📌 有一個思想好撚封建嘅
共 74 條紀錄
有一個思想好撚封建嘅父母點算？
事關我10年 f3 而家拍拖拍左三個月
屋企人係我一個半月嘅時候知道我拍拖
佢地雖然一直都係反對 但係唔會強硬叫我分手
成日都係度講乜「你咁細個拍乜拖」「你會食虧俾個男仔」
直到今日 我放學同我條仔諗住去食甜品
結果呢我入到去個甜品店未坐定定
就見到我老豆都入左黎 之後重點來了
我老豆行過黎好惡咁鬧我條仔「你唔好成日黐埋佢」「我個女唔搞呢啲 你哋快啲分開」
我地就因為咁冇得食
之後我勁唔開心 喊左出黎
我家姐同我講我先知
原來我老豆影低我地兩個一齊行
之後一直跟蹤我地 成個變態狂咁
而家搞到我條仔好驚我父母 敗壞曬印象
其實我真係想問拍拖食個甜品有冇得罪你
好似搞得中學拍拖係死罪咁
點解我老豆可以咁撚kam
之後呢我返屋企係度鬧我老豆 佢竟然覺得食飯就係會搞野😱😱😱😱😱😓
你地每段comment我都有好好認真睇🥹🙏🏻好多謝你地嘅指點🥰
我都會好好同我屋企人&我條仔溝通
就黎考試都會好好溫書架💗
即係我唔明其實同校同學知道拍拖有乜問題lor？乜真係有人咁得閒連有邊d人拍拖都要care啊
你老豆做錯，好錯，離譜
不過為人父母係理解得到佢點解咁做
真係聽過唔少妹妹中學就畀人搞大個肚
我明白佢地用心良苦 我頭腦都好清醒 我地兩個會節制彼此嘅親密行為 有乜野唔對路我都會及時止損～
作為成年人、男性
我讀中學果陣都聽唔少人去啪啪啪⋯果陣係讀緊中二⋯
d男仔拍得拖就係想搞嘢，唔搞得都會想摸⋯摸多兩嘢就想搞⋯呢個年齡對異性嘅身體充滿好奇，尤其是係人有我有⋯
你老豆唔係忟塞，係因為佢自己都係男性，佢都有後生過，佢知d男仔個心諗緊乜⋯
佢唔係唔信得過你，係信唔過個男仔⋯
因為萬一出起事上嚟，女仔犯錯成本會好高，會大肚，生同唔生個命運都改收哂⋯
咁細個做人父母，腦囟未生埋⋯
個男仔好嘅就同你結婚，之後就安安份份專一，肯同你一齊湊仔
但多數即使肯負責任，但因為太細，頂唔住育兒壓力，過幾年就仔乸都唔要離婚⋯
絕大多數嘅係叫你落咗佢⋯傷嘅只會係你嘅身體⋯
呀姐我而家單親，係啲男朋友好有錢好正，但最尾傻hi個仔搞着個playboy. 你個腦要識諗，認識呢個世界先好接受一個陌生人做你伴侶
我老婆就係我中學同學
我地中3已經拍拖到而家我地已經35歲
我可以好肯定話你知 你老豆係無做錯
我亦覺得中學生拍拖係會好影響讀書
我可以話你知 我個陣滿腦都係對異性好奇 成日都想有親密接觸。
老師有冇教你用標點符號嗎？「事關我10年 f3 而家拍拖拍左三個月 」嘗試睇咗好多次都唔明🥲
我中學嗰陣拍過好多次拖
依家睇翻全部都得啖笑😂😂
但都見有人係中學行到結婚 超浪漫
我覺得呢啲野好青春 唔反對中學拍拖
不過要識拿捏分寸同保護好自己
另外你屋企人好關心你 雖然做法好creepy😂珍惜
你反父母對你怕拖，佢哋怕咩？
1, 你同男友攪野
2, 你大肚
