有一個網友係公屋仔，就係好似我咁有亞氏保加， 唔知佢好彩定唔好彩認識咗一個女仔， 係一個中產女仔 ，但係屋企人唔係點理佢， 佢兩個都好鍾意講中史科， 好多人覺得好沉悶嘅嘢，但佢哋可以講幾個鐘。
佢哋係公園認識， 個女仔喺度睇緊書 ，個男仔走埋去話自己都有睇，跟住就係咁講，但結果就咁樣就邂逅咗 ，兩個做到好朋友， 佢啲乜嘢都會分享包括所有嘅興趣， 慢慢亦都越嚟越熟，開始會做下其他嘢。
但係佢哋又唔夠膽係陌生人面前好親密， 亦都唔係好似一般青少年情侶咁樣嗰種拍拖，啲關係係好奇怪，你可以話喺好好嘅男女朋友 ，但係個關係又超越咗， 男仔會好緊張， 但係又會肯幫個女仔做好多嘢。
後尾原來個女仔屋企好慘， 阿爸阿媽對佢好衰， 個男仔都會去保護佢，就算佢其實自己都唔識同人溝通， 但係有一種咁嘅執著。 個男仔都係學校畀人孤立同欺凌嘅， 個女仔都知， 調返轉都會嘗試幫佢。
最古怪嘅係兩個人拍拖約， 堅持左個嘅時間都要出現，就算唔落大雨都唔肯改期， 確實呢個係正常人唔會咁做， 但係我睇得出佢哋大家都好著重對方， 佢哋知係唔識變通，但係真係好想見到對方。
好辛苦先勸咗佢哋下次先見同埋改係網上溝通！
個女仔一樣都係有啲亞氏保加問題 ，不過好似冇個男仔咁誇張， 可能因為社交偽裝。不過佢哋兩個人可以真正深入互相理解對方， 佢哋面對嘅困難絕對多個普通學生情侶， 佢哋最後都真係戀愛咗， 但係好似先確定關係，因為佢哋原來一直都只係覺得大家朋友
但係我相信佢哋大家都係大家生命入面最重要嘅人， 但係後尾個女仔父母反對佢哋再接觸，仲打嗰個女仔， 搞咗好多麻煩嘢出嚟， 最後甚至上咗差館， 被警察以為佢同未成年少女發生個性行為， 後尾先至查清楚冇咁嘅事， 警察都唔方便再處理而叫大家和解
但係佢兩個分開屋企人唔畀佢哋再接觸 ，佢同我講係喊到好緊要，第一次發現咩叫做戀愛。 我都冇諗過兩個都有亞氏保加症嘅人 ，反而佢哋嗰個感情聯繫可以咁深
我自己都有個問題， 一直以嚟亦都被刻板印象影響而為呢個病會好影響情感同理心， 但其實只係唔識表達， 只不過係活係另外一個世界但唔係冇感情， 甚至感情可以畀好多所謂正常嘅香港人 ，所謂正常人也深刻好多
後面個女仔要自殺又要割脈，爸爸媽媽都搞唔掂， 抌咗佢嗰啲真正嘅特殊學校， 我就冇再追問朋友仲有冇同個女仔係咪一齊， 但係我相信佢哋唔會再可以同另外一個係咪一齊
我唔知道佢哋嘅故事其實係好平凡， 或者普通青少年男女其實都會面對 ，因為係幾百萬人入面，其實只不過係好普通嘅件事
但係我相信佢兩個對大家嘅愛係真嘅， 佢哋嗰個強烈反應，我亦都覺得畀好多 我見過拍拖嘅人都深，佢嗰種分開唔係最後可以忘記， 如果佢哋冇辦法再係咪一齊，我覺得最後佢哋會變行屍走肉嗰個程度
當然我只係佢網友，所以問唔到咁多嘢， 佢對我嘅聯繫亦都遠遠冇同佢個女仔咁重， 我已經將我所有知道嘅嘢都講出嚟，大概就係咁
具體佢哋點樣相處最後好多嘢 ，佢都冇再去好詳細咁講， 可能佢所有嘅秘密都淨係會同佢個女仔講 。我自己亦都冇拍過拖，所以其實我都唔係好明佢到底係戀愛 定係最好最好嘅朋友， 但係我相信佢兩個嗰個感情， 唔係嗰啲介意呢樣介意嗰樣嘅普通人約會可以比得上， 唔知點解普通人就可以喺埋一齊，佢哋就要經歷咁多磨難 ，仲要畀你話唔正常
佢哋兩個相處係亦都會面對好多困難同埋挑戰 ，大家都會辛苦，大家都好難容忍對方嘅執著同情緒， 但係佢哋真係可以明白對方諗嘅嘢 ，佢哋真係可以好似以前嗰套戲<<尋找仙境之橋>>咁樣， 但係唔同嘅地方就係， 佢哋已經唔係好朋友！
其實我覺得佢哋兩個係屬於叫做刻骨銘心， 最慘嘅就係唔知仲有冇得係咪一齊， 但係我相信佢哋會， 我唔知香港仲有幾多人好似佢哋咁 ，可能未必太多。
我只係覺得今日個世界普通拍兩日拖玩下玩下嗰啲如果都叫拍拖， 但係佢哋咁樣嘅反而唔可以叫做拍拖，咁我會覺得大家唔明咩叫真正愛情！
點解我會講呢件事，只係因為想回應部分網民
普通人的愛情，光譜很寬。有些人愛得很淺，有些人愛得很深。有些人會變心，有些人會堅守。有些人會為愛而死，有些人會為錢結婚。
亞氏保加症的愛情，光譜很窄。要嘛零分，要嘛九十分以上。沒有中間地帶。
他們不容易愛上一個人。但一旦愛上，就是永遠。
不會忘記。不會被替代。不會因為時間流逝而淡化。
其實最好嘅愛情就係雙方同時係彼此最好嘅朋友，無論係ND定NT都適用。
我明樓主講乜
通常唔識表達，或耆情感有缺憾
再加上用心去愛同被愛
就會係一段刻骨銘心嘅愛
祝佢哋可以幸福