有冇人同我一樣覺得行市集都有種莫名嘅尷尬感? 🥴
檔主太熱情你又想避開；佢低頭睇手機唔理你，你又覺得佢唔夠熱情。
加上檔位細到你每個動作都好似放大 200% ，想放低又怕似係嫌棄。
最恐怖係好多都唔寫價錢，要自己問——問完如果覺得貴唔買，嗰種尷尬係會跟你行完成個市集。
帶住壓力睇完一圈，有時買嘢唔係因為鍾意，係因為「睇咗咁耐係咪應該買返串」。
明明想 support 小店，最後反而變咗精神壓力測試…有冇人明？
我接受佢玩電話
麻煩佢繼續玩電話
我淨係想同佢講句收錢唔該
冇清楚嘅價錢牌係死罪
行到埋去都見唔到價錢的話我會直接pass
唔好同我講貼左喺底歡迎拎起睇
我見唔到幾錢直頭唔會拎起
我店係有寫價錢，本身我都係自己望下電話，後尾上threads見到有人話啲店主唔介紹只係禁電話好寸，搞到我都唔知介唔介紹好😭同埋有比人偷過野，所以唔望住又唔得😭
最怕係啲攤稍微停留幾秒
已經好似喪屍聞到活人咁撲上嚟狂sell🫠
上次我同阿女（三歲半）咁啱路過一個市集，佢見到啲髮夾行埋去望，檔主立即好熱情介紹呢樣嗰樣，又戴上阿女個頭度，搞到唔買唔好意思，好啦買一個。跟住我女未想走繼續望，檔主就拎個鎖匙扣扣落我女個袋，話買埋佢啦，個鎖匙扣係用幾粒珠穿咗個天使形狀出來，我唔信教，個天使又唔係靚，正常就算係贈品唔駛錢我都唔想要，竟然索價$25，我唔想買，糾纏咗好耐，最後我都係焗住買咗。
之後我女機乎每個攤檔發一次脾氣，有啲檔我幫襯下，有啲我真係完全買唔落手就唯有抱走個女。
下次同個女見到市集我一定兜路走。
有類似感覺。好多時候係想攤主當自己透明，睇完唔想買都有一種尷尬。但係有啲攤主介紹自己既產品係講得好好，又會好矛盾咁想聽下
有另一種尷係你買過一兩次，個檔主認得你
然後下次再行時，佢好似想你再幫襯咁望實你
有時有啲嘢，唔會買完再買
好似飾物咁，唔會佢整嘅成set都買齊嘛
打招呼而唔埋去又唔係
埋去唔幫襯又再尷啲…
唔識處理
I人家嫂超明
所以會打聲招呼介紹一句示意之後就繼續做自己野🫡
我好怕要續樣問價錢，而我轉頭唔記得幾錢又要再問，有時佢哋好落力介紹，但我又未必睇得啱，而且有時偏貴。
試過去K11買飾物，個女仔話自己整，耳環二百蚊，點知偶然見淘寶賣十幾蚊，真心嬲！因為我當日真心想幫襯返本地人，點知被騙！😭
所以好似愈來愈少幫襯小店。連賣衫個d舖頭仔唔寫價錢都唔入了已經
🤣🤣我自己行市集都會，我都驚太熱情。 不過我自己擺檔都會一邊做款，又望下手機，但係有人行過又會控制唔到打招呼，不過唔敢太大聲/太熱情，除非客人真係都係熱情派，唔係既話，我都由佢睇。不過都真係提起我，做岩就係打價錢，方便人哋睇幾多錢，大家都輕鬆，舒服🤣
i 人心裡表示唔好同我講嘢
一同我講嘢就好大壓力
好想走，但檔主又講緊嘢，如果走又冇禮貌！
我鍾意睇手作嘢，亦會幫襯
勁怕冇價錢，會覺得冇價錢就會好貴
檔主表示認同（我infp+高敏
所以寧願啲嘢放哂上ig
價錢牌/招牌/海報啲字大到阿婆老花都要見到
整埋小冊子最好客人一目十行
一開始以為字多無人睇
但其實好多人鍾意睇字
如果我消失咗/執緊嘢佢地會睇得更開心😂
弱弱say個hi
之後有咩唔明先再問我
有啲客人會好親切嘅
咁我都好鍾意同佢地傾計
但有啲客係鍾意自己睇 唔想有對答
呢點我真係完全明白～
我鍾意熱情，因為市集賣嘅係產品加背後故事，創作過程，就算唔係自己作品，傾吓計知道擺攤點滴係我會買嘅原因。 講真，低頭睇手機嗰啲我係唔會埋去，因為我都識低頭睇手機網購。
所以我都好少行市集🙂我欣賞擺攤既手作人咁有energy
但如果係市集太多人 我就想快d走
社恐人表示拎完或者聽佢講完嘢唔買，之後都唔敢再經過嗰間鋪
特登兜路
我係i人 但我好鍾意行市集🤣🤣
有冇價錢我都逐樣睇逐樣欣賞
有緣嘅話我覺得幾多錢 佢都係屬於你
有寫價錢，但每次d人都唔睇個牌就問價錢🤷♀️。
一起身未講野，就好似見鬼甘走，所以我都等佢睇耐d先開口
係呀，會尷尬，行入個檔之前會諗吓係咪真係有嘢想幫襯自望，又知道佢哋生意難做，舖租又唔平（係會想佢哋痴晒價錢牌，等我唔使問佢）
所以喺香港極少睇依啲。通常都係會去外國睇，感覺先正常。
我就唔會喪sell，只會講句：隨便睇
我地反而好驚果啲無嘢問夾硬搵啲嘢嚟問既人（基本上我哋識得估到邊啲係客邊啲唔係）唔買真係唔緊要，唔洗夾硬問咁多嘢，再講啲說話貶低我啲嘢然後“心安理得”咁走
至於明碼實價係必須的
你好I🤭 我係一個面皮厚既I人，都明。所以無價錢我係唔會睇亦唔會問。
檔主最好就睇手機唔好理
最怕望多兩眼企埋起身招呼我，又加上無寫價錢，真係走都走唔切🏃♀️🏃♀️，價錢睇唔切
呢d一定無回頭㗎啦～