3, 你掛住拍拖，冇時間讀書
4, 你掛住拍拖，成績變差
如果你可以比信心父母，
拍拖後以上不會發生，
仲可能會因為一齊溫書，成績變好，
我估佢哋唔會咁反對囉。
我都係老豆，我覺得你父母本意係冇錯，只不過行為錯左咁解。
其實個個後生都覺得老豆老母點解咁專制，其實咪大家坐底傾下，俾對方知自己做緊咩、諗緊咩。
Btw，我而家都好後悔細個冇聽老豆老母講架。唯有而家盡量令自己個細佬行少啲錯既路😉
咁都唔明？因為你老豆係男人，佢都後生過，明白乜嘢叫鳩硬冇朋友😉
我都唔建議咁早拍拖
長大後回望就知道拍咗只會後悔（女）
網絡唔係法外之地
唔該你唔好係度造謠 顛倒是非🙏🏻
中學拍拖真係冇乜問題，只要唔好後悔就得，因為冇時光機可以俾你重來一次
識得有朋友（中學同學）中學拍拖，中五生左個B，然後就出來做野，男嘅做緊送貨推鐵籠，女嘅頭幾年冇做野全心照顧個B，個B返幼稚園之後都出埋來做野，超市返工，一家好幸福咁住緊公屋
同樣都係朋友（又係同學），中三上學期開始拍拖，聖誕節太開心就搞大左，搵到信任嘅人帶佢地返大陸解決左...畢業之前又再搞大左2次，佢地讀完中學冇耐就分開左，個女嘅依家唔使再生BB 喇
都有啲係搞左幾年都冇出事嘅...不過離開左中學之後，大家見識見人多左，好快就散左，各自有自己嘅另一半，大學生活繼續...得一對係修成正果，讀完書結埋婚，生左2個B
呢啲係真實事件...親自見證
老老實實，拍拖唔係問題，但以前知一啲女同學14、15歲比人搞大個肚，要靜靜雞返大陸搵黑市醫生落仔，中學未畢業已經落過唔只一次仔... （仲要有啲女仔本身係乖學生兼成績唔錯）
小朋友情到濃時要控制，其實都幾高難度（尤其啲毛都出齊+精蟲上腦嘅𡃁仔）
首先唔同意uncle 玩跟蹤，呢個係你私隱
不過uncle 係男人，佢知道男人嘅本性
中學拍拖可以好sweet 同開心，到長大後留咗段回憶俾自己都係珍貴
但男仔10幾歲時對女仔身體係好好奇
會不其然想睇想掂。解決方法唔同男仔都唔同
Uncle 都係想保護你
最怕未讀完書，個女搞大咗個肚
生咗BB 縛住自己好多事做唔到
唔要嘅，個心理包袱孭好耐
受傷嘅都係女仔
拍拖最好識保護自己，兩個人時去d 公眾地方。避免兩個人共處一室
至於屋企人，你點講都唔會聽
佢哋預你最好就分手
拍拖之餘唔好因為咁同屋企鬧得太疆
如果你哋真係咁鍾意對方
更加要俾心機讀書
我哋係中學開始拍拖，到投身社會後結婚生咗個女
好明白你哋各自諗法
我覺得唔封建，我地都有做過學生，就係以經驗，身邊每一個人會由中學行到尾結婚既，真係小之有小。相反，呢個時段，做學生係應該好好讀書。當然你可以講，我hea 讀都得，你老豆唔係封建，佢就係睇到好多中學讀唔到書，出黎搵唔到錢，文化差異大。佢想你大個左之後條路唔好咁辛苦。我細個都係好似你咁，日日上堂唔係玩就訓，諗住溝邊個邊個。
最後依家每日都收工去進修，讀書，拎返張cert .
