📌 有冇一啲說話係你細個
共 49 條紀錄
有冇一啲說話係你細個俾老師話完到依家都記得 好offensive ge
希望我唔好犯
我中一每日都好早反學，英文老師見到想我幫手改功課改卷，我覺得反去都冇野做就應承左，每次15-20分鐘左右，做左幾次之後比班主任見到，佢好大聲係走廊罵我「你點解要做依d，咁早反黎做咩，咁大個人唔識拒絕人架」，英文老師聽到都尷尬，之後就冇叫我再做，我之後諗反，其實佢做班主任，佢見到有問題直接同英文老師溝通係咪好d，人地老師叫我做，我點識拒絕。
之後我同班主任關係都唔太好，有次外藉老師搞lunch活動抽中我同隔離班幾個同學一齊食pizza傾計，當時學校lunch係陽光午餐，每日有同學寫黑板邊個班號食ABC餐，果時有人話準備開始催我出去，我望左眼黑板拎左C餐就出去，食食下班主任話有事同我講幾句，同外藉老師佢地隔左幾步路，班主任又係好大聲罵「你知唔知拎錯人地飯盒，搞到有個同學要食B餐，緊係啦食pizza wo ，平時冇得食，一聽到對眼就發哂光，成隻狗咁衝出去，你下次睇清楚先拎啦」，我有道歉 真係我拎錯左，但洗唔洗咁講野。
1星期大概2日要係班房早會睇書，我平時好中意睇書，成日會去圖書館借書，有次早會睇本書叫xxxx公主，我唔記得叫咩名😂班主任巡過見到嘲笑我係咪幻想自己做公主。
太長仲有一段
果小學六年級畢業果年班主任同我阿媽講（我喺隔離，利申當時成績唔差，有兩科95+，一科滿分）
果老師我班主任加教英文（利申我英文當時滿分）
我阿媽幫我報Band1學校
果老師：要按住你果女能力撰學校，呢個成績唔會入到，去撰適合佢嘅學校好D，呢間幾啱佢（一間Band3學校）
我阿媽最後撰Band2（幾出名食太空油），我入咗，想去叩Band1門，想問校長攞信，學校叫搵班主任一齊見校長問，我班主任叫咗我同我阿媽去見佢
我班主任對住我講：你好似唔係幾開心，呢間學校幾好啊，啱呢個水平會讀得舒服D
我阿媽已經好禮貌問佢可摸以見一下校長（佢be like繼續講廢話）
對住我阿媽講：呢間學校已經對佢呢個成績係幾好架啦，佢呢個成績讀唔到band1
佢9up咗差唔多一個鐘，我哋決定唔要校長信，走去叩門
我後尾考入Band1
果個老師小息叫我出去有嘢同我講，仲有副校長問我：你係咪決定放棄XXX（果間Band2學校）學位，果間學校幾適合你水平
CLS入咗Band1邊個會去Band3都On9嘅
之後佢第二日小息問我：問我去唔去考XXX（一間Band3學校，但同我小學有D connection果種）佢話相信我入到
我對佢印象好深刻，我果時候中一特登返去show俾佢睇我中學成績
永遠好記得呢條PK，希望佢依家無再教書禍害人
佢果時候其實好針對我，日日打俾我家長話我好多嘢
條友教我三年英文，一句英文都無聽佢講過
都考分班試條ON9話教D嘢or 我哋預備，條On9教咩L嘢 “a”,”an”,”the” 同埋 “have”, “has”
完全覺得我小學D時間俾呢條拉圾浪費曬
*雖然後尾D嘢唔關事，不過可以睇出佢幾trash
1. 「你有冇諗過去外國讀」
