📌 最近香港究竟有咩病毒
共 45 條紀錄
最近香港究竟有咩病毒咁勁？
三個星期咳到懷疑自己練咗腹肌🤧
☠️ 喉嚨痛到似吞玻璃
☠️ 痰色由黃→綠→變白膠漿
☠️ 半夜咳醒、氣都唔夠用
☠️ 睇咗三次醫生、食咗兩round抗生素
耳鼻喉科仲幫我喺鼻窿「抽痰」🤯
胸肺專科 $3,400 + 耳鼻喉 $8,000
香港睇醫生真係要咳埋個銀包出嚟💸💸
想問下——
⬇️有冇人都中咗呢隻「三星期喉嚨炎病毒」？
⬇️有冇超神奇方法可以快啲好返？🙏
#中咗咩病毒 #喉嚨痛救命 #咳到有腹肌 #香港人都中咗 #醫療費好誇張
我真係想統計下⏳
由二月中開始病到而家未好返嘅舉個手🙋🏻♀️
你哋咳咗幾耐？最離譜仲要醫幾多錢？
一齊 share 下咩藥、咩偏方真係有用～
或者有冇人試過突然自己好返？
🙋♀️🙋♀️ 無睇醫生咳爆 最近食咗碗薑醋好好多但唔知關唔關事
我係threads度留意到一樣嘢，發現感冒病極都唔好嘅人，大部份人都係睇西醫。
其實感冒係病毒嚟，抗生素係對付細菌性感染，唔明點解香港西醫會拿嚟開俾感冒人士，仲會搞到你身體及腸胃更差🙈
起初係喉嚨痛唔舒服，好似有野隔住
跟住喉嚨痛，睇私家食3日藥
喉嚨痛冇，就到帶痰嘅咳
好左60%左右
夜晚訓果時，咳得最勁☠️
咳到醒，要嘔痰出黎，先可繼續訓
食左唔同嘅成藥，再轉飲枇杷膏
中間飲左杯cocktail (有啲覺酒精真係可殺菌😂，非專業意見）
飲大量水+訓多啲教😴
到好番晒，大概要2.5 個禮拜✅
有！每次都係好番一星期再重複黎過..已第三次..睇中醫同多訓教
我過年前都係咁，去到第四次再睇醫生食曬啲藥，仲有少少喉嚨痛，跟住放棄，自己又慢慢好返
正常感冒流感都係七日倒，狂咳太耐會泄陽氣，個人越虛會越咳，唔識用氣嘅層面去治嘅西醫係醫唔倒呢類咳。呢個時候食西藥只會再虛落去，虐待自己。中醫每隔幾日把住脈，確定個病啱啱走晒，即刻落玉屏風散再加加減減，一日內就冇晒咳。所以啲人話中醫唔好，頭一劑中藥係要你咳，加速個病走返出黎。
不過二月至現在嘅咳，都係寒咳黎，人體係跟節氣運作，清明前都唔好貪舒服，涼快一下，食個雪糕，餐餐凍飲，著短裙，開冷氣。屬天氣能量病，食抗生素係完全無效，西醫冇能量層面嘅認知。明白個天係熱咗，但你可以散熱散到25度就停，唔好再狂吹風扇冷氣。
11月 : 喉嚨痛 > 黃痰 > 咳到甩肺
12月 :  喉嚨痛 > 黃痰 > 咳到甩肺
3月: 咳 > 鼻水 > 黃痰 > 眼有黃色眼膠 > 咳到甩肺 (現在進行中)
如果食左兩次西藥都未好，睇中醫清一清個底，好快斷尾
我上年年尾咳到甩肺，食左一次西藥，仲衰多兩錢重，去左睇中醫再加去萬寧買久咳丸打孖上，食左三日就冇再咳
同你病徵一模一樣 都係咳足3 星期
入院咩都驗哂 竟然種唔到有菌
連續兩個月 病左兩場 頭個幾日係直情落唔到床（又wing 又身重）
仲要係大肚期間 好多藥都唔食得 驚我肺炎，硬食左一轉chest x ray
ಥ_ಥ
上次西醫搞唔掂 今次試緊中藥
如果啲痰初期唔係黃黃綠綠，即係唔係細菌，咁唔應該用抗生素。
其實最主要頻密飲暖水，身體保充水份，有助稀釋啲痰，易咳出。
日頭著重化痰，夜晚主力止咳，等你有足夠休息同抵抗力好返
得閒用鹽水漱口、抬高枕頭瞓