最後以結果論計，你只會有以下結果
男朋友搞大你肚，你中學生涯去生仔-》bad ending （中等機率發生
拍拖分心，中學生涯無好好讀書—〉bad ending （高機會發生
拍拖分心—》但去某年到最後都係分手-〉 bad ending （中至高機會發生
唯一個-》 拍拖之外，男方可以完全忍到唔搞你，再一齊努力好好讀書，以結婚為前提下一齊成長 （低機率發生
最後我反而覺得你老豆唔係封建，反而係真真正正錫你，驚你前途好辛苦。
但我估你都無可能拍拖即刻分手，我希望你問佢一d問題，問佢想唔想一齊進步，想唔想走到最後？
你又想唔想同佢進步，一齊走到最後。
如果想既，希望你同老豆傾下，你用表現話俾佢知。
如果以上諗法都唔係封建，真係唔知咩先係封建，盲婚啞嫁？
其實去返封建年代，啲父母都一樣覺得佢哋做法，係對仔女最好
你既諗法有小小偷換概念
父母已經預知結果，咁細個拍拖對未來結果係好既真係小之有小。你可以當佢好主觀。
但畢竟呢一樣野係唔會有精準數據。
佢只可以用自己經驗去教育返自己小朋友。
盲婚出法點，係以家族之間利益為主
反對中學生拍拖，係以仔女利益行先。
你都明白 “機率” 同 “主觀” 問題，所以最尾一句應該修訂為 “自以為以仔女利益行先”
我冇其他補充
我明白你既意思，但問題唔係極化到A or B ,我地唔係打poker, 無錯我認同你父母只係比仔女多幾十年經驗，判斷係未必準確，個重點唔係父母有無權去判斷，而係父母基於判斷之後有無意識到自己錯，同埋要同子女溝通，而唔係單方面去強制。
主觀性質唔等於判斷無價值。
同子女一齊成長，一齊溝通，一齊學習，一齊共同得出結論，共同找出最好方法先係最好解決方法。
屌咪拍拖啦，你會廢咗你啲時間，真係命中注定大個就會有。咁細個咪諗自己得唔到既嘢
中學時
我阿爸會接晒所有電話
聽到係男仔搵我 就會粗口鬧叫佢唔好再搵我
雖然覺得粗魯左d
但我知阿爸係擔心我
我亦都好相信拍拖會影響讀書
所以上大學先開始拍
之後發現 男人真係每秒鐘都好想搞野😂
我幾個表姐都有中學拍拖
其中一個 有左
去左落仔
都係令我唔想咁早拍嘅原因
如果你唔影響學業，同一定唔攪野，你可以同父母講，叫佢俾信心。
另外你阿爸都後生過，男仔拍拖最後都係想攪野，係女仔以為唔會
因為你老哣都做過你男朋友個角飾
所有成年人都後生過㗎😏
因為你係女仔，你唔會真正明白啲男仔諗乜！好好肯定每日個男仔都係諗緊點行前一步，點部署下一步去滿足自己嘅性欲，所有男仔都一樣，分別係佢有無能力去承擔之後嘅責任、去好好計劃你哋嘅未來！
16歲嘅你哋，你認真覺得會有可能嗎？16歲連自立能力都未有，打邊爐都未識分邊樣嘢熟食得未！點照顧你？多數拍1年半載就會分開，咁其實你現在只係幫人教仔，訓練佢成為更好得男朋友咋（反之亦然）
不如你現在專心讀書，好好裝備自己，入理想嘅大學揀你自己鍾意嘅科目，到時再坐享其成再搵個已被訓練好嘅男朋友，再好好享受戀愛嘅滋味。
有時父母就係有控制慾…
我自己覺得相戀、失戀都係一種學習。 其實也是人生最重要一課，會更加認識自己。
你只要記住自己嘅底線，唔傷害自己也不傷害別人。 根本無乜好擔心
問題不在戀唔戀，問題在如何保證不會未婚懷孕？你未經歷過做人父母，當然講得輕鬆
無保證～
但越禁只會越有反效果⋯⋯ 你可以封鎖所有同異性嘅溝通，每日接佢放學。
但當佢入u 呢？ 做嘢呢？ 25 歲先第一次拍拖？ 到時先經歷d 離離合合… 講真你係蠢嘅25歲都會俾人滾大個肚㗎啦
