📌 最近返緊街舖飲食業，
共 66 條紀錄
最近返緊街舖飲食業，發現客人嘅payment method成呢個比例：
現金10%
八達通 50%
Alipay 40%
意外嘅係而家由1x歲到30歲之間有唔少人都用alipay，而學生基本上99%都係比alipay。明明自己身邊社交圈子完全冇人用alipay比錢，但現實就係下一代已經比大陸生活方式佔據咗。呢種社會根基被無聲無息蠶食嘅感覺好無助🫠

Alipay唔洗銀行戶口
對學生 friendly …..
由細路入手是定律
八達通自己又唔爭氣
你睇下幾多舖因為手續費問題開始唔肯收🙃
Alipay對十八歲樓下比較友善，就算冇Link銀行户口都可以落七仔OK增值，而又因為手續費原因好多商戶肯收，所以好自然搶佔咗市場，怪就怪八達通早年唔肯改革。
咁我唔鍾意現金八達通增值又麻煩你想我點撚樣姐，係咪想揀個方便啲既電子支付都唔撚得姐，係咪要咁撚專制姐
咁可能係因為你個舖頭冇得用信用卡
個個都係諗住用信用卡增值電子錢包儲分
所以先至用嗰個電子貨幣
唔關咩大陸生活方式事
你間舖無信用卡，咁我用WeChat pay 或者Alipay就可以扣信用卡
的確係咁
我都唔明家陣啲細路點解咁鍾意支那宝
其實啲父母都有啲責任
我自己就信用卡>八達通>現金
喺香港真係一次alipay都冇用過
利申90後
Alipay有積分回贈、有時會有商戶優惠卷，都好難怪愈黎愈多人試過就返唔到轉頭
特別係對八達通無綁信用卡自動增值個班
家長又可以係alipay wechat直接過數俾零用錢俾小朋友 試過好多次啲小朋友唔夠錢俾 即刻打俾屋企人過數 呢個就八達通做唔到嘅嘢
閣下係咪過於敏感
連payment method都可以扯上「大陸生活方式」😂😂😂
係咪永遠引起呢種對立先博到views
甚至用嘅platform已經叫alipay HK
唔係咩wechat pay
至於點解多人用Alipay
1:開設Alipay account門檻低
所以好多學生都能夠申請到account
所以先會普及
2:因為疫情養成嘅習慣
疫情期間唔鼓勵使用現金
久而久之啲人咪習慣用e money
所以今時今日多人用alipay完全唔出奇
3:貪方便
比起喺個袋摷個銀包出嚟數cash
alipay直接show個code就搞掂
又唔使找錢收埋銀包
所以我真係唔明科技時代進步緊嘅時候
竟然會有人反而會覺得係「社會根基被蠶食」
呢種思想真係好恐怖…
我囡13歲前會用多啲Alipay嘅，因為要夠13歲先可以將八達通放入Apple Wallet ，有時唔記得帶八達通就要用Alipay啦，過咗13歲可以放入Apple Wallet之後就主要八達通，冇得用八達通先用Alipay，cash好少用
所以大家唔好咁灰住，咩「三歲定八十」已經out，我見好多case係未夠秤用alipay，一夠秤就即刻拋棄alipay。
Master 80%
Alipay 15%
8 5%
大陸野要整死本地野 向來都係用本多終勝既方法 偏偏D人就係貪小便宜 不知不覺咁做左消滅本地野既幫凶 ☺️☺️☺️
我只係用PayMe Cash 八達通 信用卡 已經完全滿足晒我既所有消費需求 如果一間商戶只可以個兩隻大陸野比錢 我寧願幫襯第間☺️
用Alipay就係藍/大陸化 唔用就先係黃/堅持本土？
二元思維要改改佢囉
人都要生活便利
唔係個個生活富足
買嘢唔睇價錢 都想慳個錢
Alipay 入錢要過嚟過去畀人都方便
亦有唔少嘅券用 雖然後期少咗
但總好過八達通乜都冇
依家反而Payme 用多咗
因為現金券都多
用入面銀聯雲閃付都有時減$5
唔通又話 藍絲大陸喱咩？
你有你堅持 但人地冇堅持你嘅方法
唔代表心底嘅意識形態有變喎
黃藍二元思維係你提出，我邊一隻字有提起？
Alipay來源係邊度？佢係大陸企業係事實，alipayhk都係同螞蟻共同持有。邊個國家最推崇無現金主義做乜都要掃你媽？大陸文化就係大陸文化，wechat pay/alipay唔係源自大陸？
Payme/八達通/tap n go係本土嘢亦係事實
你要用咪用，邊段話唔比😅
有冇睇第二段講乜嘢，另一個主要提到嘅點係18歲以下99%都用alipay，而非八達通/現金。探討嘅主角唔係你，係下一代😅
就個人黎講，我覺得alipay同八達通差唔多😂
我用alipay既情況多D，因為alipay可以唔使做任何野就畀到錢，只要連左銀行戶口，又唔使過數，個ac係0蚊既情況下我照樣畀到錢，銀行個邊扣返就ok了又快又畀到錢
八達通既話要撳錢到7仔入錢/我要先過數去八達通app先之後要開app拍卡入錢，呢個點上面會浪費左少少時間去處理，其實又唔係話真係有幾咁麻煩，但係有時候唔想搞咁多，想簡單賣單走佬，雖然依家有手機八達通，但係我偏向用實體八達通所以冇轉手機八達通
所以對我黎講都係alipay會方便少少😗
其實實體卡開咗自動增值就完全唔使去 7-11 或開 App 啦，低過某個數自動入錢，仲有信用卡分賺，真心正過支付寶。