事因我中文差 已經好冇興趣而且其實科科都冇交功課/明顯抄 係呢個情況我學校好多成績差嘅都係打算去外國讀 但係我無錢+其實我成績唔差 所以真係有啲嬲
2. 「今次考第一嗰個好彩啫」
嚟句唔係同我講 而係同平時考開最高分/第二過分嘅講 果陣份mock佢唔係最高分 我係 然後嗰個同學喊 跟住個老師為咗安慰佢 屎忽對住我咁同佢講嚟句 嗰陣時我打緊傳說都真係停低望住佢。 小姐。 我平時都係頭幾甚至最高分好冇 你咁咩意思？？（雖然我幾肯定我係佢最憎嘅學生）
3. 「XXX都入咗大學啦 你呢點呀」
嚟句都係2嗰個老師講嘅 係畢業後嘅class gathering問我 XXX係我地班上考好差 上堂經常訓覺嘅學生 咁我地學校嘅即入大學率應該90%+ 所以我中文差無得入local+無錢去外國嘅係少數。我當時真係想屌佢
都已經8年前了 記到依家
中一個年上音樂堂同隔離位傾計 音樂老師淨係屌我一個人 我反問佢話：「我冇可能自己同自己傾計 係咪因為同我傾計嘅同學係你帶嘅中樂團成員所以淨係屌我一個人？」
佢嬲到叫我落堂留低 之後同我講話會打電話同我屋企人講 之後lunch time再叫返我去音樂室 一開口就話：「xxx啊嘛 我check過你個底啦 你冇老竇老母架嘛（我老竇老母離咗婚）唔怪得之個人咁冇禮貌冇家教啦」
我嬲到屌鳩佢問佢講乜撚嘢 為人師表讀咁撚多書都講得出呢啲說話 我冇老竇老母唔通我石頭彈出嚟 我都知你有個幾歲女 我祝你個女他朝一日都係咁樣俾人講
之後即刻擰轉頭走 入廁所打電話俾我屋企人同佢地講 屋企人即刻打電話返學校搵佢屌咗一獲再去教育局投訴佢 下年就冇再見到佢lu 可能佢以為我冇屋企人撐腰但我唔係🤣
讀十幾年書
唯一一句幾十年都揮之不去嘅說話係俾個歷史老師叫食屎
而個原因都好簡單
嗰年f.3期末派成績 跟學號派
我前面條友考得好好 差唔多滿分 我就差一分合格
我一出到去拎 佢就好大聲咁講 你食屎啦
講真唔係太care成績 但好shock下
當時心諗 咁人人都唔同㗎啦 人人都有佢嘅長處同唔擅長嘅事
開頭都以為自己冇擺喺心
直到八年前喺佢屋企附近返工見到佢同小朋友喺商場食嘢
唔知點解就好自然走咗過去say hi然後問佢記唔記得我 明明我都好唔鐘意佢
如果佢小朋友唔喺到 我可能都會問佢記唔記得鬧過我食屎
其實而家諗返 佢就算唔鬧食屎 我應該都係會記成世
因為佢鬧我嘅原因純粹係同前面條友比較
而唔係指出我有咩問題
可能佢唔係有心 但老師嘅每一句說話每一個行為確實係可以令人記成世
小5嗰陣有一次食完飯抌飯盒嘅時候比一個小3撞跌咗個飯盒然後成地都係。跟住我諗住叫清潔工攞地拖執乾淨去，然後就返去現場到廢事啲人踩到，但係小息完咗個阿姐都未嚟。咁老師落到嚟見到堆mess 就話係邊個搞到咁，做乜咁冇責任感唔執呢個mess。咁我就同佢講係一個低年級嘅人撞到我先搞到咁同埋已經叫咗清潔工。呢個時候啲同學都陸續入返班房。然後個老師完全冇理我講嘅嘢，直接喺成班面前話我唔誠實，人品有問題同冇責任心，仲要我喺成班面前用紙巾抹乾淨，跟住繼續講話人品有問題讀幾多書都冇用，然後就話我可以唔洗上堂啦
後嚟個姐姐攞住個地拖過嚟佢先冇繼續話我人品。