好在留言區9成9 都係講事實
樓主真係要好好地諗清楚
爸爸有責任心啫，
如果你係仔，就驚搞大人個肚
你係女，就驚你俾人搞大個肚
好慶幸我阿媽阿爸好開通， 我同男朋友就係f2一齊 ，個陣佢地都知道 可能我咩都會同佢地分享 ，多數拍拖都係行街 之後帶去翻屋企食晚餐 所以關係好好 。同男朋友一齊12年結婚 13年生小朋友💕 不過其實父母都係緊張自己個小朋友 ，當年阿媽都有不停提我要保護自己。
😂anyway個陣我屋企一個月曆係可以mark低我阿媽、阿妹、我既月經日子，屋企人擔心係有擔心，不過唔會直接反對得咁明顯，畢竟你呢刻制止到自己小朋友拍拖，唔代表佢未來唔會瞞住你或者有問題既時候搵你求助，所以屋企人都係擔心你為主 只係方法做錯
其實個個女仔都話自己會保持清醒，到最後咪又係失守。。。。
不過而家點講你都唔會明，到第日到你做咗人父母你就會明架喇
上到床講幾句咩都耳仔軟
10幾歲放學嗰陣
我都係咁呃我而家老婆😂
我明白，將心比己，其實父母都係緊張你先會咁，你可能帶個男仔比爸爸媽媽見下，如果係正經人家，父母都明白對方係咩人，彼此互相了解，可能初時出街咪去人多既地方，比爸爸媽媽知道你地活動範圍，影下相比佢地，主動出擊，send 相send 到父母覺得煩，又或者去溫書，你屋企有人咪去你屋企，係爸爸媽媽面前溫書。最緊要係信任！唔好出夜街，過時過節講好幾點返屋企，守時，咁就得到信任。
雖然我都好遺憾中學時無拍過拖
但我亦都好慶幸中學時無拍過拖
先冷靜。閣下未滿18歲，即係未成年，
父母係你嘅監護人，
只要佢哋管束你嘅行為，
只要無觸犯法紀，
幾乎點管束都得。
父母有父母嘅諗法，
嚴格嚟講，
父母無必要對你和顏悅色，
樣樣遷就你嘅生活戀愛同情緒。
經過呢件事，有三樣考驗，
第一，男朋友能唔能夠，
頂得住壓力，繼續同你來往。
第二，係屋企保持低調，
儘量唔同父母發生情緒衝突，
因為無論啱唔啱，
面對父母唔啱嘅一定係你。
結果一時任性，自己攞嚟唔高興。
第三，父母唔想你讀書期拍拖，
只怕你會失身懷孕，
到時搞到佢哋，
只係佢哋嘅方法同情緒表現，
唔啱你嘅性格。
雙方都無錯，
只不過一個住係香港，
一個住係新疆教育營。
第四，唔係教你反叛父母，
不過一日未讀完書，
一日未出嚟做嘢搵錢自己生活，
一日都未夠強大，
在人簷前過，
請平心靜氣低頭。
第五，拍拖情到濃時，
可能戀到上床，
記得做好安全措施，
愛惜自己，一次意外，
受苦的只有自己。
未必係食個糖水都可以去到嗰步吧
思想同行為可唔可以分開？😅🙏
你老豆係緊張你，唔係封建
如果係封建就直情街都唔俾你出啦
始終你係女仔，又到咗青春期
無論男定女都會開始對「性」産生好奇
只要有少少定力唔好就好容易搞出人命
你話你地兩個控制到，但係你老豆未必信，就算信你都唔會信你男朋友
尤其係呢個年紀嘅男仔，朋輩之間知道拍緊拖，第一個問題好多都係「搞咗未？」
唔可以失威之下點都會想同條女上床
呢樣嘢你又有冇信心控制到？或者咁講，你有冇方法去令你父母相信你控制到？
Anyway, 你老豆行為係over咗，但你而家未必理解到父母行為都好正常
你拍拖，佢哋擔心，咁你有冇做足交代令佢哋覺得比較安心？
你哋放學去食糖水，你有冇同你屋企人講聲？有時一兩樣小舉動就足以影響結果
希望你可以反思吓，自己有冇不足令佢哋咁唔放心，如果可以就試吓坐低溝通吓
最後，你條仔係要驚你父母，但唔好覺得「敗壞晒印象」
年青人血氣方剛，情到濃時通常都係本能控制大腦，