人體七成細菌都係條腸度，腸號稱人體第二個大腦，好菌可以分泌對你身體，情緒有益嘅嘢。抗生素會打死晒啲壞菌更加會打死啲好菌，唔知幾耐先好返又點？好快又病，治根（強化腸道提升免疫力）先可以有好嘅長遠
唔係感冒嚟架！
我都以為係感冒，但退唔到燒。3月8日肺氧跌到去91. 屋企人送左我入浸會醫院。一照肺已經超過1/5 個肺發炎，要即刻入院吊鹽水同打抗生素。
第二日已經驗到係 "人類偏肺病毒"併發肺炎。住左一個星期醫院而家已經好番。但係個好容易氣喘
我都係3月8號一開始只係喉嚨痛 睇醫生話係上呼吸道感染 發燒同發冷 之後開始咳同失聲 食左4日藥都搞唔掂 有痰鼻水黃綠色 再睇醫生 仲咳到要聞氣藥
今日第三個星期仲係咳到心口痛 喉嚨痛 痰仲係綠色
夜晚咳到訓唔到！
呢兩款喉糖可大大舒緩喉嚨痛、乾同痕癢，從而減少咳次數，令到夜晚易啲訓到覺
記得要買啱圖中同顏色包裝嘅喉糖，因為其他顏色包裝喉糖效果較弱
另外病緊更加真係要多飲水
試下我個耳鼻喉醫生？我每次氣管敏感都搵佢
有需要Dm me
我前排都係發完燒之後狂咳，連續幾晚咳到瞓唔到😭同事介紹我食蜈蚣丸食咗半包已經好七成嗰晚終於瞓得到覺🥰
睇中醫
我仔話說斷斷續續加咗三個月抗生素青蛙仔敏感藥，乜嘢都食齊晒
然後去左睇個老中醫
戒口+飲藥（都睇左佢3次大大話話）
終於🥲🥲
我晚晚聽到佢咳我真係肉都赤哂🥲
推介一下接骨木花漿，對預防感冒、呼吸系統問題好有幫助！
由疫情至今都飲緊，以前成日病，宜家病左都快左好反
https://egaocohk.com/products/德國接骨木花漿
我病咗兩個月，2月初到而家，由喉嚨痛到完全失聲到咳只係半日時間，睇咗2次GP加4次專科醫生（我個呼吸科醫生睇咗我都好幾年），用咗大約2萬幾，照過肺同做過十一合一測試，無病毒感染。由2月初拎病假到今個星期，一出街，就算只係落樓下買個晏返屋企食，都會發燒喪咳，全身無力加塊面紅腫，要完全唔出街幾個星期先好到。超多痰，黃綠色，連鼻涕都係，食橙樹就化到痰，但一停就起返。每日洗兩次鼻，然後早晚噴兩支鼻嘅藥，去令到個鼻竇炎無咁嚴重。食到最高劑量嘅類固醇同三種抗生素加一堆其他藥，不過真係個人會好虛，成日都腳步浮浮，有試過出街失平衡。當時專科醫生想我新年個幾日入院休息下，但我唔想。我覺得我能夠好返係：唔出街，避免外來嘅空氣再刺激到成個呼吸系統（所以點解專科開咁耐病假同叫我住院）、想盡辦法令喉嚨唔乾唔咳，我係飲和暖偏熱嘅咸柑桔，我飲一杯可以令到喉嚨舒服幾個鐘，但醫生建議飲蜜糖水。我計過，大概唔出街5日就已經好咗超過一半，但出返街瀨嘢就要重新再嚟過休息😖
過年前，我病情同你相似。
冇發燒，喉嚨痛，多鼻涕同痰。有啲似感冒但唔係咁嚴重。就只係睇政府醫院，食咗第一個禮拜藥，感冒徵狀基本消失，但就開始周身痛、氣喘、耳痛、肺尖痛、乳房痛、頭痛同好多痰，由灰黃色慢慢變成透明，再似白泡。血含氧量試過得80，血壓就99/59，心跳就去到100，個人成日暈，食住藥都冇咩起色。所以中醫西醫私家醫生都睇過晒，醫生幫我種痰，照肺，食抗生素！但都唔知發生咩嘢事，總之痰好多，不過就冇咩咳。我自己睇就似係新冠炎症反應 ……