之前探校意外地同佢一架lift 佢仲要啤住我好似係我啲咩壞人咁cls
其實如果我冇責任感我嗰陣就唔會認啦
本身我數底勁差😂去到高中有科Math Stat。我做錯咗，然後個老師好嬲用擦子膠擦撚晒我d數式。雖然我蠢姐，但我都有努力過架……佢問都無問就擦撚晒，好唔尊重我。我覺得好委屈，喊咗出嚟
直到我出黎撈，我一直都提自己點嬲都好，尊重返個學生(佢態度正常既話)。係人都有情緒，激親都會有脾氣，但老師一個舉動足以令學生記一世。點樣表達自己，同時令學生接受係好困難
以前讀傳統名校，老師只彈無讚(除非你好outstanding)。一開始出嚟做，教banding 低既學生令我好迷惘，撞左好多板😂一開始淨係識得鬧。但後來發現以柔制剛先係正路。唔同老師有唔同style既，希望你可以成為一個令學生受益既老師
小學嗰陣有個黑黑實實嘅女同學成日追住我錫，我每次都好努力轉身避開，點知有一日，班主任突然好嚴肅地要拉我去教員室，一邊鬧我不知廉恥騷擾女同學（調番轉話我追住佢錫⋯⋯），話竟然搞到人哋家長寫信投訴；我永遠記得嗰陣上教員室格𨋢入面時嗰個令人窒息嘅氛圍、同其他老師無聲而失望嘅眼神。成件事完全冇比我解釋，淨係聽家長單方說詞，後續亦冇印象係點解決，不了了之。但我覺得由嗰陣起我開始變到唔敢反駁同為自己發聲。直到依家，都仲係最深刻嘅事之一，什至可能係第一件令我產生「恨」、委屈嘅陰影，不過個老師本人一定唔記得😮💨
你咁講會令人好葡萄 😂😂
不過十居八九既同學都係會因為俾人老屈而唔開心
依家仲有冇同對方聯絡？話唔定你同佢傾返呢一件事會令到你釋懷多啲
小學同兩個朋友一齊去釘耳窿，戴最basic個隻普通護耳耳環，第日返學俾班主任見到話我地幾個「姣婆發姣發凳扮靚溝仔」「點扮都冇仔吼」、同逼我地唔準戴耳環即除(校規寫明可以戴樸素款嘅耳環)，結果到左放學，我地啲耳窿已經埋哂口、我兩個朋友勇到返屋企自己搵支針通返佢🫠我就一路到大個先再釘返
畢業之後間唔中條友都會係班group r gathering，10幾年都冇人睬佢，又間唔中會喺Facebook po我地以前小學啲班相話掛住我地、想見返我地，到佢早幾年移民走都冇人so過佢🙂
中六嗰陣，我班有個白人同學，坐喺我隔離。有次上英文堂，佢不停撩我傾偈，我已經冇理佢，但佢仲係咁煩住我。之後個英文老師反而捉咗我出嚟鬧，問我點解傾計。我就話：「我冇呀，係佢撩我講嘢。」
老師竟然話：「所以人哋英文咪考第一，你考最尾囉！」
由嗰日開始，我一直記住佢點樣羞辱我，因為我英文差，好似我做乜都係錯。
但到今日，我已經喺英國做緊政府工；反而呢位老師，一世都未去過真正講英文嘅地方，繼續做住井底之蛙教英文。
個陣唔記得小五定小六 我認我係懶 有時會唔做功課 個班主任成日捉住我衫領黎鬧 鬧我不知所謂 到我大個左而家聽到有人鬧我不知所謂都會發嬲
到有次我做左份功課 但出左門口先記起冇放落書包 我驚到我媽送我返學我喊足全程 到學校門口校長見到我喊到豬頭咁問我咩事 我就話我唔記得帶功課但我有做 校長就幫我同班主任講 事後返到課室 班主任又捉住我衫領 鬧我同校長報串
中學最印象深刻係 我好比心機做左功課 事後比個老師話我hea不如唔好做