不過你呢個年紀，聽完都係唔會太入耳，講就講咗睇你接受到幾多
中學生不應談戀愛係老套架啦，你老豆跟蹤你都係唔啱
但撇除呢啲你地大家都真係要諗辦法保護對方，行錯一步係可以影響你地一世
介紹套舊戲你睇，impact 應該大過你聽人講
你老豆係錯
不過你上網應承唔扑野係冇撚用
你要向你老豆發誓唔會做愛/最多口爆下
雖然跟踪好creepy但起碼冇一知道就要求分手，證明仲有得傾
不過認為食飯=會搞嘢就有d好笑，妳不如問下阿媽係咪老竇就係咁溝佢嘅🤣🤣🤣
你要爭氣，拍好個拖比父母睇，唔好行差踏錯，互相扶持做更好的自己，咁父母就會放心。祝福你哋🫂🥰
妹妹，你而家like嘅果班只係企喺你果邊支持你果d，呢班人喺我哋眼中冇乜遠見，只係附和你講d好聽嘅說話⋯（可能同你同齡，或者大過你少少）
因為網上講你鍾意聽嘅啱聽嘅係唔需要負責任⋯
咁多成年人同你講，不論叔叔/哥哥/姨姨/姐姐⋯都係覺得呢個年紀嘅男仔拍拖嘅最終目的係為咗扑嘢⋯
唔好太相信自己嘅自控能力，尤其是男仔喺性呢一方面⋯呢個年紀基本上都係未試過想試而精蟲上腦⋯唔好諗住你自己/個男仔會控制得到，我可以講幾乎冇可能⋯而且佢會不變嘗試挑戰你嘅底線⋯
最初頭拖下手，之後攬下錫下咀仔，之後就打茄輪，摸下上面、下面，之後就伸埋入去摸下揸下摷下⋯整多兩嘢就叫你幫佢摸下、chok下、再之後就含下，最後就扑埋⋯
唔好以為好多步⋯可能用好耐時間⋯分分鐘一個月唔夠你就會比佢食咗⋯
我哋成年人就係有經驗試過，所以先可以話到比你知將會係點，個結果又會係點⋯
父母都係擔心你，想你好，咁快真係拍拖冇用，會影響學業，會情到濃時搞大肚，雖然你呢一刻覺得自己守住底線就冇事，但你控制唔到男仔點做點諗，我哋做姨姨都經歷過，我中學拍拖比媽管得仲慘，媽因為咁打我，閙男同學，之後每日親自送我返學，接我放學，所以好明白你，你而家係青春期，同學們都拍拖，所以覺得好正常，唔明點解老豆要咁管你，仲封建睇唔開，你問一百個父母，99個係你答你，唔想女中學比人搞，姨姨只能以過來人教你，拍拖唔緊要，但睇住學業，要同男友係學業一齊進步，女仔一定守住底線，唔好搞野，如果最後搞左，都要帶安全套，保護自己，姨姨都有女女，就快升中，我都驚驚😅😅
其實你老豆當年都係咁喉禽 唔係唔會有你 你家姐 你應該問你亞媽當年點做
佢一定唔會叫你分手 再去問你老豆 當年公公對你老豆睇法 點樣可令你公公將你老母嫁比你老豆
90後封建古老姨姨路過。
當你未成年，父母有責任保護你；當你已成年，父母想保護你係天性使然。
中學年代都聽到唔少同學拍拖嘅事，邊個同邊個上床，所以唔係講緊拍拖就會大肚，係影響緊你「名聲」。呢一刻你嘅年齡覺得鍾意咪一齊拍拖好正常，但你無諗到將來嘅嘢。
舉個例令你更容易明白，鍾柔美Yumi，中學拍拖嘅往事變成大眾茶餘飯後嘅話題。就當你中學拍拖可以控制到自己唔做越軌嘅事，但你控制唔到人哋把口。即使你無做過，其他人都當你有做過，而且會一直影響你一生。
你覺得你爸爸好kam，我中學嗰陣我爸直唔俾我有手提電話，絕到連屋企唔准裝上網。
細個第一次拍拖果陣我阿媽都有跟蹤同偷聽電話，果陣呃佢分左但係偷偷拍左一年幾，大個睇返有後悔，因為我阿媽無講錯
妹妹，讀左書先
你爸爸個做法可能係偏激咗，但係佢係想保護你
其實呢我嬲嘅本身唔係我老豆咁反對我拍拖
而係佢係個餐廳咁大聲呵斥我條仔 搞到周圍d人望曬過黎 最後只可以離開間餐廳 除左尷尬 我都覺得佢好唔尊重我🙏🏻明明佢可以好聲好氣咁講 佢係都要令我地又尷尬又驚又唔開心😀😀