最後係遇到個對症嘅中醫，先清晒啲痰。但到𠵱家已經三個月，我仲睇緊中醫調養。因為病咗幾個月，身體狀況未完全恢復，而且仲有肌肉流失嘅跡象。😥
同樣2月中新年後大感冒！
嗰陣夜晚訓教咳到飛起！
睇咗3次醫生，食左5日抗生素！
而家仲係好多痰，黃綠痰間中有啲血絲，嚇到飛起
仲有間中乾咳，不過越嚟越少
我都係咁，要睇中醫食中藥先好返
主要似菌未清晒，積係喉嚨同鼻
我係食中藥先咳到晒出來，中醫都話咳到就要咳返啲痰出來，先會快好
個順序一樣，加埋沙聲流鼻水打乞嗤，瘋狂灌水，有得瞓就瞓，同埋迫自己食健康D，病咗一個禮拜就好返8成，仲係有鼻塞同痰
試吓呢款茶好有效👍👍
魚腥草蘋果青欖水食譜 (3-4人份)：
這款湯水清甜、不需另外加糖。
材料：
新鮮魚腥草：約 1 斤 (清洗乾淨)
蘋果：2-3 個 (去心切塊)
青欖 (青橄欖)：10-12 粒 (洗淨、拍扁/拍鬆以便出味)
桔餅：2 個 (切開，可選，有助止咳)
清水：約 2-3 公升.
做法：
清洗材料： 魚腥草洗去泥沙，剪段；青欖洗淨並拍扁；蘋果洗淨去核切塊；桔餅切開。
燉煮： 將蘋果、青欖、桔餅放入煲中，加入清水，大火煲滾後轉中慢火煮約 1 至 1.5 小時。
加入魚腥草： 最後才加入洗淨的魚腥草，再煮 10-15 分鐘即可，無需太久以免影響藥效。
飲用： 建議趁熱飲用。
*魚腥草蘋果青欖湯是一款清熱解毒、化痰止咳的天然茶飲。主要利用魚腥草（天然抗生素）抗菌，配搭蘋果的清甜與青欖的潤喉，常配以桔餅（可選）加強止咳效果。適用於喉嚨痛、熱氣及支氣管炎，但因性質寒涼，脾胃虛弱、寒咳、孕婦及經期女性應慎服.*
鼻水倒流→咳→喘氣
 睇左二次中醫有頭痛中途必理痛傷風丸好咗七成
飲咗二罐凍紅罐可樂（偏方）
再好二成
睇急証，惡菌！留意但血氧！有機會死人！
個人經驗，入院時血氧得79！
台灣人路過
過年期間去香港玩，可能人潮多吧
不知道在哪裡感染，症狀跟原Po一樣
但多了發燒，會發熱或畏寒
去萬寧買藥吃了4-5天，症狀反反覆覆復發
回台灣吃了三天抗生素沒用，後續醫生換了更強力的抗生素，吃了兩輪藥共6天才逐漸康復
中醫～ ！ 我係一家五口既抵抗力強啲既一個經歷落嚟既心得！
首先2個細中佐隻副流感！咳得勁過甲流鼻水多過甲流～
咳到氣喘～ 氣管收窄
食抗生素都唔得，但好過無！
因為一次西醫570既關系，而且我係打孖2個，大既睇佐2次 細既睇佐1次（細既因為燒到40所以去急症室睇佐次，開佐化痰收鼻水同退燒藥，就講妹妹靠自己打仗病毒加油呀）
因為2隻食西藥食到無晒胃口～咳仲痰聲！所以去佐成日睇既中醫救命
其間～ 3大人都有咳同流鼻水既病徵
，其中2個係老人家～ 婆婆同我成日接觸2個細所以大家都預中埋！
但係～ 我哋點了鼻都出唔到果條隱形線（2個細條副流都好淺好淺淺到唔放大高清都望唔到）
但大人無發燒既～ 完全係氣管咳
公公因為長期病患者唔係成日接觸到班細，但總有接觸到（後段而家佢係全家唯一，咳到痰多氣管唔順既）
但中醫真係救晒1家5口！！
由喘到唔喘真係好快有感覺。
我係咳得最小齋流鼻水！
綜合維他命同靈芝（食開果排我係1家5口無病徵既一個）
睇中醫～ 2個細睇中醫都睇佐5次
覆診，轉藥加藥！但真心睇到佢地訓著唔咳～ 食草都值！！
睇中醫！睇中醫！睇中醫！