Form3定4 數學test全級尾十
學校搞咗個補底班
個阿sir冇教我form數嘅 三唔識七
但講啲到勁賤格 開口埋口話我哋廢 情緒勒索
但其實嗰次test所有同學成績都ok
我雖然尾十但都有60 70分之類 唔係廢🤣
阿sir勁臭串話識就做條數出嚟
成班即刻做出嚟 佢拎住份卷睇咗好耐
完全唔知講咩好🤣
跟住就喺度嘈要點名
有同學去咗足球校際比賽 lunch已經唔喺學校
佢打畀同學家長 話佢哋個仔唔見咗😑
最尾當然俾人屌到仆街
咁多年唔畀佢教高form真心知咩料
小學嗰陣個班主任啱啱生完小朋友 而我媽咪知道我好鍾意呢個班主任 就叫我攞盒補品帶返學俾班主任補下身（唔係咩貴價山珍海味）真係好單純嘅關心冇任何其他意思
但係當我送俾班主任嗰陣佢當住其他同學面講左句：「多謝 不過我唔會因為收左你媽咪份禮物就對你特別啲」 我當下feel到自己成塊面都熱曬 覺得明明我媽咪根本唔係呢個意思 但係你就要講到佢係想討好你/賄賂你咁 好好地一份心意就咁俾人曲解左
小五定小六嘅時候因為一單校園欺凌被警司警戒
我冇參與過,只係係發生地點經過, 俾參與者屈我有份講說話扇動欺凌,
班主任校長都同我講: 個個都話你有份, 你覺得你講嘅嘢仲有邊個會信
呀爸媽咪都冇信我, 淨係叫我認
最後我都被警司警戒埋
我成績唔好 唔代表我個人格都吾好 我DLLM!
同埋個好笑位係, 我插班入呢間小學3年, 俾人校園欺凌左3年🙂但冇人理過我, 呢單野我到依家大個20幾歲諗番都仲會想喊
中學讀中二個陣行雙班主仼制，有個新入行教書Miss，教半班學生英文堂，無教我，但係因為我同一班佢本身唔鐘意既學生一齊玩，連帶都唔鐘意我。試過朝早有堂係有自由閱讀時間，我僕咗係枱到睇書，佢以為我訓教，用本硬皮簿拍落我個頭到諗住叫醒我。
最深刻係覺得我成績唔好，睇唔起我同我講：「你依一世都唔使旨意做上等人！」
😊依句說話記咗我十幾年，無心教建議唔好害人。
小學六年級 隔離位個男同學喺度教我玩白膠漿
薄薄吱一層白膠漿喺手 等佢乾咗摵出嚟
我覺得好好玩 摵出嚟嗰感覺好得意
突然被老師發現咗 佢鬧我
「你女仔人家點解會玩呢啲㗎 有咩好玩啊 污糟邋遢 即刻同我去洗手」
我一路洗一路諗 點解女仔唔可以玩呢啲
我覺得好玩喎！鍾意玩呢啲就唔係女仔？！
好疑惑 好唔開心
明明我都好鍾意有啲所謂嘅女仔野 都鍾意扮靚靚
初中果陣我有個幾fd 嘅男同事，某日一齊返屋企 講講下笑 佢吱我，因為夏天校裙好薄，呢個好突如其來嘅身體接觸我唔係好OK，之後我有啲疏遠個男同學。過幾日朝早班會，班主任無啦啦講起「男女之間打鬧好正常 比如有時吱下你咁 呢啲其實無咩嘢」（我唔記得原句，大致意思係咁，但一定有提過吱）我唔知有無關係，但我一直覺得佢係到點我😂。
化學老師係個極度精英主義者，派卷要跟分派。同時佢又係我嘅班主任，見家長嗰陣仲會直接同阿媽講：「唔知你個仔聽唔聽得明。」
記得有次化學考到第三，佢派第一、二名都俾咗啲勉勵說話，輪到我嗰陣，佢呆咗一陣，然後講：「有時考試，運氣都好重要‼️」，呢句我記一世，輕飄飄一句話就否定咗我既努力。
但而家有化學學位🧑🎓
