有位偶像馬拉松式通宵達旦同粉絲拍照簽名有求必應話為咗滿足粉絲在所不計，於是粉絲紛紛讚賞話偶像好寵粉。
但我就聽過另一位偶像叫粉絲唔好留咁耐快啲返屋企休息因為工作人員已經好長時間工作好攰都需要返屋企休息。
你鍾意邊種偶像？
第一位偶像馬拉松式通宵達旦同粉絲拍照簽名，有求必應話為咗滿足粉絲在所不計，但佢冇講過叫粉絲要留咁耐等喎，工作人員已經好長時間工作好攰大家都知，係公司安排失當而令佢自己，經理人，司儀甚至工作人員都開緊OT，難聽啲講，呢個係一個商業嘅活動，粉絲俾錢買飛入場見偶像，梗係會想見到佢，同佢玩遊戲，合照，傾偈，握手，做心心同唱歌俾佢聽，就算真係超時，唔通就叫大家返屋企，同粉𢇃講：「我哋腰斬啦，唔好阻住人收工」 呢啲說話我諗連公司自己都唔敢講。
第二位偶像從來都係咁將心比心嘅，自己都唔想開OT，當然都晤會想工作人員好長時間工作啦！我都好希望見到第二位偶像開fan meeting嘅時候，粉絲們記得要將心比心，唔好要工作人員長時間工作，粉絲不妨到時連台都唔好上就將啲花自己傳開就好；粉絲記得將心比心，唔好同個偶像講嘢，唔好影相，唔好有身體接觸，連歌都可以唔唱，可以唔玩遊戲就收工，唔使影響佢隻腳要長時間站立，我會心痛架嘛，因為兩個我都鍾意
#第一位真係第一位
#第二位就真係第二位
#粉絲質素明顯有別
#腦袋是個好東西但願你都有一個
#第一位嘅粉絲同第二位嘅粉絲都有分別
一個真正努力嘅歌手係好好鍛煉唱功，唔係做盡各種fan service花言巧語討好粉絲。
真正寵粉嘅偶像就係會關心粉絲， 體貼員工， 粉絲愛粒星都唔想佢同所有工作人員咁辛苦， 呢啲才是一個偶像同粉絲之間嘅愛
我鍾意有同理心個位，因為佢為別人著想。👍👍👍❤️❤️❤️
有位人兄,自己簽唱會,都叫人順便先過嚟,唔洗特登嚟排隊喎🥹,我都唔識點講佢🫠
我見好多人揀二，因為佢有同理心云云。
但我就唔明點解第一位被認為無同理心喎。如果想早啲返屋企休息嘅fans 絕對可以按自己需要而離開，想親近偶像嘅就留低，其實都係各取所需。
至於員工，做呢行本身都預咗捱更抵夜，只要加班費係足夠嘅，又唔覺得有問題，如果有家事或健康問題，按時離開亦無不可。莫非有員工投訴因為拒絕加班而遭到不公平待遇？
將心比心，能夠有同理心，當然係第二位啦…仲要相向，正如上年FM，見到我偶像已經攰啦又好夜…我選擇放下寫咗要求嘅紙仔，只係同佢講支持佢，愛佢，加油！附近嘅粉絲都係咁做...真係唔忍心佢咁辛苦，雖然事後略有所失，但都值得❤️
當然係處處以粉絲着首，甚至係為埋粉嘅家人致愛着想嘅偶像→我最愛嘅姜濤!🥰🥰
緊係後者啦，識得將心比己，識得為人著想。前者太自私，鍾意俾人圍住攞存在感，前者當然唔介意夜啲收工，佢有專車車出車入。
我當然喜歡將心比己的偶像，員工都要休息，唔通我睇場演唱會，粒星同我講今晚會唱到凌晨三點，我真係睇到凌晨三點咩，我都有我嘅家人要照顧，個個搞到半夜三更，而家根本令到我連fans meet都唔敢買飛，我屋企都有小朋友，點能夠搞到半夜三更先返屋企😓
佢哋厲害，將不合格嘅time management吹到是寵粉，同時又踩另外五場鏡仔
第二種，同理心好重要，唔只係粉絲，仲有工作人員，和他們的家人。另外，健康無價，安全也要考慮；無論任何事，要將心比心。
追星要開心，偶像不能有意／暗示粉絲造勢，粉絲到都係出於愛同支持，有D人和事係要用心感受，這是我喜歡的關係♥️
當然在心中果位啦，最鍾意佢到尾聲會跟粉絲say bye秒速離開，好讓大家粉絲早早離場回家又可以比工作人員收工
但係又咁講 d fans個個到曬 滿心歡喜 排左咁多個鐘隊 既fansmeet 又唔同平時event應緩既.. 平心而論我覺得係公司安排問題
第二個，因佢教識每個人應該有同理心，唔可以只顧自己私慾。咁樣真係令工作人員超辛苦，無預計要通宵工作，如果你是工作人員有何感受呢？
唔使問，當然係有同理心果位啦！🌊🌊
有愛，懂得愛身邊人！🥰愛🌊的🍬🍬🥰全感受到❤️❤️👍🏻👍🏻👍🏻💪🏻💪🏻💪🏻
覺得係時間管理問題，甚至覺得係拖延時間，不需要做到有求必應，減少一些無謂動作。
場地員工和保安無義務陪你寵粉，他們也有下班時間，除非主辦方有傾過會超出租場時間多少，給予租場方可以安排員工及保安輪班工作。
欣賞藝人的才華，對表演藝術的執著，有品位修養，真誠堅毅有同理心，自然流露的和顏善目。他绝對不需要應酬我，為討好而討好，弄得筋疲力竭，諗起fan meet都驚。那天記者訪問某鏡仔關於FM, 神情好崩潰。我明呀!