有一日平日，有位客人帶住 iPad 嚟舖頭食包，見佢好似想做陣嘢就問佢要唔要坐入少少可以靠喺牆到舒服啲，佢話唔洗啦！我哋就冇再打擾佢，客人亦好有禮貌問佢可唔可以坐喺到做嘢，當時唔係繁忙時間冇人等位當然無任歡迎( * ॑꒳ ॑*)
如是者呢位客人就坐咗好一段時間，間唔時睇下佢有冇嘢需要嘅時候，會見到佢喺到放空，或者望下街景。咁啱有一下突然之間我哋好想食零食，就搵到喺日本買返嚟嘅手信餅乾🍪 見放空嘅客人食晒啲包就拎咗一塊想同佢開心 share 😆 佢有少少嚇親但開心地收咗！
佢準備離開嘅時候我準備出去倒垃圾，呢位客人同我講：「其實今日我係射波過嚟食包㗎，因為返工返得好唔開心。食完啲包覺得好好味，有開心返啲啦！好多謝你送咗塊餅比我，對我嚟講係一個好大嘅安慰，好多謝你。」
當下有啲嚇親，見到佢眼濕濕好想再好好安慰佢，但手上太多嘢🥲最後淨係答咗佢：「唔洗客氣！好開心你鐘意，希望你可以快啲辭職！」
唔知你會唔會見到呢條 threads ，下次有機會再嚟我再請你食蛋糕啊！希望你一切順利，呢件事都令我好深刻，我冇諗到一塊餅會有咁有力量，又係好有價值嘅一日。
如是者呢位客人就坐咗好一段時間，間唔時睇下佢有冇嘢需要嘅時候，會見到佢喺到放空，或者望下街景。咁啱有一下突然之間我哋好想食零食，就搵到喺日本買返嚟嘅手信餅乾🍪 見放空嘅客人食晒啲包就拎咗一塊想同佢開心 share 😆 佢有少少嚇親但開心地收咗！
佢準備離開嘅時候我準備出去倒垃圾，呢位客人同我講：「其實今日我係射波過嚟食包㗎，因為返工返得好唔開心。食完啲包覺得好好味，有開心返啲啦！好多謝你送咗塊餅比我，對我嚟講係一個好大嘅安慰，好多謝你。」
當下有啲嚇親，見到佢眼濕濕好想再好好安慰佢，但手上太多嘢🥲最後淨係答咗佢：「唔洗客氣！好開心你鐘意，希望你可以快啲辭職！」
唔知你會唔會見到呢條 threads ，下次有機會再嚟我再請你食蛋糕啊！希望你一切順利，呢件事都令我好深刻，我冇諗到一塊餅會有咁有力量，又係好有價值嘅一日。