由細到大都學鋼琴，真係好鐘意，中一考左八級，中學嘅老師都知我係彈琴。到左揀Jupas，A1-3都係揀music，完全冇諗其他。
有個老師關心我地每個人揀jupas，見到我揀music，喺全班面前話：「下？你揀music？人地一日練好多個鐘，上台要連續彈一個鐘架喎。我老婆都係教琴，我點會唔知」
幾年後，我用全額獎學金讀music master🙏🏻
小學小息時候，同學係電腦開咗一啲對小動物唔好嘅相出嚟獵奇（唔講仔細廢事有人學）
我睇完嚇親覺得啲動物好慘喊到傻仔。
老師嚟到知道後，捉咗我去走廊話我唔應該喊。喊會影響人。
完全漠視其他同學share d咁嘅相，亦漠視一個小學生見到嚇親後嘅反應。
記到呢刻。以前覺得委屈，但宜家諗起得嬲。不知所謂嘅老師。
P.5 + P.6班主任
因為我英文listening比其他特別低分
有次家長日講成績表個陣講到呢個問題
佢對住我同我老母問我係咪對耳有咩問題，洗唔洗去check耳
（但其實只係因為個soundtrack講得太快，我jot notes技巧差，catch唔切）
然後我老母𨳒左佢幾句
佢而家仲有一對仔女
希望佢仔女listening唔合格時會帶佢地去check耳
我簡單講下我背景，我冇父母，同助養人關係唔好成日冇飯食，我唔想係屋企，所以每日好早反學，pizza係平時少食，我冇幻想自己係公主，只係咩書都會借黎睇下。有個同學同我講班主任唔中意我，因為覺得我冇父母性格又怪，我聽完笑左，佢連最基本為人師表有教無類都做唔到，有問題係佢唔係我。
「你地後生，唔讀書都會有人請你，去捧餐囉，去賣衫囉……咁你地諗住30歲就自殺呀？」
中四授課員地圖炮鬧晒全班，佢仲教到我中七，日日都有佢堂一星期見足5日💩十幾年後嘅今日佢仲喺同一間學校教緊，為禍人間。
之後三大grad，正當職業，但我過左三十歲都仲後悔緊當年冇投訴佢💩
你係咪有公主病 咩都要人就你 你要珍惜尼個朋友
但明明唔知嘅係我每次都會叫人要跟翻自己想做咩而去決定 不要咩都跟我
同埋果個人成績好 擅長social 同老師果d frd就咩都覺得佢啱 佢的確好好多好好嘅地方 但咩叫我好好珍惜 佢之前咁樣幫人唱我😂 成日講完人地 扮到冇事發生
小一番學第一個星期，上英文堂時個miss為咗要我哋安靜唔好嘈，用佢裝粉筆嘅鐵筆盒好大力拍張教師枱，用咪好大聲話「你哋呢班正瘟神嚟！肯收聲未呀！」成班嗰刻靜晒，其實唔係因為佢句嘢嚇親，因為未明咩叫瘟神，事實係比佢嘅聲線同個面目猙獰樣嚇親
仲記得佢姓田
小學嘅時候男仔之間好流行玩千年殺(唔知嘅可以自己search😂)
有一日等上堂嘅時候另外兩個同學喺門口玩緊
啱啱先到嘅我決定同時偷襲兩個同學
點知中文老師咁啱到咗, 望住我話: 本身諗緊有咩例子教鷸蚌相爭，漁翁得利, 宜家有啦
之後我就被罰抄咗唔記得咗幾多次😂
小二手足口病無返學2星期
我係數學科長，要幫手拎簿
點知返到去幫老師拎簿，原來轉左位置，我走返上課堂同老師講
佢單單打打話: 你成日唔返學，緊係唔知啦
小二既我唔開心左好耐，到呢加都記得
我大個諗返，
假設係我無唔返學，改左位置 我第一日都唔知嫁wo???
