📌 有個同事，同佢會講下
共 81 條紀錄
有個同事，同佢會講下心事，但唔算好熟，佢一興起，會串下我。佢黎緊會喺金鐘一間高級酒店擺酒，平時我好慳，因為屋企環境，佢有意無意同我講過一兩次酒席一圍唔平，除番一個差唔多千八至二千蚊一位 。同埋佢話結婚用好多錢，要整頭髮，化妝，整指甲，眼睫毛，所以好stress。其實本身唔太想出席，但佢逼我話預左我，唔好唔黎呀。如果去，人情要比幾多？
有緣睇到以下的message有緣人:
其實咪撚搞咁多嘢, 要去就去, 不要去就一句
1. 點解結婚要花的錢遠過他們覺得合理的價錢
2. 點解結婚要威威呢
3. 點解咁多人又要威又要戴頭盔呢
4. 點解你(包括過半的香港人)唔直接say NO呢
5. 點解結婚要用好多錢
6. 點解這裏生活的人10分貪心, 是貪得無厭的那一種冚家剷
7. 點解人與人之間常常有一種互相利用的關係
8. 點解大家不各自各做好自己的一part而要麻煩別人???!!!!!!!!!!!!!!!???
9. 點解大家幫咗人之後就要別人的回報
10. 點解做自己就係離群
11. 點解要用排場或金錢去堆成面子呢
唔好意思同你/你的同事講金鐘酒店……喎
請問如何判斷高級, 中級與低級
12.
14.
15.
16.
.
.
.
你將件事推到最大化，就更加有道理唔去架喇，專登揀貴嘅地方搞，然後講你知錢，到你唔去，佢都係覺得蝕咗 2000 架
你諗下假如佢一個位成本要 10萬，咁唔通你又要畀？ 啲窮L又唔化又以為賓客欠咗佢喎，所以只要你交唔出 2000點都被人唱時，你不奴連500都慳返，仲有，最差嘅人就係應承去，跟住唔去，如果你答應咗去，人哋真係預你位，假如咁啱就係多咗你一個而加位，咁你真係好衰，索性早啲同人講唔去先至係成人嘅做法
又或者你搵個男仔同你夾埋 ig 放閃話，好開心人生第一次約會，就寫埋係佢結婚嗰日，你去澳門玩，咁你提早講唔去，難得你 出 pool, 之後 AI 搞幾張相放手機就算，佢問到，畀一張佢睇
藉口大把，睇你用唔用啫。
同事大日子嗰日what’s app話屋企有事嚟唔到，恭喜人白頭到老，之後封$500人情或買份禮物比佢咪算囉。
佢係都要問乜事咪老作
1. 同同父母返大陸探太爺太嫲，你大日子嗰日去唔到
2. 話發燒嚟唔到
3. 表哥或表妹失戀又要生又要死，我要睇住佢嚟唔到
4. 外國同大陸親戚返晒嚟約咗嗰晚食飯最高話事人（亞爺或亞嫲）下令一定要去
其實你做乜佢都會話你，咁介意仲乜。
你心目中最多俾到$1000，但佢講到明酒席除返開人頭要$1800-2000，而多數人認同酒店擺酒人情公價係$1500。
所以，你唯有作個藉口去唔到；或者跟你啲同事一樣 封$1500（斷估人人都封$1500，唔會話你卦）
千萬不要諗$1200/$1300，呢啲數字對於佢嚟講同封$1000冇分別，事後實唱你。
其實你都feel到佢份人擺酒搵人埋單，好極有限，唔做朋友不用可惜，按自己能力去做自己想做嘅事吧！過客嚟啫
佢都同你講左幾多錢一圍，咁你係想點~去定唔去？
唔去咪早D俾回禮囉，等佢可以請其他人，去咪做得好好睇睇囉，起碼唔好要人蝕。
嘻嘻，我以前同其他人一齊包三百，所以有段時間係包三百。
就算係親戚都包三百，可能係咁backlist 左。之前唔知可能主家要蝕，因為主人家一直沒有出聲。
直至到網上D人話公價幾多，先至提升飲酒價錢。如果唔係又比人BL~^^
佢都同你講左幾多錢一圍，咁你係想點~去定唔去？
