上係軟禁。

由小學到成年呢段時間，佢無出過一次屋企門口。
無翻學，無朋友，無網路，乜都無。
得一部Gameboy同佢老豆買俾佢嘅一大堆game帶。

即使後來佢成功逃離咗佢老豆嘅控制，但係佢已經得翻Gameboy呢個朋友。

所以就算Gameboy已經係一部過氣嘅遊戲機，佢依然會run呢個網站，緬懷過去生活中唯一嘅陪伴。

想問下大家有無見過呢個網站，好想睇下佢仲有無更新個blog。