初中個陣band one 中學但讀書成績唔好，老師家長會話你咁嘅成績好大鑊，大個真係準備掃街，或者街都未必有得你掃，乜都唔洗做
個下除左覺得自尊心受挫 係猛然覺得老師（社會眼中嘅道德榜樣）價值觀非常嚇人 公然職業歧視
利申：已畢業一段時間 依家有學位有牌
我會考年代以前中文中學，中四中五英文班會全級打散分level上堂，最差果group會讀syllabus A其實人讀syllabus B. 我中四中五係精英班不過多新移民佢哋唯獨英文差要入syllabus A group, 當時班主任話：「我未見過精英班有咁多人入syllabus A group, 你哋係我見過最差一屆。」
「你睇咁厚嘅書係為咗扮嘢。你都唔識睇。」
我小五時睇巴金嘅代表作小說《家》，俾一個針對我嘅老師收走我本書，仲質疑我嘅學習動機。細個當然唔會睇得明五四思潮衝擊腐朽封建大家族呢個角度，但就咁當故事睇下，其實都冇咩問題啫。
小五小六個班主任係同一個人，男人嚟，2年入面同咗我講3次「你好樣衰」。我嗰陣係七三分嘅斜瀏海，佢其中有一次係指住隔離個平陰女仔同我講：「你學下人學剪個陰」
用咗十年時間先行到出呢個陰影，前排先做到唔再留平陰🧎🏻♀️
我中文差英文好
初中讀英數，高中轉中數
但英數班比精英班only
我中學班主任：中數同英數都係一樣姐...
補習叫我一早學英數
結果學校數學堂訓覺dse靠補習用英數教我
長期兩頭唔到岸
同學校嘈到就考dse先比轉
個年考左個2（學校pre 1)
學校區日日有個地盤佬摸女學生patpat
見左一兩次但D 人無為意， 有日佢行過黎摸我我即刻報警去左落口供
老師係我唔係度同成班講 : D男人專揀D睇落唔會出聲嘅人黎非禮，你報警仲會話返你轉頭你好靚咩我使唔使摸你呀
大概係咁
細個寫中文好慢所以成日做唔晒份卷，然後有一日個老師喺成班面前問我點解人哋做得晒份卷但係我做唔晒。我嗰刻完全唔識點答佢，其實係人都知因為我寫得慢所以做唔晒架啦點解要搞到咁
後嚟可以用原子筆考試就冇呢個問題了
讀 AL 嗰陣 Pure Maths 成績唔好，個阿 sir 派卷比我嗰陣當眾奚落我話「阿邊個都有進步，點解你冇進步㗎」(佢真係用「阿邊個」代指同學，佢係唔記學生名嘅人)，當時唔開心到有諗過 drop 科，好在最後都有個 C，不過不失啦
小學俾人bully
跟住我捉住個bully我條友鬧到佢飛起
老師「你成日發脾氣 xxx好驚你 你成日咁樣同人講嘢唔怪之你冇朋友」
只想同你講 發脾氣嗰個唔一定唔啱
利申 學校以外都識到唔少fd 所以我相信有問題嗰個唔係我
小學嘅時候俾數學老師話過冇出息。佢上堂要我哋連啲書點擺都管，最癲試過因為同學擺咗其他科嘅書喺枱面，而掃哂成枱嘢落地。大個先發現唔係個個老師都會咁做
同埋有老師打俾我家長話我曳，間接鬧埋家長
港島東某一條龍直資小學：
班主任/數學老師將我份卷放係投影機比全班睇
「雖然我係教數學，不過今日教埋中文～近朱者赤，近墨者黑。」自此我就係學校無朋友，而且一考數學就作嘔
唔明點解可以咁帶頭欺凌
小五定小六有段時間喺人際關係上唔係好開心，嘗試控制自己過動既情緒同觀察下其他人、結果比個Miss行埋嚟同我講：
「我最唔鐘意扮Cool既人，你依種人係唔會有人鐘意，你覺得自己有型咩？」
我？？？？？
小學四五年班有個英文老師好撚西
：你唔可以對所有人都唔公平
：呢個世界就係咁唔公平架啦
仲有以前個pe+數學+電腦老師，小妹以前個頭好亂，佢上手摷我個頭之後話我公仔麵頭，仲要俾同學笑左好耐..
中三嗰年，班主任話我成績差到唔會升到中四。我當時成績係升中四揀咩科都得😂😂 之後讀完大學再讀master，唔係叻，但起碼知道自己算讀到書🥲
近幾年知道教畜嘅學歷唔夠，升唔到做校長，好爽😎