唔去咪早D俾回禮囉，等佢可以請其他人，去咪做得好好睇睇囉，起碼唔好要人蝕。
嘻嘻，我以前同其他人一齊包三百，所以有段時間係包三百。
就算係親戚都包三百，可能係咁backlist 左。之前唔知可能主家要蝕，因為主人家一直沒有出聲。
直至到網上D人話公價幾多，先至提升飲酒價錢。如果唔係又比人BL~^^
我覺得飲酒係開心嘅事，所以在自己可以嘅情況下，唔好讓主人家蝕。
俾我就唔去，一嚟唔熟，二來成日提示話酒席唔平，冇理由諗住人哋幫你埋單，你可以選擇唔使去間咁高級嘅酒店度擺酒，即係充大頭鬼但要人哋埋單，要付出時間人情嚟睇你做show，無謂啦。
試過有個非常之唔熟，仲要成日黑面嘅同事請我去飲，我冇去到之餘都冇封人情，你冇問我想唔想去就一野炸埋嚟，你請我唔代表我一定要應酬你。
咪去啦，過客嚟。
你同我性格有啲似，會諗埋朋友同事感受，更會因為’佢哋會唔高興’而為佢哋去做一啲’自己會唔高興’嘅事。
我都改緊呢種諗法，因為自己一直積積埋埋好多唔高興。
最仆街喺咩？ 到最後發現原來某啲人其實當你臭4，你真心好意人哋當你傻西瓜。到時你更加懷疑人生。
鍾意自己先👍🏻
都真，有時不停默默幫人，佢地背後唔會感謝，只會笑我傻西瓜
我已經唔會當同事喺朋友住。
朋友要經歷時間相處。如果佢幾年都唔會做啲令你唔舒服唔開心嘅事，先好當佢朋友啦。
唔好做多唔好做少，放多啲心機時間精神落愛你嘅人身上。而呢啲夠膽俾壓力妳嘅人都唔會有資格做你朋友。
之前有同佢講過想辭職，不過出面市親差，搵唔到工。佢有日問我你唔係話走嘅咩？
呢啲我就唔會質疑佢嘅動機。始終無人知佢串你定真心關懷。
我重點喺你當時聽到呢句説話，你自己舒唔舒服。如果你唔舒服或者唔確定佢喺咪開玩笑的話，企後一步再觀察啦。
我早年大愛泛濫，當每個同事喺朋友。又當每個朋友喺好朋友，又當ex喺好人只不過佢唔明白啫。
而家諗返都好天真，因為有啲人真喺想玩9你而得到滿足感。
首先佢嘅所有stress完全與你/任何人無關
其次你當佢係你同事定朋友先
如果只係同事 冇必要同佢「攪好關係」你問自己 是但一個離開公司仲會聯絡嗎？
如果係朋友 你照直同佢講你唔想去嘅原因
佢諒解嘅話 恭喜你 佢真係當你朋友
佢嬲或者單單打打嘅話 都恭喜你 睇清佢嘅為人
我同佢只係同事，相信佢都係咁諗。而我都覺得如果而家話唔去，佢應該問到我傻，然後會怪我唔去。
俾多個參考你
我從冇去過任個同事嘅婚宴
我嘅回覆一律係
「唔去喇 多謝」
『點解唔去呀』
「討厭人多」
好彩我啲同事都係正常人 一般都唔會再問落去 關係亦冇因此變差
你個case 如果佢真係怪你 會唔會令你工作上有麻煩？
冇就真係唔鬼使理佢 大不了唔講嘢
如果會俾佢喺工作上留難你 你要衡量下個風險
其實我係好建議「坦白」同佢講「屋企環境點樣點樣」 正常人應該唔會再迫你
佢可以工作上留難我，所以先怕佢，一直唔敢出聲。
佢知我環境，最近開始為呢樣野串我
咁就真係有啲麻煩
聽你咁講 佢人品唔係幾好
而家人情公價最少好似$1500？！俾咗你會唔會好傷？我覺得唔應該為一個只係同事關係嘅人付出太多
我唔知你幾歲啦 我做咗咁多年嘢 好肯定話俾你知 「同事只係過客」 離開公司就各行各路 你最應該重視嘅係你自己 唔好難為自己
呢單嘢你自己諗清楚點做先唔會後悔 將自己嘅傷害降到最小
如果係我唔去兼唔會俾人情（我係呢種性格😛）
有d 唔係擺酒，就訂幾圍一班情友食飯，咁又點計？？
