有位偶像馬拉松式通宵達旦同粉絲拍照簽名有求必應話為咗滿足粉絲在所不計，於是粉絲紛紛讚賞話偶像好寵粉。
但我就聽過另一位偶像叫粉絲唔好留咁耐快啲返屋企休息因為工作人員已經好長時間工作好攰都需要返屋企休息。
你鍾意邊種偶像？
一定係第二位,做人如果連最基本同理心都冇,表面功夫做到幾叻都係假
第一位偶像馬拉松式通宵達旦同粉絲拍照簽名，有求必應話為咗滿足粉絲在所不計，但佢冇講過叫粉絲要留咁耐等喎，工作人員已經好長時間工作好攰大家都知，係公司安排失當而令佢自己，經理人，司儀甚至工作人員都開緊OT，難聽啲講，呢個係一個商業嘅活動，粉絲俾錢買飛入場見偶像，梗係會想見到佢，同佢玩遊戲，合照，傾偈，握手，做心心同唱歌俾佢聽，就算真係超時，唔通就叫大家返屋企，同粉𢇃講：「我哋腰斬啦，唔好阻住人收工」 呢啲說話我諗連公司自己都唔敢講。
第二位偶像從來都係咁將心比心嘅，自己都唔想開OT，當然都晤會想工作人員好長時間工作啦！我都好希望見到第二位偶像開fan meeting嘅時候，粉絲們記得要將心比心，唔好要工作人員長時間工作，粉絲不妨到時連台都唔好上就將啲花自己傳開就好；粉絲記得將心比心，唔好同個偶像講嘢，唔好影相，唔好有身體接觸，連歌都可以唔唱，可以唔玩遊戲就收工，唔使影響佢隻腳要長時間站立，我會心痛架嘛，因為兩個我都鍾意
#第一位真係第一位
#第二位就真係第二位
#粉絲質素明顯有別
#腦袋是個好東西但願你都有一個
#第一位嘅粉絲同第二位嘅粉絲都有分別
我當然中意會關心自己粉絲既身心健康既偶像啦~😉呢種偶像，先值得人去追捧！
點解一定要比
每個人都鍾意唔同方法
適合自己開心就得啦🙂
第二個，因佢教識每個人應該有同理心，唔可以只顧自己私慾。咁樣真係令工作人員超辛苦，無預計要通宵工作，如果你是工作人員有何感受呢？
我鍾意第二位偶像，因為他會將心比心，懂得為別人著想
緊係後者啦，識得將心比己，識得為人著想。前者太自私，鍾意俾人圍住攞存在感，前者當然唔介意夜啲收工，佢有專車車出車入。
第二位，其實表演完講兩句跟手大合照，控制兩個鐘內散場。比工作人員早收工返去陪屋企人，粉絲又已經見到偶像一面，皆大歡喜☺️
懂得為人著想關心他人嘅身心健康，才是真正愛惜粉絲的偶像❤️
將心比心，能夠有同理心，當然係第二位啦…仲要相向，正如上年FM，見到我偶像已經攰啦又好夜…我選擇放下寫咗要求嘅紙仔，只係同佢講支持佢，愛佢，加油！附近嘅粉絲都係咁做...真係唔忍心佢咁辛苦，雖然事後略有所失，但都值得❤️
一個真正努力嘅歌手係好好鍛煉唱功，唔係做盡各種fan service花言巧語討好粉絲。
我見好多人揀二，因為佢有同理心云云。
但我就唔明點解第一位被認為無同理心喎。如果想早啲返屋企休息嘅fans 絕對可以按自己需要而離開，想親近偶像嘅就留低，其實都係各取所需。
至於員工，做呢行本身都預咗捱更抵夜，只要加班費係足夠嘅，又唔覺得有問題，如果有家事或健康問題，按時離開亦無不可。莫非有員工投訴因為拒絕加班而遭到不公平待遇？
我鍾意有同理心個位，因為佢為別人著想。👍👍👍❤️❤️❤️
你哋有冇諗過工作人員OT可能有額外獎賞？如果係嘅話而家經濟低迷我梗係支持第一位。
第一個係激烈的愛，眼中只有你和我，不理環境和他人。轟轟烈烈。
第二個係健康的愛，會考慮你、我、環境和別人。細水長流。
各有不同，睇吓你需要啲乜。如果我偶像係第一個，我11點都會走，因為我除咗係人粉絲，我仲係人老婆、媽媽。我一定要平衡到先可以行得遠。