支付寶一樣有信用卡分，同時佢都有自己積分，即係兩家茶禮
堅持唔收Alipay🤫
但真喺好多人問收唔收，仲有學生啲只得alipay,現金都冇
小弟做巴士佬依行 睇住依家啲學生差唔多個個都用支付寶或微信支付
一遇到個電子支付機壞 佢地就企哂係度
有時做學生都係焗住用Alipay，有啲舖頭cash又唔收，電子支付又冇PayMe，又唔俾嘟八達通，最離譜係問我哋有冇WeChat Pay🤷♂️，加上Alipay唔使開銀行戶口，又冇限18歲
有時唔係學生想用，係根本冇得揀，所以我一夠18歲即刻轉PayMe同Apple Pay 
你有個奇怪的前設，文中暗示用Alipay 就係唔好。
學葵芳Franchesca講齋：宜家興呀嘛😉
但你有道理既，都係電子錢包姐，唔洗好似Visa Master咁先洗未來錢
樓主用Cash同八達通做對照實驗
可能係想對比需要實名同無需實名的支付方式(消費模式會否成為私隱與大數據)
Diu, alipay有積分，幫同事埋單儲積分，一個星期慳到一餐架。
垃圾八達通一分都冇。唯有搭車廢事阻住人先用。香港公司真係賺到盡，少少優惠都冇。
呢啲經濟環境，唔靠政府，要自救，慳得一餐得一餐🥺
好奇你無聲無息收到中國銀行嘅發鈔，會唔會都感覺被蠶食同好無助？
Alipay日本都收喎
支付寶就唔收
你有冇分清楚其實佢係兩個Apps嚟㗎？Alipay喺香港用，大陸支付寶喺香港開好麻煩，要影呢樣嗰樣， Alipay簡單好多，你嗰啲什麼香港學生用支那寶，其實係講緊香港Alipay，定係講緊大陸支付寶呀？
八達通1.5% 同alipay 1% 真係無得鬥氣，加上你用sme plan收vis master 先係1.35 / 1.4
我仔仔一直只用八達通。最近佢同個舊相識friend 食飯後要轉返錢俾朋友，朋友只收 Alipay，最後阿仔逼住要裝 Alipay hk
最需要就係visa / master , 只要可以用，一定用佢哋
有時唔想一下八達通比咁多錢(雖然有自動增值)，個數又少少大($100+)，冇得碌卡就會用alipay。
我碌卡多，Alipay可以綁信用卡，
無得碌卡就用Alipay 好方便😮
我個仔嘅case：
曾經瘋狂唔見實體八達通(三個月三張），自然你唔會俾佢入咁多錢落咭，八達通app 又要13歲先有得用，所以佢都係用緊alipay
佢有tapngo, 但細鋪又唔會收credit card, 等於冇用
其他支付唔爭氣，俾alipay搶，可以點。八達通不思長進咁多年。明明最普遍，但一進化到電子版就俾其他支付搶曬
八達通係有其他公司入場先改進下，現在對小商戶好小小，頭一萬不收手續費
Alipay 其實幾好，唔使好似八達通要睇住來增值，又可以儲apoint當錢使，去旅行又照用，真係方便wor
八達通先天不足，alipay可以二手支付已經贏晒。
我而家carousell買野，send個qr code已經可以比錢寄貨，上網付費會員又係。
以前根本冇可能。
電子支付同「大陸生活方式」有乜嘢關係？呢個世界有邊個發達社會仲係玩緊全現金？
八達通賣你私隱嘅時候有冇覺得無助？
意識形態就係永遠對人不對事，同一件事唔同嘅人做可以有完全唔同嘅演繹
但老實講，以電子payment黎講，alipay手續費少過其他勁多，又無限制，退款又易。payme又要迫商戶用佢商業戶口先俾開ac，在商言商，完全唔想人用八達通同信用卡。
有冇可能係alipay真係好方便？綁定個銀行account就可以唔駛增值搵散紙
第一次down Alipay就係為咗喺steam度俾錢，而家都習慣用alipay🤣
係比消費劵沖昏頭腦，大把人當年為咗商場多d cash coupon申請Alipay身份認證攞消費劵，多人跪低到嚇到心都離一離
利伸完全無咩Alipay/we7pay亦無用過淘寶/乜多多
講咩其他付款方式唔爭氣姐？咁就要用架啦咩？講到尾未貪幾蚊優惠，有商鋪電子支付只收Alipay?唔!柒!幫!襯!就係咁簡單
現金/信用卡，之後八達通
Alipay /微信支付永不錄用，有優惠不是大曬的
八達通好狗㗎，乜都要收手續費，老細一個月都因為八達通要收好多手續費
其實信用卡收仲貴呀。雖然有手續費，但八達通全港最多人用，收咗佢生意額先會升
而家係香港我都多係小店左用alipay或wechat
因為我係綁信用卡
用呢兩個如碌卡
可以儲積分
大型連鎖就直接信用卡
share晒啲自己使錢記錄俾大陸機構，好事嚟㗎👍🏻
知道你習慣就可以諗新產品操控你消費，對心智水平低人士有效
學生上網買野（例：Carousell買周邊），轉錢時唯一都只可以用Alipay，所以難怪佢地用Alipay為主🙈
然後八達通喺Apple wallet top up用唔到外國信用卡，呢個對我黎講係弱勢
Alipay對我嚟講麻麻地好用 太複雜😂apple pay > octopus> payme >alipay/wechat pay