如果唔太熟，要二千蚊去飲。。我就唔。。仲要隨時周圍無咩識人，然後主人家又唔多理你。
（同事可能你哋仲要工作上要多合作，唔去都封$500....當人情世故...但有D 人明明唔多見....工作上又無咩交雜...又無端端畀$500？）
如果真係唔想去
一早講話你表妹都係嗰啲結婚咁咪得囉
佢冇理由叫你唔去表妹嗰度去佢婚禮
千祈唔好當日扮病
就算你真係病其實都唔會有人信
因為如果你當日臨時唔去
其實人哋就真係蝕咗個位
反而你一早講唔去
佢可以再執吓啲人數 唔使白白蝕錢
你應該直接同佢講：嗰日屋企人有事去唔到, 等佢預少你一個位！
之後求其買份小禮物咪算囉！
呢啲咁嘅人, 想身邊嘅人夾錢畀佢擺場大龍鳳, 千祈唔好上當！
如果你當日話發燒, 佢話已經預咗你個位, 之後點都要屈返你一兩千, 你仲難搞呀！！！！！
呢種人開到口要幾錢人情嘅，絕對係厚面皮嘅人，除非佢係你上司或者你未來有求於佢，否則你都唔需要俾面佢，冷冷咁講句“唔好意思，嗰日唔得閒”人唔到禮都唔需要到。呢d人一般欺善怕惡，以後絕唔會因為你肯俾2千人情而善待你
某程度上講，佢試緊你底線，如果你今次真係買佢怕肯交呢2千“保護費”以後d衰嘢陸續有來，例如佢衰咗俾上面照肺，你一定係佢搵人瀉膊嘅第一人選
自己比唔起千八至二千一位嘅酒席諗住人情貼嘅人根本唔應該充大頭鬼，人情講到明係睇「人情」，唔係餐飯嘅售價。如果佢講到咁明叫你俾足咁多而你認為佢本人唔值嘅話直接堅決拒絕，一世人流流長，呢啲人只係過客。
同佢講個日有朋友結婚要去做姊妹，問下佢做姊妹定做賓客去飲重要？比份人情佢，唔洗跟足佢個價，佢見你比唔足一定快手搵下家頂上個位好過蝕比你，事後就算問下睇相就話做姊妹忙冇時間影，祝佢幸福快樂就算
我同事試過擺酒前兩日叫我去，因為有人唔去唔到喎，我果日確實唔得閒。
帖都無張，禮都唔會做，佢之後嬲咗我。
你大方派帖我咪做禮囉，email 問當然email 覆完就算🤷♀️
CLS 你臨時先叫我去我都未嬲你😆
我永遠唔會因為怕比人串就充大頭鬼
反正你都睇穿我窮我做乜仲要洗大錢
同同事夾個公仔咪算
或者封三百
三百你要唱唱飽佢我當比乞兒
做人要問自己想點而唔係比人帶風向
我仲會話明窮冇作我你吹呀
佢話幾多就幾多咩！做500佢都要請你去飲㗎啦！冇人叫佢擺咁貴㗎嘛！唔通佢十萬一圍，你都照除返俾佢咩！大佬！佢要做樣湊人頭嚟戥佢高興，請個臨記，都要俾返演出費人哋啦！真係當夾錢食飯啊？
我心目中最多值$1000，但睇過高級酒店公價$1500 😮💨
如果佢已預咗你去，你又唔拒絕，都只能畀公價。 又如果佢分開搞註冊，你咪只去觀禮，人情隨量減。
坦白講，你講到同佢咁好交情，佢應該知你環境；如果係我係佢，我會主動開口叫你人情隨意就得。
同你唔算熟，又會串你，又暗示要做幾多人情，俾我就唔去！臨時先唔去又唔係幾好，作個藉口話嗰日唔得閒，eg阿爺/阿嫲擺大壽、識咗好耐的朋友結婚、表兄弟姊妹結婚
唔明啲人點解又話貴又比唔起但仲要去酒店… 人哋封禮金係祝福係心意，死都要人填數咁
唔去就盡快講堅定講
去就求其封一個自己舒服嘅價… 你對佢嘅婚姻無責任！
第日生仔百日又去酒店大攪，又要回本…
結婚為場show 好無謂
而家好多人搞婚禮由prewed，過大禮開始已是一場show。。。
好辛苦… sorry I will never understand..
I 人內向仔表示唔想見人😂
你會唔為咗你地嘅友誼比一個回到本嘅人情佢?
如果會，咁就無問題
如果唔會，咁你諗返直接唔去定係照去比一個你覺得合適嘅數，反正佢都係會唔滿意
其實話要上堂/親戚喺外國返嚟，約咗果日成個家族團聚，唔理佢信唔信，總之就係唔好意思，嚟唔到。但就早啲同佢講，起碼俾佢有時間揾人填氹。
最少啦，有足夠時間佢揾人替或者減圍數，佢會冇咁㷫嘅，應該。
舊Boss個細佬結婚 請晒全公司去 (大約四五十人)喺港島區嘅遊艇會食自助餐 佢預早直接表明 要我哋點樣做人情
佢預早同我哋講 唔需要做人情
去就一千，唔去五百，唔洗理佢成本幾多，有句話叫冇咁大個頭唔好買咁大頂帽，冇人叫佢擺高級酒店丫麻。大家有交情，唔去早單聲好D。
真心當你係朋友就唔會規定你封幾多人情
封人情按自己能力
佢要擺高級酒店係佢嘅事，你無責任為佢嘅面子埋單
唔想去就預早通知同事
其實成日都唔明點解啲人覺得自己擺高級酒店就要俾多啲人情 講真你想靚嘅酒店都係為咗你自己嘅面子姐 對我嚟講係冇分別㗎喔
直接話家庭旅行，夾哂全部人得果一日得，自己都無得say, 最多封返300蚊俾佢，你突然發燒而唔去，係成本角度睇，佢心裡仲嬲
梗係搵個理由然後唔好去
兩千蚊人情，cls
你估個個有幾百萬身家唔至在2000吖
根本就係友情勒索搵班水魚進貢，面就佢攞佢威
我友人抱孫/嫁娶.會預先問誰出席.因預位..有次朋友告之我茹素難安排.冇预我🤷♀️
對於陌生同事.我只觀禮.不参予酒席
一般1千，高級地方加300，熟既就再300，頂磅2千。不過就算您做幾多，事後都會俾佢串。因為佢今次喺登台 唔喺結婚擺酒。
去乜鬼
畀唔啱數對方唔高興
畀得多你又唔想...
一於佢講真係無錢...
唔出席，
但封三百賀禮...🥂
對方就係睇中你心軟@.@
出席飲宴 好浪費時間，多數要同不太熟 甚至三唔識七的坐埋一圍，還返張貼俾佢, 話自己不方便出席，大家冇拖冇欠
我老公一定話居企有事，成年人就明啦！？不過呢啲多數吾熟嘅
有時吾係好明白，你要威擺酒店做乜要人陪你出錢先?
話屋企長輩生日，喜事不能相冲(長輩表明介意)，淨係講句恭喜，人情唔使俾，飲都唔使去飲，一蚊都唔使，慳返
唔支持佢嘅做法
但其實佢都講到明啦😂
一係就二千
一係就唔去唔比
比低過二千只會事後比人唱
仲少埋個hi bye fd
早d搵個藉口話去唔到會更好，即場先放飛機其實更討厭。因為你早d拒絕，人地自然會自己諗請其他賓客。
預左你唔好唔黎，呢句已經係強迫。講真親戚都可以唔去啦，何況係同事。如果你好唔想去真係唔好勉強
我係好唔想去。
一來去嘅話，要比貴人情，比得少佢有會話，比得多我又覺得重傷。
本身去就諗住$1000 佢同你呻就$800
俾你去就放飛機
或者我有個親戚走咗 呀媽好傳統 紅白事唔可以撞 Sorry
你已經講左本身唔想去
即係你都唔當佢fd架啦
咪是但作d理由唔出席囉
驚得罪佢咪封返五舊當祝賀囉
因為我一直將同事同朋友分開 😢
同埋以熟嘅程度，真係唔算FD
洗乜諗咁多，咪話有事唔去得囉！不過預早講唔好臨時甩底，咁嘥左人個位仲老土，仲有說話聽呀！
唔去就一早同人講定 唔好臨時先話唔去 因為你唔去個位有機會俾其他人頂上 唔好嘥咗個酒席
咁要視乎你睇吓乜嘢藉口如果你話嗰日撞咗另一場婚宴又或者買咗機票去旅行嘅話呢啲已經一早知
唔使覺得唔好意思 同事關係轉咗工冇乜聯絡，除非你好想keep呢班同事嘅circle
就咁：Sor呀，嗰日有事嚟唔到呀！
事實上我有好坦白同人講過，我好怕呢啲場合，我唔去喇⋯
問番佢既回禮有幾多先？
我試過做￥1000 人情，主家回番￥900。谂住唔俾回禮不如賣入場券。
為了節省，不去也罷！ 如果利是給$2000 ，可能她還說不夠，但你卻要付出這不算少的款項！